ინგლისის ნაკრებმა შინ მსოფლიო ჩემპიონატის თასი ვერ წაიღო, მაგრამ კატა წაიყვანა...

მიუხედავად იმისა, რომ ნაკრები ¼ ფინალში საფრანგეთთან დამარცხდა, გარეთ საუთგეიტის გუნდს ახალი თილისმა ჰყავს.

მცველებმა კაილ უოკერმა და ჯონ სთოუნზმა ვარჯიშის დროს, ალ-ვაკარის სამწვრთნელო ბაზაზე კატა იპოვეს. 4 -კვირიანი პერიოდის განმავლობაში, ვიდრე ინგლისის ნაკრები იქ ვარჯიშობდა, კატა ყოველ საღამოს ფეხბურთელებთან იყო და საჭმელს ელოდა.

უოკერმა FA-ს ოფიციალურ არხს განუცხადა: "მე და სთოუნზიმ ის ვიშვილეთ. გვიხარია, რომ დეივი ჩვენს სუფრას იყოფს. ზოგს არ უყვარს კატები, მაგრამ მე ისინი ძალიან მიყვარს“.

"იმედი მაქვს, პირობას შევასრულებ და დეივი ჩვენთან ერთად სახლში გაემგზავრება, თუ კი ჩვენ ტურნირს მოვიგებთ“.

ინგლისელებმა ტურნირი ვერ მოიგეს, სამაგიეროდ, საფრანგეთთან მარცხის შემდეგ, სასტუმროში დაბრუნებისთანავე, დეივი ვეტკლინიკაში წაიყვანეს. მას ანალიზები და ვაქცინაცია გაუკეთეს. The Guardian-ის ინფორმაციით, ერთ-ერთი - უოკერი ან სთოუნზი კატას დაიტოვებს.

ცნობისთვის, ინგლისის ეროვნული ნაკრები მსოფლიო ჩემპიონატის ¼ ფინალში საფრანგეთთან 1:2 დამარცხდა.

იხილეთ ასევე:

• ულამაზესი მატჩი ევროპელი გრანდების შესრულებით: მოქმედი მსოფლიო ჩემპიონი ნახევარფინალშია, ინგლისი შინ მიდის

მოამზადა ანრი კურტანიძემ