23
აპრილიდღის ზოგადი ასტროლოგიური პროგნოზი
"ერთიანი კავკასიის ფესტივალი" (One Caucasus Festival) 25 – 28 აგვისტოს საქართველოში, სოფელ წერაქვში (მარნეულის მუნიციპალიტეტი) კულტურული ურთიერთგაცვლის, მუსიკალური კონცერტების, თანამონაწილეობითი არქიტექტურული პროექტების პარალელურად გაიმართება. ფესტივალი, საქართველოში წელს მეცხრედ ჩატარდება და მისი ძირითადი აქცენტი უკრაინის მხარდაჭერა იქნება. ერთიანი კავკასიის ფესტივალი ყველაზე ფართომასშტაბიანი ინტერდისციპლინური ღონისძიებაა საქართველოში და მაყურებლისათვის დასწრება ფესტივალის დაარსების დღიდან უფასოა.
2014 წლიდან მოყოლებული ფესტივალმა ათასობით მონაწილეს უმასპინძლა და გააერთიანა 500-ზე მეტი მუსიკოსი მსოფლიოს 20-ზე მეტი ქვეყნიდან.
"წელს უკრაინა რუსეთის ფედერაციის მხრიდან ბრუტალური სამხედრო აგრესიის მსხვერპლი გახდა. უკრაინელი გმირები თავისუფლებისა და მშვიდობისთვის თითოეული ჩვენგანის სახელით იბრძვიან. გვსურს, ჩვენც მივიღოთ მონაწილეობა უკრაინის მცველთა მხარდაჭერაში. სწორედ ამიტომ ფესტივალის განმავლობაში მოეწყობა საქველმოქმედო კამპანია უკრაინის მხარდასაჭერად. შემოსული თანხა კი გაიგზავნება "მაგია კარპატის“ ფონდში, სადაც თითოეული შემოწირული ევრო, დოლარი და ლარი მოხმარდება უკრაინის მცველებსა და მათ ძირითად საჭიროებებს - აცხადებენ ორგანიზარორები.
მათი გადაწყვეტილებით, მგზავრობის ხარჯები სრულად უნაზღაურდება უკრაინიდან მოწვეულ მონაწილეებს. მოწვეულები არიან უკრაინელი მუსიკოსები, რეჟისორები, ვიზუალური ხელოვანები და არქიტექტორები, რათა შეიქმნას მუსიკა, ხელოვნება.
"ერთიანი კავკასია“ წელსაც ძალიან მრავალეროვანი იქნება...
"ერთი კავკასიის ფესტივალი არა მხოლოდ მუსიკალური ფესტივალია, არამედ ის მნიშვნელოვანია ადგილობრივი საზოგადოებისათვისაც. მათი მონაწილეობით ორგანიზდება აქტივობები და იქმნება დემოკრატიული ინიციატივები, რასაც მოაქვს ცვლილება“- ირაკლი მიქიანი (საქართველო) ა(ა)იპ „ერთი კავკასიის“ თანადამფუძნებელი. ყველა განხორციელებული აქტივობა ყოველწლიურად მოხალისეთა საერთაშორისო გუნდის წყალობით ტარდება. ერთი კავკასიის ზონა და ქუჩის ინვენტარი შექმნილი და კონსტრუირებულია პროფესიონალი და სტუდენტი არქიტექტორები მიერ მსოფლიოს მასშტაბით. საერთაშორისო განათლების სპეციალისტებთან ერთად მოეწყობა ვორქშოპები ახალგაზრდებისათვის მარნეულის ქართულ, სომხურ და აზერბაიჯანულ დასახლებებში. "ინტერდისციპლინური და პრაქტიკულ მუშაობაზე კონცენტრირებული სწავლების მეთოდების მეშვეობით შეიქმნება სახელოვნებო პროექტები, რომლებიც მოიცავს, მათ შორის: მოკლემეტრაჟიან ფილმებს, ანიმაციებს, ინსტალაციებსა და პერფორმანსებს.
გაჟღერდება ყველა ტიპის მუსიკა. ამ ფესტივალზე მიღებული გამოცდილება იქნება საუკეთესო. მუსიკოსები ჯგუფდებიან საერთო რეპეტიციებისა და კონცერტებისთვის. ამ რეპეტიციების შედეგად იქმნება საუკეთესო ახალი პროექტები, რომლებიც წელს პირველად, ერთიანი კავკასიის აუდიტორიის წინაშე, მთავარ სცენაზე იქნება წარმოდგენილი.
