"გირჩის“ ინიციატივით, მიხეილ სააკაშვილის საზღვარგარეთ სამკურნალოდ გადაყვანის საკითხი ნაფიც მსაჯულთა სასამართლომ უნდა გადაწყვიტოს
"გირჩის“ წევრის ვახტანგ მეგრელიშვილის განცხადებით, გადაიყვანენ თუ არა მიხეილ სააკაშვილს საზღვარგარეთ სამკურნალოდ, ნაფიც მსაჯულთა სასამართლომ უნდა გადაწყვიტოს.
ამის შესახებ მეგრელიშვილმა პარლამენტის პლენარულ სხდომაზე "თავისუფალი ტრიბუნის“ ფორმატში გამოსვლისას განაცხადა.
"წარმოიდგინეთ, არსებობს კი იმის შანსი, რომ დღევანდელმა სასამართლომ, რომელიც თავის დროზე მიხეილ სააკაშვილის მიერ იყო შექმნილი, დღეს მიხეილ სააკაშვილი გაასამართლოს და ეს საზოგადოების გაერთიანების მიზეზი გახდეს? ეს ხომ შეუძლებელია?! იქნებ, თუ რაიმე შესაძლებლობა არსებობს, სასწრაფოდ მივცეთ საშუალება ნაფიც მსაჯულთა სასამართლოს. ახლა რომ ამის ნება იყოს მიხეილ სააკაშვილის და "ნაციონალური მოძრაობის“ მხრიდან, ნაფიც მსაჯულთა სასამართლომ უნდა გადაწყვიტოს, სააკაშვილი საზღვარგარეთ სამკურნალოდ გადაიყვანონ, თუ არა“,- განაცხადა ვახტანგ მეგრელიშვილმა.