"ძალიან ძნელია ამაზე საუბარი... ბოდიში მინდა მოვუხადო მათ, რომ ამხელა სტრესის ქვეშ აღმოჩნდნენ" - თაკო ტაბატაძე გია ბაღაშვილთან დაშორების შესახებ პირველად საუბრობს
ცოტა ხნის წინ ცნობილი გახდა, რომ თაკო ტაბატაძე და გია ბაღაშვილი ერთმანეთს დაშორდნენ. წყვილმა 2009 წელს იქორწინა, იმჟამად თაკო 18 წლის იყო და მიუხედავად იმისა, რომ მათ შორის 19 - წლიანი ასაკობრივი სხვაობა იყო, წყვილი ბედნიერად გრძნობდა თავს.
10 წლიანი თანაცხოვრებისა და ოთხი გოგონას დაბადების შემდეგ, ოჯახი დაინგრა და ახლა ცალკ-ცალკე ცხოვრობენ. თაკო მსახიობია და ის უკვე გადაიღო ნანა ჯორჯაძემ ფილმში "პეპლების იძულებითი მიგრაცია", ითამაშა ასევე სერიალ "ჩემი ცოლის დაქალებში".
თაკო რამდენიმე უცხოურ ფილმშიც გადაიღეს. ამბობს, რომ ყველაზე რთული ინდურად და ირანულად საუბარი აღმოჩნდა. როლები დრამატულია და გადაღებები სხვადასხვა ქვეყნებში მიმდინარეობდა. წარმატება უკვე მოვიდა, ინდოელი მაყურებელი მის მიერ განსახიერებულ მარტოხელა დედას ოვაციებით შეხვდა...
რაც შეეხება ოჯახის თემას, თაკო ტაბატაძე ამბობს, ოჯახის დანგრევამ მასზე იმოქმედა და ამ თემაზე საუბარი უჭირდა. მისი თქმით, განსაკუთრებულად ამ თემამ მის ოჯახზე იმოქმედა და ამის გამო მშობლებს საჯაროდ ბოდიშსაც უხდის.
"არავინ გეგმავს, რომ ურთიერთობა, რომელიც სიყვარულით იქმნება, რაღაც დროს მორჩება. ძალიან რთულია და ამიტომ ამაზე საუბარი არ მინდოდა. ძალიან ძნელი იყო ჩემთვის და ახლაც ძნელია ამაზე საუბარი, თუმცა ყოველი ასეთი წინააღმდეგობა აძლიერებს ადამიანს. ახლა მთელი პასუხისმგებლობა საკუთარ თავზე მაქვს აღებული.
ამ ამბავთან დაკავშირებით ათასი სისულელე დაიწერა სოციალურ ქსელში... ჩემი ოჯახისთვის უფრო რთული იყო ეს ყველაფერი. ძალიან ტრადიციული ოჯახიდან ვარ და ძალიან დიდი ბოდიში მინდა მოვუხადო მათ, რომ ამხელა სტრესის ქვეშ აღმოჩნდნენ. ეს (ოჯახის დანგრევა) მოხდა 3 წლის წინ.
თუმცა რომ გითხრათ, რომ ამან რაიმე გავლენა მოახდინა ჩემს საქმიანობასა და კარიერაზე, არა. გამიკვირდა უბრალოდ, რომ თურმე ამდენი ადამიანი იყო ჩასაფრებული. მეცოდებიან ეს ადამიანები, რომ ასე ცუდად გრძნობენ თავს, რომ ასე იმეტებენ ადამიანს" - ამბობს თაკო "პოსტს ტვ"-ს ეთერში.
ნახეთ ვიდეო: