მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ოთხშაბათი, მთვარის ოცდამეხუთე დღე დაიწყება 04:59-ზე, მთვარე 09:03-ზე გადავა თევზების ზოდიაქოში
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. ამ დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. არ გირჩევთ ოპერაციის ჩატარებას ღვიძლზე, ფეხებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
პუტინი "განკითხვის იარაღის" გამოყენებას აპირებს? - რა ინფორმაციას ავრცელებს მედია რუსულ ბირთვულ წყალქვეშა ხომალდზე, რომლის გამოყენებასაც შესაძლოა, "ბირთვული ცუნამი" მოჰყვეს
12:44 / 04-10-2022
რუსეთის ფედერაციის პრეზიდენტის, ვლადიმერ პუტინის მიერ ნაწილობრივი მობილიზაციის გამოცხადება და ბირთვული იარაღის შესაძლო გამოყენების შესახებ მინიშნება, სულ უფრო ამძაფრებს მსოფლიოში "უარესის მოლოდინს." დასავლური ქვეყნების ლიდერები ამბობენ, რომ პუტინის განცხადების უგულებელყოფა არ შეიძლება.
გარდა ამისა, რუსეთი უკრაინაში ყოველ დღე კარგავს პოზიციებს, რასაც მოსკოვში ვერ ეგუებიან, ამ ფონზე კი დასავლურ მედიაში დაზვერვის სამსახურების წარმომადგენელთა ინფორმაციებზე დაყრდნობით სულ უფრო მეტი სტატია ჩნდება იმის შესახებ, რომ "პუტინი მზადაა ბირთვული იარაღი" გამოიყენოს.
"ჩრდილო ატლანტიკურ ალიანსში შიშობენ, რომ რუსეთი შესაძლოა, ემზადებოდეს, გამოსცადოს პოსეიდონის ბირთვული ტორპედო, რომელსაც ხშირად "განკითხვის იარაღს“ უწოდებენ", - ამის შესახებ იტალიური გამოცემა La Repubblica წერს.
- (ცნობისთვის, "პოსეიდონი", რომელიც ადრე ცნობილი იყო კოდური სახელწოდებით Status-6, არის ბირთვული უპილოტო წყალქვეშა მანქანა, რომელზეც ბირთვული ქობინების განთავსებაა შესაძლებელი. "პოსეიდონი" ერთ-ერთია იმ ექვსიდან, რომელსაც 2018 წელს პუტინმა "სტრატეგიული იარაღი" უწოდა).
გამოცემის ინფორმაციით, ნატო-ს წევრი ქვეყნების სარდლებმა ბოლო რამდენიმე დღის განმავლობაში მიიღეს ცნობები ბირთვული წყალქვეშა ნავის, "ბელგოროდის“ გადაადგილების შესახებ. ეს არის წყალქვეშა ნავი, რომელსაც შეუძლია "პოსეიდონის" ტორპედოს ტარება, რაც აჩენს ეჭვს, რომ შესაძლოა, კრემლის ძალები მის გამოყენებას აპირებდნენ.
ბირთვული წყალქვეშა ნავი BS-329 Belgorod 184 მეტრის სიგრძისაა. აღნიშნული წყალქვეშა ნავის ოპერირების სიღრმე ისეთია, რომ შესაძლოა, მისი გადაადგილების შესახებ დასავლურმა დაზვერვამ თანამგზავრიდან ინფორმაცია ვერ მიიღოს, რაც დამატებით შეშფოთების მიზეზია.
როგორც La Repubblica წერს, მთავარი განსხვავება "ბელგოროდსა“ და სხვა რუსულ ბირთვულ წყალქვეშა ნავებს შორის ისაა, რომ მას "პოსეიდონის" ბირთვული აპარატის ტარება შეუძლია. სანაპიროს მახლობლად მისი აფეთქებით კი "ბირთვული ცუნამის" გამოწვევაა შესაძლებელი. ის შექმნილია სანაპირო ქალაქების დატბორვისა და დასხივების მიზნით.
დაბინძურებულ ტალღას შეუძლია გაანადგუროს ისეთი ზომის ქალაქები როგორებიცაა ნიუ-იორკი, ან ლოს ანჯელესი. ექსპერტები განმარტავენ, რომ იგივე ეფექტის მიღწევა შესაძლებელია კონტინენტთაშორისი ბალისტიკური რაკეტებითაც.
- აღსანიშნავია, რომ იტალიურ გამოცემაში გამოქვეყნებულ ინფორმაციას უკრაინის უსაფრთხოების სამსახური და თავდაცვის უწყება გამოეხმაურა, სადაც ცნობას "მანიპულაციური" უწოდეს. ამის შესახებ pravda.com.ua წერს.
ამასთან, ბირთვულ საფრთხეებზე წერს გამოცემა The Times-ი. "ანალიტიკოსები ვარაუდობენ, რომ პუტინი ემზადება უკრაინაში კონფლიქტის მნიშვნელოვანი ესკალაციისთვის.
ის აპირებს, აჩვენოს მზადყოფნა და გამოიყენოს მასობრივი განადგურების იარაღი, გამოსცადოს ბირთვული იარაღი უკრაინის საზღვრებთან. ნატო-მ სავარაუდოდ, უკვე გააფრთხილა წევრი სახელმწიფოები.
კრემლი აფიქსირებს მზადყოფნას მნიშვნელოვანი ესკალაციისთვის, რადგან რუსეთი კარგავს ადგილს ბრძოლის ველზე", - წერს The Times.
მკითხველის კომენტარები /
61 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვატიკანი რომის პაპს, ფრანცისკეს ემშვიდობება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ყველამ საკუთარ მამიდას მიხედეთ ჭკუის კოლოფებო
ეს ოოლიტიკაა და მეტი არაფერი 🆘 შეერთებულმა შტატებმა იაპონიაზე ხიროსიმასა და ნაგასაკაზე ოტომური ბომბები პირველ რიგში რუსეთის დაშუნების მიზნით დაადემონსტრირა კუნთები 🆘ეხლაც იგივეა უბრალოთ რუსეთი ცდილობს ჰქონდეს მიზეზი (რუსეთის სუვენირულ ტერიტორიაზე შეჭრა,დაბომბვა,ცოცხალი და მშვიდობიანი მოსახლეობის დანაკარგი 🤨)...და ჩაუგდებს ისე რომ ამ მიზეზს დააკოპირებს როგორც მაშინდელი ხიროსიმა ნაგასაკის...ჩემი მოსაზრებაა და მაგის მერე მთლიანად უკრაინას ოკუპაციას გაუკეთებს (სავარაუდოთ)..და თუ სხვებმაც გაუშვეს ჩათვალე რომ ჩვენ ყველა უბრალო ფენის ხალხი შიმშილით ან არც მინდა ვახსენო...ნუ სიკვდილია და მეტი არაფერი 🆘