"მგონი, იუმორის დრო აღარაა! ნელ-თბილები ვეღარ ვიქნებით!" - როგორ ეხმიანებიან ევროსაბჭოს გადაწყვეტილებას სოციალურ ქსელში?

ევროპულმა საბჭომ უკრაინასა და მოლდოვას ევროკავშირის წევრობის სტატუსი მიანიჭა, ხოლო საქართველოს შემთხვევაში, ქვეყნის ევროპული პერსპექტივა აღიარა. ევროსაბჭოში აცხადებენ, რომ საქართველოს კანდიდატის სტატუსს მიიღებს, როგორც კი "პრიორიტეტებს შეასრულებს."

გადაწყვეტილებას საზოგადოების მხრიდან გამოხმაურება მოჰყვა და დიდი ნაწილი აკრიტიკებს ხელისუფლებას. ისინი თვლიან, რომ საქართველომ ისტორიული შანსი გაუშვა ხელიდან, რაც ხელისუფლების პასუხისმგებლობაა. გთავაზობთ გამოხმაურებებს სოციალური ქსელიდან:

გიორგი კეპულაძე

რას გვილოცავთ, ქოცებო?! ხომ ხართ ჯანმრთელად?! საქართველოს ისტორიაში ერთ-ერთი ყველაზე მძიმე დღეა. საკუთარი ამომრჩეველი როგორი გგონიათ, ვიცით, მაგრამ სხვებიც ვართ ამ ქვეყანაში და თვალებში ნაცარს ვერ შეგვაყრით! მართლა წევრობას რომ დაგვპირდნენ 2008 წელს ნატოს სამიტზე, მაპზე მაგარი მოგვცესო წლები ხუმრობდნენ ამაზე და ახლა როგორ ბედავთ, რომ ეს უმძიმესი ამბავი პოზიტივად შემოგვასაღოთ?!

ანა დოლიძე:

4ვ პრინციპით მივდივართ: - ვგლოვობთ-ვუშვებთ ამათ-ვმუშაობთ-ვიმარჯვებთ

ინგა გრიგოლია:

ვარსკვლავების მოწყვეტის ნაცვლად ჩიტების დევნით ვართ დაკავებულები და ამის შედეგია დღევანდელი დღე. პასუხის მოთხოვნის ნაცვლად, ვღლიცინებთ(მეც!) და ასე, სიცილ-სიცილში გვიტირეს დედა. მგონი, იუმორის დრო აღარაა! ნელ-თბილები ვეღარ ვიქნებით!

ნათია მეზვრიშვილი:

გასაოცარი დემოკრატიიდან - ავტორიტარიზმამდე და ქართული ოცნებიდან - ქართულ კოშმარამდე.

ბუბა კუდავა:

იმ ხალხის მიკვირს, ვისაც ეს შედეგი უკვირს. ბავშვობაში მათემატიკაში 3-იანი მაინც არ მიგიღიათ?ფარისეველ-გულმჯიღოსან-მოსარგებლეებს არ ვგულისხმობ. მათ ყველაფერი უწყიან, კარგა ხანია.

ეკა კვესიტაძე:

თუ დღეს ამას მოვერიეთ, ხვალ ჩვენს განვითარებას ვეღარაფერი შეაჩერებს. არ გავჩერდეთ. არჩევანი როგორც არასდროს ცხადია. ერთ მხარეს სიბნელე, ზიზღი, ბოროტება, სიღარიბე და ადამიანების ჩაგვრა პარანოიკი ოლიგარქის საფეოდალოში - მეორე მხარეს ჩვენი შვილების ნათელი მომავალი ბრძოლა ბოლომდე უნდა მივიყვანოთ!!!

ბიძინა კულუმბეგოვი:

ვულოცავ უკრაინელ და მოლდოველ ხალხს! დრო ჩართულია, აქ მესამე ვარსკვლავი უნდა აინთოს 6 თვეში!!!

გიგი უგულავა:

თითქოს პატარა დეტალი, მაგრამ მრავლის მთქმელი. შარლ მიშელი საქართველოს შემთხვევაში ქართველ ხალხს ულოცავს, - უკრაინა, მოლდოვას შემთხვევაში კი ხალხს და ქვეყნის მმართველ პირებს ზელენსკისა და სანდუს. ამ ჩვენი ბედოვლათი ჰაკიმის ხსენებაც კი სძაგთ. სადამდე მივედით.

ლადო აფხაზავა:

ბატონო ბიძინა, ამბობენ ბრძენი კაციაო. ჰოდა მე, ამ ქვეყნის რიგითი მასწავლებელი, გთხოვთ, მიიღოთ ბრძნული გადაწყვეტილება, საქართველოსთვის. მე მზად ვარ, ჩემი სიცოცხლე შევწირო ჩემი ქვეყნის თავისუფლებას!

იცოდეთ, ტყვია არ ამაცილოთ, პირდაპირ გულში უნდა გამარტყათ! წინ ევროპისკენ! შინ ევროპისკენ!