14
აპრილიდღის ზოგადი ასტროლოგიური პროგნოზი
რუსეთის პრეზიდენტმა, ვლადიმერ პუტინმა, ასევე უკრაინის ოკუპირებული დონეცკის, ლუგანსკის, ზაპოროჟიესა და ხერსონის ოლქების რუსეთის მიერ დანიშნულმა ე.წ. ხელმძღვანელებმა ხელი მოაწერეს რუსეთის შემადგენლობაში აღნიშნული რეგიონების შესვლის შეთანხმებებს.
მანამდე, სიტყვით გამოსვლისას, პუტინმა განაცხადა, რომ რეფერენდუმები ჩატარდა და ადამიანებმა ე.წ. დონეცკისა და ლუგანსკის რესპუბლიკებში, ასევე ზაპოროჟიესა და ხერსონის ოლქებში გააკეთეს თავისი ცალსახა არჩევანი.
"დარწმუნებული ვარ, რომ ფედერალური კრება მხარს დაუჭერს კონსტიტუციურ კანონებს რუსეთში ოთხი ახალი რეგიონის, რუსეთის ფედერაციის შემადგენლობაში ოთხი ახალი სუბიექტის მიღების შესახებ, რადგან ეს არის მილიონობით ადამიანის ნება და ეს, რა თქმა უნდა, არის მათი უფლება, მათი განუყოფელი უფლება, რომელიც გათვალისწინებულია გაეროს წესდების პირველ მუხლში“, - აღნიშნა პუტინმა.
შეგახსენებთ, უკრაინის დონეცკის, ლუგანსკის, ხერსონისა და ზაპოროჟიეს რეგიონებში ე.წ. "რეფერენდუმები“ 23-27 სექტემბერს ჩატარდა. რუსეთის მიერ დანიშნული ე.წ. "ხელისუფლების“ წარმომადგენლების მტკიცებით, რეგიონების მოსახლეობის დიდმა ნაწილმა რუსეთთან შეერთებას დაუჭირა მხარი. უკრაინა და მისი დასავლელი პარტნიორები აცხადებენ, რომ ყალბი და უკანონო "რეფერენდუმების“ შედეგებს არ აღიარებენ.
ნახეთ ასევე:
ნახეთ ვიდეო:
სუფთად მალიუტკა სკურატოვია !
ჩემი აზრით კრემლის მიერ უკრაინის ოთხი რეგიონის ლუგანსკის, დონეცკის, ზაპოროჟიეს და ხერსონის რუსეთის შემადგენლობაში შეყვანა საბოლოო არაა.
ძალიან მაღალი ალბათობით ახლო მომავალში ამას აუცილებლად მოყვება რუსი ეროვნების უკრაინის მოქალაქეებით მასიურად დასახლებული ნიკოლაევის, ოდესისა და ასევე დნეპრის მარცხენა სანაპიროზე დარჩენილი ოლქების შესვლა რუსეთის ფედერაციაში.
ეს იმას ნიშნავს, რომ საბოლოო ჯამში უკრაინას აზოვის ზღვასთან ერთად მოაცილებენ შავ ზღვასაც.