მნიშვნელოვანი ინფორმაცია
10
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცამეტე დღე დაიწყება 18:38-ზე, მთვარე ქალწულშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას. მოერიდეთ მგზავრობას, მოგზაურობის დაწყებას; საქმის, საქმიანობის შეცვლას. ნუ იშიმშილებთ, მაგრამ ნურც კუჭს გადატვირთავთ. მოერიდეთ რთულად გადასამუშავებელი საკვების მიღებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"კლინიკაში ვახტანგ ჩარკვიანს იმაზე მეტი მორფინი გაუკეთეს, ვიდრე საჭირო იყო" - რას ითხოვს კორონავირუსის დიაგნოზით გარდაცვლილი 20 წლის ფეხბურთელის ოჯახი
12:56 / 12-12-2022
კორონავირუსის დიაგნოზით გარდაცვლილი 20 წლის ფეხბურთელის, ვახტანგ ჩარკვიანის ოჯახი კლინიკის უფროსი მედდის სისხლის სამართლებრივ პასუხისგებაში მიცემას ითხოვს.
როგორც "ინტერპრესნიუსს“ გარდაცვლილი ფეხბურთელის ოჯახის ადვოკატმა, ზაზა ხატიაშვილმა განუცხადა, რესპუბლიკურ საავადმყოფოში 20 წლის ბიჭს “მორფინის“ იმაზე მეტი დოზა გაუკეთეს, ვიდრე საჭირო იყო, ხოლო კლინიკის უფროსმა მედდამ ავადმყოფის ისტორიას სხვა მედდების ნაცვლად ხელი თავად მოაწერა, რითაც დოკუმენტი გაყალბდა“.
ადვოკატის ინფორმაციით, უფროსი მედდა გამოძიებისთვის მიცემულ ჩვენებაში ამბობს, რომ დოკუმენტზე ხელმოწერა არ ევალებოდა, თუმცა მაინც მოაწერა, "რადგანაც დაურეკეს და ამგვარად ხელმოწერის დავალება მიიღო”.
ხატიაშვილის თქმით, ვინ დაურეკა მედდას ამ მოთხოვნით, ეს ოჯახისთვის უცნობია. როგორც მან აღნიშნა, მედდის ჩვენება პროკურატურას დაახლოებით ერთი წელია აქვს, თუმცა რეაგირება ამ დრომდე არ მომხდარა. მისი თქმით, არ არის გამორიცხული, რომ "მედდას ხელს აფარებენ“.
"ჩვენ გვქონდა ეჭვი, რომ ფეხბურთელის ავადმყოფობის ისტორია გადაწერეს და გააყალბეს, რადგანაც ვიზუალურად ჩანდა, რომ ისტორიაზე ერთი ადამიანის ხელმოწერა იყო. დაახლოებით ერთი წლის წინ, როდესაც კლინიკის უფროსი მედდა დაიკითხა, აღიარა, რომ მორიგე ექთნების ნაცვლად ისტორიას ხელი თავად მოაწერა. როცა ადამიანი ამბობს, რომ სხვის ნაცვლად მოაწერა ხელი, ეს ნიშნავს, რომ გაყალბებას აქვს ადგილი, პროკურორი კი ასეთ ადამიანს პასუხისგებაში არ ამყოფებს, რაც კითხვებს აჩენს. ამიტომ, ვაპირებთ მივიდეთ ირაკლი შოთაძის უწყებასთან მოთხოვნით - ნუ აფარებენ ხელს პროკურორები დამნაშავე ადამიანებს. ეს ადამიანი დღეს ისევ კლინიკაში მუშაობს და სავარაუდოდ, იმავეს აკეთებს, რაც გააკეთა ვახო ჩარკვიანთან მიმართებით. ვითხოვთ იმას, რომ ვინც დანაშაული ჩაიდინა, საბრალდებო სკამზე დაჯდეს.
დოკუმენტის გაყალბების მიზანი რა იყო, არ ვიცი, მაგრამ ამ გაყალბებული დოკუმენტითაც კი იკვეთება, რომ კლინიკაში ვახტანგ ჩარკვიანს იმაზე მეტი მორფინი გაუკეთეს, ვიდრე საჭირო იყო. ნორმალურ მდგომარეობაში მყოფი ადამიანიც კი ვერ გაუძლებდა იმას, რასაც ესენი ამ ახალგაზრდას უკეთებდნენ. ამიტომ ვითხოვთ უფროსი მედდის პასუხისგებაში მიცემას. გამოძიებისას დადგინდება, თუ ვინ, რატომ დაავალა ხელმოწერა სხვის ნაცვლად. ის ჩვენებაში ამბობს, რომ მე არ მევალებოდა ხელმოწერა და მაინც მოვაწერეო, დამირეკეს და მითხრეს, ხელი მოაწერეო.“- აცხადებს ზაზა ხატიაშვილი.
ცნობისთვის, 20 წლის ფეხბურთელი ვახტანგ ჩარკვიანი 2021 წლის 10 სექტემბერს, "რესპუბლიკურ საავადმყოფოში“ გარდაიცვალა. მას კორონავირუსი ჰქონდა.
მკითხველის კომენტარები /
13 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კოვიდი თუ ქონდა,მორფი რა შუაშია?
ასეთი უბედურება ბევრს დაატყდა თავს-ასეთი ბრგე ახალგაზრდადასანანია,ამაზე პასუხი თვით ფხაკაძემ გასცა უმართავი იყო კოვიდი და იყოო კორუფციული გარიგებები ამაზე მეტი სამარცხვინო რა უნდა იყოს