მილანში დააკავეს საქართველოს მოქალაქე, რომელმაც "ფერარის" მაღაზიაში 1000-ევროიანი სათვალე მოიპარა
მილანში დააკავეს საქართველოს მოქალაქე, 43 წლის კაცი, რომელმაც "ფერარის" მაღაზიიდან მზის სათვალე მოიპარა. იტალიური მედიის ცნობით, მძარცველმა სათვალე მანეკენს მოხსნა. მათივე ინფორმაციით, ბრენდული აქსესუარის ფასი 1000 ევროა.
ცნობილია, რომ 43 წლის კაცს თანამზრახველიც ჰყავდა, რომელმაც გაქცევა და მიმალვა მოახერხა..
მედიის ცნობით, ქურდები მაღაზიაში შევიდნენ, შემდეგ მანეკენს მიუახლოვდნენ, მოხსნეს სათვალე და ტანსაცმლის ქვეშ დამალეს.
სამართალდამცველებმა სათვალე მაღაზიაში დააბრუნეს, ხოლო მძარცველი დაკავებულია.
წყარო:milanotoday.it