!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
პარასკევი, მთვარის ოცდამეშვიდე დღე დაიწყება 05:13-ზე, მთვარე 11:20-ზე ესტუმრება ვერძს
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ტოპ 3 სამკურნალო კენკრა და მათი ნაყენის რეცეპტები, რომლებიც სხვადასხვა დაავადებისგან დაგიცავთ
16:38 / 14-11-2022
დარწმუნებით შეიძლება ითქვას, რომ ადამიანისა და პრიმიტიული მედიცინის წარმოშობა თითქმის ერთდროულად მოხდა. ყოველდღიური სარჩო-საბადებლის მოსაპოვებლად მოხეტიალე პირველყოფილი ადამიანი ათასგვარ დაბრკოლებას აწყდებოდა, რომლის გადალახვასაც დიდი ძალისხმევა სჭირდებოდა. გარდა ფიზიკური დატვირთვისა და ტრავმებისა, ადამიანს უხდებოდა ყველა სახის მცენარეთა ნაყოფისა თუ სხვა ნაწილის გემოს გასინჯვა. რა თქმა უნდა, ამ ძებნა-სინჯვაში ისეთებსაც წააწყდებოდა, რომლებიც გემრიელი კი იყო, მაგრამ სწყენდა, ყაბზობას იწვევდა, მაგალითად, ზღმარტლის, პანტის, ბერყენას, კვრინჩხის მთრიმლავი ნივთიერებებით მდიდარი ნაყოფი. მაშინ ადამიანი იძულებული იყო, კუჭში გამხსნელი საშუალებაც მოეძებნა. გონიერი ადამიანი ყველაფერს იმახსოვრებდა და საჭიროების შემთხვევაში იყენებდა. ქართველ ხალხს მცენარის სამკურნალწამლოდ გამოყენების მეტად მდიდარი და მრავალსაუკუნოვანი გამოცდილება აქვს, რის შესახებაც უმდიდრესი მასალებია მოცემული ძველ სამედიცინო წყაროებში.
დადასტურებულია, რომ კენკრა ძალიან სასარგებლოა და ზოგიერთ მათგანს, სამკურნალო თვისებები გააჩნია. სტატიაში გაგიზიარებთ ნაკლებად პოპულარული კენკრისგან მომზადებული ნაყენის რეცეპტებს, რომლებიც ძალიან ეფექტურია სხვადასხვა სახის დაავადებების დროს.
კუნელი
საქართველოში 8 სახეობის კუნელი იზრდება. ყველა სახეობა მეტ-ნაკლებად გამოიყენება ხალხურ და მეცნიერულ მედიცინაში. კუნელის ნაყოფი, ყვავილი და ფოთლები უძველესი დროიდან გამოიყენება ხალხურ მედიცინაში გულის სამკურნალოდ. თანამედროვე მეცნიერულ მედიცინაში განსაკუთრებით მნიშვნელოვანია წითელი და შავი კუნელი, რომლებიც მეტ-ნაკლები რაოდენობით გვხვდება როგორც აღმოსავლეთ, ისე დასავლეთ საქართველოში. გამოიყენება ერთნაირად.
კუნელის პრეპარატებს უნიშნავენ გულის რიტმის ფუნქციონალური დარღვევის, სისხლის მიმოქცევის უკმარისობის, არტერიოსკლეროზის, გულის ნევროზის, ჰიპერტონიული დაავადების საწყისი ფორმის დროს, რისთვისაც იყენებენ კუნელის ყვავილების სპირტიან ნაყენს და ნაყოფის სითხოვან ექსტრაქტს (გამონაწვლილს). სითხოვანი ექსტრაქტი შედის კომპლექსური პრეპარატის, კარდიოვალენის შემადგენლობაში, რომელიც გამოიყენება გულის უკმარისობის დროს.
კუნელის წყლიანი ნაყენის მომზადება
15 გ (1 სუფრის კოვზ) დანაყილ ნაყოფებს დაასხით 200 მლ (1 ჩაის ჭიქა) ცხელი ადუღებული წყალი და 15 წუთის განმავლობაში გააჩერეთ თავდახურულ ემალის ქვაბში წყლის აბაზანაში
(ქვაბი ქვაბში ჩადგმული), გააგრილეთ ოთახის ტემპერატურაზე, გაწურეთ, ნაყენი შეავსეთ ანადუღარი წყლით 200 მლ-მდე და მიიღეთ 100 მლ 2-3-ჯერ დღეში, ჭამამდე 30 წუთით ადრე.
კუნელის სპირტიანი ნაყენის მომზადება
100 გ დანაყილ ნაყოფებს დაასხით 1 ლ 70%-იან ეთილის სპირტი, დააყენეთ 7 დღე, მიიღეთ 20-30 წვეთი 3-4-ჯერ დღეში ჭამის წინ.
ქაცვი
ქაცვის ნაყოფის წვენს აქვს ბაქტერიციდური მოქმედება: სტაფილოკოკის, მუცლის ტიფის ჩხირების, დიზენტერიის, სალმონელას მიმართ. ხელს უწყობს საჭმლის მონელებას, მაღლა სწევს სისხლში ერითროციტების რაოდენობას, ჰემოგლობინის დონეს, ალბუმინის კოეფიციენტს. ქაცვის ზეთი აჩქარებს ეპითელიზაციას და ადვილად ახორცებს ჭრილობას. ააქტიურებს კუჭის წვენის გამოყოფას და კუჭქვეშა ჯირკვლის მოქმედებას, დადებითად მოქმედებს ღვიძლში ლიპიდურ ცვლაზე და სხვ. ქაცვი წარმოადგენს ბუნებრივი ვიტამინების უმდიდრეს წყაროს. E ვიტამინის შემცველობით ქაცვის ნაყოფი წინ უსწრებს ყველა ხილ-კენკროვანს.
ქაცვის ნაყენი კუჭ-ნაწლავის ტრაქტის აშლილობის დროს
1 სუფრის კოვზ წვრილად დაქუცმაცებულ ქაცვის ტოტებს და ფოთლებს დაასხით 300 მლ ცივი წყალი, ადუღეთ ემალის თავდახურულ ქვაბში 5 წუთი ნელ ცეცხლზე, გააგრილეთ, გაწურეთ და მიიღეთ ერთ მიღებაზე. შეგიძლიათ გაიმეოროთ.
ძახველი
ძახველის ქერქი, ყვავილი და ნაყოფი ფართოდ გამოიყენება სხვადასხვა ქვეყნის ხალხურ მედიცინაში. ძახველის ქერქის ნახარში ამცირებს და აჩერებს სისხლდენას, ავიწროებს სისხლძარღვებს და უნარი შესწევს ანტისპაზმური, კრუნჩხვების საწინააღმდეგო მოქმედებისა, დამაწყნარებელია. ნაყოფი ხელს უწყობენ გულის მუშაობას, ჭრილობის შეხორცებას, შარდმდენი, ნაღველმდენი, ანთების საწინააღმდეგოა. ხალხურ მედიცინაში ძახველის ქერქის ნახარში არის ანტისპაზმური და დამამშვიდებელი საშუალება ისტერიისა და კრუნჩხვების დროს.
ნაყენი პარადონტოზის და სტომატიტის დროს
1 ჩაის კოვზ ძახველის ქერქს დაასხით 200 მლ ცხელი წყალი, ადუღეთ თავდახურულ ემალის ქვაბში 30 წუთი, გაწურეთ, შეავსეთ ნახარში 200 მლ-მდე ანადუღარი წყლით და გამოივლეთ პირში ყოველ 1,5-2 საათში ერთხელ.
ეგზემის დროს
- ძახველის ფოთოლი 50 გ,
- ძახველის ნაყოფი 50 გ,
- შავი მოცხარის ფოთოლი 50 გ.
ამ ნაკრებს დაასხით 1 ლ მდუღარე წყალი, დააყენეთ მჭიდროდ დახუფულ მინის ჭურჭელში 2 საათი და გაწურეთ. გამოიყენეთ საფენების სახით. ამავე დაავადების დროს, ძახველის ყვავილების ნახარშში აბანავებენ ბავშვებს.
დღეიდან, გამომცემლობა პალიტრა L-ის მიერ გამოცემული წიგნი - „საქართველოში გავრცელებული ველური და კულტურული სამკურნალწამლო მცენარეები“ უკვე ხელმისაწვდომია. წიგნი გაზეთ „კვირის პალიტრასთან“ ერთად გამოვიდა და 14-20 ნოემბრამდე, მისი სპეციალური ფასი 18 ლარი იქნება. გაზეთთან ერთად - 20 ლარი. ნაშრომში აღწერილია საქართველოს ბუნებაში გავრცელებული 127 სამკურნალწამლო მცენარე და მათი ძირითადი მახასიათებლები. ასევე, წიგნში გაეცნობით სხვადასხვა მცენარის სამკურნალო თვისებებს და რეცეპტებს. წიგნი შეიცავს 127 ფერად ილუსტრაციას.
წიგნის ავტორს, ბიოლოგიის მეცნიერებათა დოქტორს, სწავლულ აგრონომს, 50-წლიანი გამოცდილების მქონე ფიტოთერაპევტს - ნიკოლოზ იოსებიძეს შესწავლილი აქვს ამიერ-იმიერ კავკასიის სამკურნალწამლო მცენარეთა გავრცელების პუნქტები, გამრავლების ადგილები, ვიზუალური მარაგები და ყველა ძირითადი მახასიათებელი მათ შესახებ.
წიგნი ასევე დიდ სამსახურს გაუწევს ქართველ საზოგადოებას: მედიცინის მუშაკებს, ბიოლოგებს, სოფლის მეურნეობის მუშაკებს, სამედიცინო ინსტიტუტის, უნივერსიტეტისა და სასოფლო-სამეურნეო ინსტიტუტის სტუდენტებს, სამკურნალო მცენარეთა დამამზადებლებსა და კულტურაში დანერგვით დაინტერესებულ პირებს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
წიგნის ელექტრონული ვერსია ხელმისაწვდომია? რა თქმა უნდა სათანადო საფასურად, ოღონდ ელექრონული ვერსია, რადგან ყველა არ არის საქართველოში ამ ეტაპზე