რატომ ჩაურიცხა კასპის მერიამ მომღერალ ბაბი კირკიტაძეს 12 000 ლარი?
კასპის მერიამ ბაბი კირკიტაძეს 12 000 ლარი ჩაურიცხა. ამის შესახებ ინფორმაციას რეგიონული გამოცემა qartli.ge ავრცელებს. გამოცემის ცნობით, მერიის ფინანსური სამსახურის დოკუმენტებში აღნიშნულია, რომ მომღერალმა აღნიშნული თანხა ტელეკომპანია "იმედის'' "ღამის შოუს ბენდის" მომსახურების გამო მიიღო.
"ღამის შოუს ბენდი" საქართველოში განსაკუთრებულად პოპულარობით, მაღალი რეიტინგით, და დიდი სიყვარულით სარგებლობს. ზემო აღნიშნულიდან გამომდინარე, განხორციელდა შესყიდვის პროცედურები ბაბი კირკიტაძესთან, რომელიც არის საქართველოს საავტორო უფლებათა ასოციაციის კოლექტიური მართვის ორგანიზაციის წევრი. აღნიშნული ბენდის მოწვევის ღირებულება შეადგენს 12 000 ლარს'', - აღნიშნულია კულტურის სამსახურის უფროსის მოხსენებით ბარათში.
ბაბი კირკიტაძე არის ტელეკომპანია "იმედის" გადაცემის "ღამის შოუს" ბენდის ერთ-ერთი წევრი, ხოლო ხელმძღვანელია გელა გნოლიძე. qartli.ge -ს ინფორმაციით, გელა გნოლიძემ კასპის მერს მისწერა, რომ თანხა პირადად ბაბი კირკიტაძესთვის მიეცათ.