"მიეცით კანდიდატი ქვეყნის სტატუსი საქართველოსაც... ნუ აქცევთ ქართველ ხალხს ერთი ოლიგარქის მძევლად" - გონჩარენკოს სიტყვა ევროსაბჭოს საპარლამენტო ანსაბლეაზე
უკრაინის რადას დეპუტატმა ოლექსი გონჩარეკომ ევროსაბჭოს საპარლამენტო ანსაბლეაზე სიტყვით გამოსვლისას, ევროპარლამენტარებს მოუწოდა, უკრაინასა და მოლდოვასთან ერთად, მხარი დაუჭირონ საქართველოსთვის ევროკავშირის წევრობის კანდიდატი ქვეყნის სტატუსის მინიჭებას.
"მიეცით კანდიდატი ქვეყნის სტატუსი საქართველოსაც. გთხოვთ, მხარი დაუჭიროთ უკრაინისთვის ევროკავშირის წევრობის კანდიდატი ქვეყნის სტატუსის მინიჭებას. გთხოვთ, მხარი დაუჭირეთ მოლდოვასაც. მართალია საქართველოს ახლა პრობლემები აქვს, მაგრამ ნუ აქცევთ ქართველ ხალხს ერთი ოლიგარქის მძევლად. ძვირფასო ძმებო, ჩვენ უნდა დაგიჭიროთ მხარი და ვთქვათ, ქართველი ხალხის ადგილი ევროპაშია. შემდეგ კვირას NATO-ს სამიტი უნდა გაიმართოს, მივმართავ თურქეთს, მხარი დაუჭირეთ ფინეთს და შვედეთს. მივმართავ ნატოს წევრ ქვეყნებს: გთხოვთ, მხარი დაუჭიროთ უკრაინას, მოლდოვას და საქართველოს და მოგვეცით MAP-ი. დარწმუმებული ვარ, რომ ყველანაირ გამოწვევაზე ერთი პასუხი გვაქვს - სიმამაცე! იყავით ისეთი მამაცი, როგორიც უკრაინაა." - განაცხადა გონჩარენკომ ანსაბლეაზე.