დარია დუგინას მკვლელობის საქმე: ვინ არის ნატალია ვოვკი - რა ვიდეო გამოაქვეყნა ეფ-ეს-ბემ და რას აცხადებენ პოლკ "აზოვში"?
რუსულმა ეფ-ეს-ბემ ალექსანდრ დუგინის ქალიშვილის მკვლელობაში ბრალდებულად უკრაინის მოქალაქე, 43 წლის ნატალია ვოვკი გამოაცხადა, რომელიც, მათივე ინფორმაციით, რუსეთში, ივნისში, 12 წლის ქალიშვილთან ერთად ჩავიდა. რუსეთის მიერ გამოქვეყნებული დოკუმენტაციის თანახმად, ვოვკი "აზოვის" პოლკში ირიცხება.
რუსეთის FSB-მ დუგინას მკვლელობაში ბრალდებული უცნობი ქალის გადაადგილების ვიდეო გამოაქვეყნა.
უკრაინის შეიარაღებული ძალების პოლკი "აზოვი" კი აცხადებს, რომ ნატალია ვოვკს, რომელსაც რუსეთის ფედერალური უშიშროების სამსახური დარია დუგინაზე მოწყობილ სასიკვდილო თავდასხმაში ადანაშაულებს, არანაირი კავშირი არ აქვს უკრაინის ქვედანაყოფთან.
"ქალს, რომლის სახელი და სამხედრო მოწმობაც ეფ-ეს-ბემ რუსი პროპაგანდისტი დუგინის ქალიშვილის მკვლელობასთან დაკავშირებულ ანგარიშში გამოაქვეყნა, არავითარი კავშირი არ აქვს პოლკ "აზოვთან" და არასოდეს არ ეკუთვნოდა ჩვენ ქვედანაყოფს", - ნათქვამია პოლკ "აზოვის" მიერ 22 აგვისტოს გაკეთებულ განცხადებაში.
იხილეთ ასევე: