"აქ ყველაფერი ფრონტისთვის მუშაობს, ყველა ფრონტისთვის ცოცხლობს" - რას წერს წალენჯიხის მერი, რომელიც უკრაინაში იმყოფება

გია ხარჩილავა, რომელიც ერთადერთი ოპოზიციონერია, რომელმაც თვითმმართველობის ბოლო არჩევნებში გაიმარჯვა და წალენჯიხის მუნიციპალიტეტის მერის თანამდებობა დაიკავა, უკრაინაში იმყოფება. როგორც ლვოვის სამხარეო ხელმძღვანელობის ოფიციალური "ფეისბუქგვერდიდან" ვიგებთ, ის რუსეთთან ბრძოლაში მყოფ ქვეყანაში, ჰუმანიტარული მისიით ჩავიდა.

"აქ ყველაფერი ფრონტისთვის მუშაობს, ყველა ფრონტისთვის ცოცხლობს. პატარა ოთახებში, პატარა ფართში, მცირე საწარმოებია. კერავენ, ადუღებენ - ვისაც რა შეუძლია... მთელი გრამადიდან შეიკრიბნენ ავტომექანიკოსები. მოჰყავთ სატვირთო მანქანები,სპეც-ტექნიკა. მიმდინარეობს შეკეთება და აღდგენა... შეიკრიბნენ მკერავი ქალბატონები. ოთახი "მმაჩის ბიუროში". კერავენ...

იგორი მეუბნება, ჩემს საწარმოში შემდუღებლები არიან და მოვიფიქრეთ რა შეგვეძლოო - ტანკსაწინააღმდეგო ზღარბებს აწარმოებენ. ყველგან ხატებია და ყველა ლოცულობს", - დაწერა მან 3 აპრილს.

ამ ცოტა ხნის წინ, ქართველ მებრძოლებთან ერთად გადაღებული ფოტოები გამოაქვეყნა.

დილა მშვიდობისა. აქ ყოფნაც უკვე განცდას ბადებს, თავისუფლების, ბრძოლის, ერთობის, უტეხობის განცდას, ისტორიაში თანამონაწილეობის, სწორად ცხოვრების, იდეალების წინაშე პასუხისმგებლობის... და ეს ადამიანები აქ, უკრაინაში, ამ ომში, (ვისთვის - სხვის ომში) მიმართავენ ერთმანეთს ასე: "საქართველოსთვის მხოლოდ!". "შევხვდებით აღმოსავლეთში!"

კიევი დგას!

უკრაინა დგას!

თავისუფლების იდეაც!" - წერს გია ხარჩილავა "ფეისბუქის" გვერდზე.