მნიშვნელოვანი ინფორმაცია
13
აპრილიდღის ზოგადი ასტროლოგიური პროგნოზი
კვირა, მთვარის მეთექვსმეტე დღე დაიწყება 21:28-ზე, მთვარე 17:54-ზე გადაბრძანდება მორიელში
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას; ცხარე და ცხიმიან საკვებს; ცხოველური საკვების მიღებას. ნებადართულია თევზი და სოკო. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"არიან გამოკვეთილი პირები, ვინც მკვლელობა დაუკვეთა კაველაძესა და ჭელიძეს... მკვლელები წინ და უკან დაჰყავდათ უცხო ქვეყნის ტერიტორიაზე" - ნიკა კვარაცხელიას დედა მოსამართლეს მიმართავს
13:01 / 11-04-2022
მოკლული 22 წლის ნიკა კვარაცხელიას დედა, იზა ომაძე მისი შვილის მკვლელობაში ბრალდებულების საქმის მოსამართლეს, დავით მგელიაშვილს მიმართავს.
სწორედ, აღნიშნულმა მოსამართლემ უნდა გამოაცხადოს ნიკა კვარაცხელიას მკვლელობის საქმეზე განაჩენი. მოკლული ახალგაზრდის ოჯახი მოსამართლისგან სამართლიანი სასჯელის გამოტანას ითხოვს.
როგორც იზა ომაძე აღნიშნავს, მკვლელთა ჯგუფმა ქალაქის ცენტრში მის შვილს ტერორისტული აქტი მოუწყო.
ნიკა კვარაცხელიას დედის განცხადებით, მტკიცებულებებით გამოკვეთილი არიან პირები, რომლებმაც გიორგი კავილაძესა და აკო ჭელიძეს მკვლელობა დაუკვეთეს. იზა ომაძე დარწმუნებულია, პროკურატურა ცალკე გამოყოფილი საქმის სისრულეში მოყვანას დროულად დაასრულებს.
"თქვენო უზენაესობავ! შვიდი თვე გადის იმ საშინელი ტრაგედიიდან, რომელიც საბჭოთა მენტალობამ, ვფიქრობ, მეზობელ ქვეყანაში დაგეგმა. დიახ, მათ საბჭოური მეთოდით მოწამლეს ახალგაზრდები, რომლებიც ამ უსასტიკეს დანაშაულზე წავიდნენ! განსასჯელის სკამზე ჯერ მხოლოდ ორი მოტყუებული მკვლელი და მათი ერთი მასპინძელი ზის! ცხრატომიან საქმეში კი ძალიან დასაბუთებულად, ყველა მტკიცებულებით არიან გამოკვეთილი პირები, ვინც მკვლელობა დაუკვეთა კაველაძესა და ჭელიძეს. სწორედ კაველაძისაგან გახდა ცნობილი, როგორ მიატოვეს ის დამკვეთებმა გაგარინის მოედანზე დაქირავებულ ბინაში ჭელიძესთან ერთად. მათ თანამზრახველებს კი, დღეს კვალიფიკაციას რომ იმაღლებენ მსოფლიოს წამყვან უნივერსიტეტებში, მკვლელები წინ და უკან დაჰყავდათ უცხო ქვეყნის ტერიტორიაზე.
დარწმუნებული ვარ, პროკურატურა დროულად დაასრულებს ცალკე გამოყოფილი საქმის სისრულეში მოყვანას, ჩვენ ის ახალგაზრდები მონობისგან უნდა ვიხსნათ და ეს მხოლოდ კანონის აღსრულებით მოხდება.
12 აპრილს კი ჯერი თქვენზეა, პატივცემულო მისამართლევ, უმორჩილესად გთხოვთ, ნიკოს და-ძმების სახელით, იმ ხალხის სახელით, ვინც შვიდი თვეა ჩვენთან ერთად გლოვობს ნიკოს მოწამებრივ გასვლას ამ ქვეყნიდან. დიახ, მკვლელთა ჯგუფმა ქალაქის ცენტრში ტერორისტული აქტი მოუწყო ჩემს შვილს! ნუ დაიბანთ ხელს და გამოიტანეთ სამართლიანი სასჯელი!
15 სექტემბერს მარტო ნიკოსთვის არ უსვრიათ, ესროლეს ახალგაზრდების სურვილს, გააკეთონ შეუძლებელი საკუთარი ქვეყნის უკეთესი მომავლისათვის! არ წაახალისოთ მკვლელები ისე, როგორც ამას სამი უღირსი, 30 ვერცხლად გაყიდული უფლებადამცველი, ვინმე ზაზა დათუკიშვილი, ონისე ონიანი და გიორგი ტურაზაშვილი აკეთებს! ჩვენთვის შეჩერდა დრო, მაგრამ ჟამთასვლა გრძელდება…საშინელი ომის ფონზე, სადაც მშობლები შვილებს კარგავენ, მიჭირს ჩვენს ტრაგედიაზე საუბარი, მიჭირს საუბარი იმ დიდ პროექტებსა და წარმატებებზე, რომლებიც ნიკოს ძალისხმევით ზეციდან ისევ გრძელდება და გაგრძელდება, დიახ, სიკეთით, წარმატებით და მაინც დიდი იმედით თუ დაამარცხებ ბოროტებას…" - ნათქვამია იზა ომაძის მიმართვაში.
ცნობისთვის, თბილისში, ანჯაფარიძის ქუჩაზე, 22 წლის ნიკა კვარაცხელია 10-ზე მეტი გასროლით მოკლეს. აღნიშნულ საქმეზე თითქმის, ერთთვიანი ძებნის შემდეგ, აკო ჭელიძე და გიორგი კავილაძე თბილისში, წყნეთში დააკავეს. მათ ნიკა კვარაცხელიას ჯგუფურად განზრახ მკვლელობასა და ჯგუფურად ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვა-ტარებას ედავებიან.
შეგახსენებთ, რომ ნიკა კვარაცხელია ტექნოლოგიების სფეროში საქმიანობდა, ის პლატფორმა Feedc-ის დამფუძნებელია
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
