23
აპრილიდღის ზოგადი ასტროლოგიური პროგნოზი
პარლამენტის წევრს, ვიცე-სპიკერს ავთანდილ ენუქიძეს 67 წლის ასაკში ვაჟი შეეძინა. ნიკოლოზ ენუქიძე მაისში დაიბადა.
ავთანდილ ენუქიძე 35 წლით უმცროს თამთა ღლონტზეა დაქორწინებული. ახლად დაბადებული ნიკოლოზ ენუქიძე წყვილისთვის მეორე შვილია. მათ ასევე ჰყავთ გოგონა, სოფია ენუქიძე, რომელიც 2019 წელს საფრანგეთში დაიბადა და გიორგი კეკელიძე (ავთანდილ ენუქიძის გერი). თამთა ღლონტი პარლამენტში დეპუტატის თანაშემწედ მუშაობს, ასევე არის საქართველოს ტექნიკური უნივერსიტეტის ლექტორი.
შთამბეჭდავი ქონებრივი მდგომარეობა
დეკლარაციის მიხედვით, რომელიც 2022 წლის დასაწყისში შეავსო, დეპუტატი ფლობს ბინას თბილისში, გაბრიელ სალოსის ქუჩაზე, რომელიც შეძენილია 14 717დოლარად. ენუქიძეს მემკვიდრეობით აქვს მიღებული მიწები ოზურგეთსა და ამბროლაურში, სადაც ასევე მემკვიდრეობით აქვს მიღებული სახლი. მიწის ნაკვეთები შეძენილი აქვს თბილისში, მცხეთასა და ამბროლაურში.
დეპუტატს უფიქსირდება ავტომობილი "დეფენდერი - 110", რომელიც 83 ათას ევროდ შეიძინა. ასევე მის სახელზეა 19 ათას დოლარად შეძენილი "მინიკუპერი ქანთრიმენი", 23 ათას დოლარად შეძენილი "კია" და 2 ცალი "გაზ 53".
როგორც აღმოჩნდა, ავთანდილ ენუქიძე ფლობს იარაღის კოლექციასაც. მის სახელზეა - რევოლვერი, ცეცხლსასროლი NAA, რომელიც აჩუქეს, ასევე 1500 ლარად შეძენილი - რევოლვერი, ცეცხლსასროლი ROSI;
ნაჩუქარი პისტოლეტი, ცეცხლსასროლი COBRA C22 M;
3600 ლარად შეძენილი პისტოლეტი, ცეცხლსასროლი BERETTA M 9;
400 ლარად შეძენილი პისტოლეტი, ცეცხლსასროლი GLOCK 17,
ასევე ნაჩუქარი იარაღები - J.PURDEY; MOSSBERG 500 A, IMPERATORPOLICE MAGNUM, IZH 39E-04 და AMADEO ROSSI.
ქონებრივ დეკლარაციაში ფიქსირდება ასევე ძვირადღირებული საათების კოლექციაც - ენუქიძეს შეძენილი აქვს TISSOT-ის, ROLEX-ის, TUDOR-ის, JAEGER - LECOULTRE-ის და JAQUET DROZ-ის საათები, რომელშიც ჯამში 42 ათასი ევრო და 9 ათასი დოლარი გადაიხადა.
ავთანდილ ენუქიძე არის შპს "არდიქსის" 35%-იანი წილის მფლობელი, ასევე შპს "თერმომეტალი - საქართველოში" ფლობს 60%-იან წილს, შპს გგ და კომპანიაში - 20%-იან წილს, ასევე არის შპს "ევრაზია ვეის" 20%-იანი წილის მფლობელი, შპს "ევრაზია პეტროლეუმის" 16%-იანი წილის მფლობელი, შპს "ეკო სტანდარტის" 25%-იანი წილის მფლობელი, შპს "პირამიდა +"-ის 35%-იანი წილის მფლობელი, შპს "ნიაპოლისის" 100%-იანი წილის მფლობელი.
ხოლო შპს "სტუდია 13"-ის 60%-იანი წილის მფლობელია დეპუტატის მეუღლე თამთა ღლონტი. ამას გარდა ენუქიძე წილებს კიდევ ათ კომპანიაში ფლობს. ცნობისთვის, ავთანდილ ენუქიძე პარლამენტში "პატრიოტთა ალიანსის" სიით არის მოხვედრილი.
საქართველოს პატრიოტი ფულების განხრით
იმრავლეთ ენუქიძეებო