თით­ქმის ერთი თვე გა­ვი­და უკ­რა­ი­ნა­ში რუ­სე­თის შეჭ­რი­დან. მი­უ­ხე­და­ვად ქა­ლა­ქე­ბი­სა და სხვა და­სახ­ლე­ბუ­ლი პუნ­ქტე­ბის ყო­ველ­დღი­უ­რი, სას­ტი­კი და­ბომბვი­სა, აგ­რე­სორს წინსვლა და წარ­მა­ტე­ბის მიღ­წე­ვა ძა­ლი­ან უჭირს. "თა­ვი­დან­ვე ვამ­ბობ­დი, რომ ეს ომი საკ­მა­ოდ ხან­გრძლი­ვი იქ­ნე­ბო­და, დღე­საც ვფიქ­რობ, რომ მი­ნი­მუმ 1 წელი გაგ­რძელ­დე­ბა“, - გვე­უბ­ნე­ბა სა­ქარ­თვე­ლოს თავ­დაც­ვის სა­მი­ნის­ტროს გენშტა­ბის ყო­ფი­ლი უფ­რო­სი, გე­ნე­რა­ლი ზაზა გო­გა­ვა, რო­მე­ლიც რუ­სეთ-უკ­რა­ი­ნის ომის სტრა­ტე­გია-ტაქ­ტი­კა­ზე გვე­სა­უბ­რე­ბა:

- თა­ვი­დან იყო რუ­სე­თის, ანუ ოკუ­პან­ტი მხა­რის უპი­რა­ტე­სო­ბა, მაგ­რამ ამ­ჟა­მად მათ ის და­კარ­გეს, ასე რომ ვთქვათ, გა­ა­ნი­ა­ვეს ეს უპი­რა­ტე­სო­ბა. მათ ვერც ერთი ჩა­ნა­ფიქ­რი, რო­მე­ლიც ბრძო­ლის და­წყე­ბი­სას ჰქონ­დათ, ვერ გა­ნა­ხორ­ცი­ე­ლეს. რუ­სებს ჰქონ­დათ გათ­ვლა, რომ სწრა­ფად მი­აღ­წევ­დნენ წარ­მა­ტე­ბას, ასე­ვე, იმე­დი ჰქონ­დათ, რომ ზო­გი­ერთ ქა­ლაქ­ში, მათ შო­რის ხარ­კოვ­ში, სი­ხა­რუ­ლით დახ­ვდე­ბოდ­ნენ, მათ მხა­რეს მო­ი­აზ­რებ­დნენ, მაგ­რამ ესეც ვერ შე­ას­რუ­ლეს. რაც შე­ე­ხე­ბა შიგ­ნით ბრძო­ლის ტაქ­ტი­კას, რუ­სებ­მა, პრაქ­ტი­კუ­ლად, ვე­რა­ფე­რი გა­ნა­ხორ­ცი­ე­ლეს იმი­ტომ, რომ თა­ვი­დან­ვე ბუ­ნებ­რი­ვი პი­რო­ბე­ბი ძა­ლი­ან უშ­ლი­დათ ხელს - ის კო­ლო­ნე­ბი, რო­მელ­საც გა­და­ად­გი­ლე­ბის მო­მენ­ტში ვხე­დავ­დით, ყვე­ლა გან­წი­რუ­ლი იყო იმ ნა­დავ­ლის ვა­რი­ან­ტში, რა­საც წარ­მა­ტე­ბით ახორ­ცი­ე­ლებ­და უკ­რა­ი­ნის თავ­დაც­ვის ძა­ლე­ბი. ის ტაქ­ტი­კა, რაც უკ­რა­ი­ნის თავ­დაც­ვის ძა­ლებ­მა თა­ვი­დან­ვე აირ­ჩია, სწო­რი იყო და დღემ­დე სწო­რად უმკლავ­დე­ბი­ან მო­წი­ნა­აღ­მდე­გეს. მათ აირ­ჩი­ეს ქა­ლა­ქე­ბი და და­სახ­ლე­ბულ პუნ­ქტებ­ში გა­მაგრდნენ.

21-ე სა­უ­კუ­ნე­ში, ძი­რი­თა­დად იხ­მა­რე­ბა ურ­ბა­ნუ­ლი ბრძო­ლის და არა კონ­ვენ­ცი­უ­რი ბრძო­ლის მე­თო­დე­ბი. რუ­სე­თის შე­ი­ა­რა­ღე­ბუ­ლი ძა­ლე­ბი ყვე­ლა­ზე ცუ­დად გაწ­ვრთნი­ლი სამ­ხედ­რო ძა­ლე­ბია, რომ­ლებ­მაც ურ­ბა­ნუ­ლი ოპე­რა­ცი­ე­ბის წარ­მო­ე­ბა არ იცი­ან. ამი­ტომ სწო­რი იყო უკ­რა­ი­ნე­ლე­ბის ტაქ­ტი­კა და ჩვენ პირ­ვე­ლი კვი­რე­ბის სი­ტუ­ა­ცი­ა­ში ვხე­დავთ მო­წი­ნა­აღ­მდე­გის ძა­ლი­ან ბევრ და­ნა­კარგს, რო­გორც ტექ­ნი­კის, ასე­ვე ცო­ცხა­ლი ძა­ლის სა­ხით. ის­ტო­რი­ას თუ გა­დავ­ხე­დავთ და ვი­ტყვით, რომ რუ­სე­თის შე­ი­ა­რა­ღე­ბუ­ლი ძა­ლე­ბი წი­თე­ლი არ­მი­ის სა­მარ­თალ­მემ­კვიდ­რეა, პრაქ­ტი­კუ­ლად, მათ უკვე იმ­დე­ნი და­ნა­კარ­გი აქვთ, რამ­დე­ნიც ერ­თბა­შად ჰქონ­დათ ათწ­ლი­ან ომში ავ­ღა­ნეთ­ში (ამას ჩეჩ­ნე­თის კომ­პა­ნი­აც მი­ვუ­მა­ტოთ). რუ­სებს ასე­ვე, დიდი და­ნა­კარ­გი აქვთ ტექ­ნი­კის სა­ხით და რაც ქვეყ­ნდე­ბა, საფ­რე­ნი აპა­რა­ტე­ბის რი­ცხვმა 100-ს მი­აღ­წია, ვერ­ტმფრე­ნე­ბის რი­ცხვი 100-ს გა­დას­ცდა, ტან­კებ­ზე აღარ მაქვს ლა­პა­რა­კი, და­ახ­ლო­ე­ბით 2 დი­ვი­ზი­ის ტან­კე­ბის რა­ო­დე­ნო­ბაა გა­ნად­გუ­რე­ბუ­ლი. ამის შემ­დეგ ჩვენ ვნა­ხეთ, რომ რუ­სე­თის შე­ი­ა­რა­ღე­ბუ­ლი ძა­ლე­ბი შე­ე­ცად­ნენ ტაქ­ტი­კის შეც­ვლას და ისი­ნი მშვი­დო­ბი­ა­ნი მო­სახ­ლე­ო­ბის და­ბომბვა­ზე გა­და­ვიდ­ნენ, მათი რი­ცხვი გა­ი­ზარ­და და ამას პირ­და­პირ შეგ­ვიძ­ლია ომის და­ნა­შა­უ­ლი და­ვარ­ქვათ. თა­ვი­დან მათ გა­ნა­ხორ­ცი­ე­ლეს სა­რა­კე­ტო დარ­ტყმე­ბი და ყვე­ლა, ვინც კი სამ­ხედ­რო საქ­მე­ში გა­მოც­დი­ლია, ვამ­ბობ­დით, რომ სა­რა­კე­ტო დარ­ტყმებს ქა­ლაქ­ზე არ შე­უძ­ლია ეფექ­ტის მოხ­დე­ნა. მათ კი­დე­ვაც გა­ნა­ცხა­დეს, რომ პირ­ვე­ლი სამი დღის გან­მავ­ლო­ბა­ში ცდი­ლობ­დნენ გა­ე­ნად­გუ­რე­ბი­ნათ კრი­ტი­კუ­ლი ინფრას­ტრუქ­ტუ­რა, სა­წყო­ბე­ბი და ა.შ. რომ გა­ვით­ვა­ლის­წი­ნოთ რა სი­ზუს­ტით ხა­სი­ათ­დე­ბა რუ­სე­თის შე­ი­ა­რა­ღე­ბა­ში მყო­ფი რა­კე­ტე­ბი, ჩვენ ვნა­ხეთ, რომ მათი 70% მი­ზან­საც ას­ცდა. ამის შემ­დეგ რომ ვერ მი­აღ­წი­ეს წარ­მა­ტე­ბას, ძი­რი­თა­დად გა­და­ვიდ­ნენ სა­არ­ტი­ლე­რიო დარ­ტყმებ­ზე და ისი­ნი მი­მარ­თუ­ლია ქა­ლა­ქე­ბის ინფრას­ტრუქ­ტუ­რებ­ზე - ვხე­დავთ, რო­გორ ბომ­ბა­ვენ სა­ცხოვ­რე­ბელ სახ­ლებს, სა­ა­ვად­მყო­ფო­ებს, თავ­შე­საფ­რებს და ა.შ.

- დღე­ის მო­ნა­ცე­მე­ბით, ვის რა შან­სე­ბი აქვს, რა­შია უკ­რა­ი­ნის და რუ­სე­თის უპი­რა­ტე­სო­ბა შე­ი­ა­რა­ღე­ბის მხრივ

ასევე დაგაინტერესებთ

10:38 / 22-03-2022

"უკრაინაში სატანისტების ლიდერი, კუკური ბარამიძე ჩავიდა" - რუსული ტელეარხის სიუჟეტი დომენიკ მანგოზე და მანგოს გამოხმაურება სოციალურ ქსელში

13:54 / 22-03-2022

"მწერენ, უცხოურ ლეგიონში რამდენს იღებთ ანაზღაურებასო..." - რას წერს უკრაინაში საბრძოლველად წასული ალეკო ელისაშვილი

09:59 / 23-03-2022

ალექსეი არესტოვიჩის განცხადებით, უკრაინა რუს ოკუპანტებზე გამარჯვებას აპრილის ბოლოს - მაისის დასაწყისში იზეიმებს

- რაც შე­ე­ხე­ბა შე­ი­ა­რა­ღე­ბას, თავ­და­პირ­ვე­ლად, ეს ორი­ვე შე­ი­ა­რა­ღე­ბუ­ლი ძა­ლე­ბი თით­ქმის ერთი და იმა­ვე ია­რაღს ფლობ­დნენ, რომ არ გან­ვი­ხი­ლოთ ტაქ­ტი­კურ-ოპე­რა­ტი­უ­ლი და სტრა­ტე­გი­უ­ლი ფრთო­სა­ნი რა­კე­ტე­ბი, რო­მე­ლიც გა­აჩ­ნია რუ­სე­თის შე­ი­ა­რა­ღე­ბულ ძა­ლებს. და­ნარ­ჩე­ნი, პრაქ­ტი­კუ­ლად, ერთი შე­ი­ა­რა­ღე­ბაა ბრძო­ლის ველ­ზე. მაგ­რამ ის, რა­საც უკვე უკ­რა­ი­ნას თა­ვი­სი მო­კავ­ში­რე­ე­ბი აწ­ვდი­ან - გადა­სა­ტა­ნი ჯავ­შან­სა­ტან­კო, ან­ტი­სა­ტან­კო და ჯავ­შან­მან­ქა­ნე­ბის წი­ნა­აღ­მდეგ მი­მარ­თუ­ლი გა­და­სა­ტა­ნი მო­წყო­ბი­ლო­ბე­ბი ( ჯა­ვე­ლი­ნე­ბი, სტინ­გე­რე­ბი საფ­რე­ნი აპა­რა­ტე­ბის­თვის) არის ის უპი­რა­ტე­სო­ბა, რაც გა­აჩ­ნია უკ­რა­ი­ნის შე­ი­ა­რა­ღე­ბულ ძა­ლებს იმი­ტომ, რომ რუ­სე­თის შე­ი­ა­რა­ღე­ბუ­ლი ძა­ლე­ბი ძა­ლი­ან ჩა­მორ­ჩე­ბა თა­ნა­მედ­რო­ვე ტექ­ნო­ლო­გი­ას და უკვე ით­ქვა ისიც, რომ უკ­რა­ი­ნა მი­ი­ღებს ან­ტი­სა­რა­კე­ტო ჰა­ერ­სა­წი­ნა­აღ­მდე­გო სა­შუ­ა­ლე­ბებს. რომ დავ­თვა­ლოთ, რამ­დე­ნი გა­და­სა­ტა­ნი რა­კე­ტა­ცაა მი­წო­დე­ბუ­ლი უკ­რა­ი­ნის­თვის, ჩათ­ვა­ლეთ, იმ­დე­ნი რუ­სუ­ლი არ­მი­ის ჯავ­შან­ტექ­ნი­კა იქ­ნე­ბა მწყობ­რი­დან გა­მო­სუ­ლი. ერ­თა­დერ­თი, დარ­ჩა რა­კეტ­სა­წი­ნა­აღ­მდე­გო სა­შუ­ა­ლე­ბე­ბი, ამა­საც ალ­ბათ ძა­ლინ მალე მი­აწ­ვდი­ან. რო­გორც მო­კავ­ში­რე­ე­ბის წარ­მო­მად­გე­ნელ­მა გა­ნა­ცხა­და და რო­გორც ამას უკ­რა­ი­ნის პრე­ზი­დენ­ტი აცხა­დებს, შე­ეც­დე­ბი­ან, რომ სწრა­ფად შე­ი­ტა­ნონ ეს შე­ი­ა­რა­ღე­ბა ბრძო­ლის ველ­ზე.

- რუ­სე­თის მი­ზა­ნია მთე­ლი დნეპ­რის­პი­რე­თის, შავი და აზო­ვის ზღვა­ზე გა­სას­ვლე­ლე­ბის ხელ­ში ჩაგ­დე­ბა. ის ამ მარ­შრუ­ტით მოძ­რა­ობს და ანად­გუ­რებს ყვე­ლა­ფერს, ამას­თა­ნა­ვე, ცდი­ლობს უკ­რა­ი­ნის აღ­მო­სავ­ლე­თის ფრონ­ტის ჯარი მო­აქ­ცი­ოს ალ­ყა­ში, შეძ­ლებს ის მიზ­ნის სის­რუ­ლე­ში მოყ­ვა­ნას?

- ამი­ტო­მაც მიმ­დი­ნა­რე­ობს მა­რი­უ­პოლ­ზე გა­აფ­თრე­ბუ­ლი შე­ტე­ვა. რუ­სე­თი ცდი­ლობს, რომ ხაზი გა­ა­ერ­თი­ა­ნოს - ლუ­განსკი-დო­ნეც­კის თვით­გა­მო­ცხა­დე­ბუ­ლი რეს­პუბ­ლი­კე­ბი გა­ა­ერ­თი­ა­ნოს რუ­სე­თის სა­ზღვარ­თან და პირ­და­პირ მი­ვი­დეს ყი­რი­მის ნა­ხევ­რა­კუნ­ძულ­თან, ანუ სახ­მე­ლე­თო ხაზი გა­ას­წო­როს. ამით პრაქ­ტი­კუ­ლად, აზო­ვის ზღვა მთლი­ა­ნად მისი შიდა ზღვა იქ­ნე­ბა. ორი დღეა, რაც და­ი­წყეს ზღვი­დან შე­ტე­ვა ოდე­სა­ზე, რათა უკ­რა­ი­ნას გა­სას­ვლე­ლი ჩა­უ­კე­ტოს შავ ზღვა­ზე და, პრაქ­ტი­კუ­ლად, რუ­სე­თი ცდი­ლობს, უკ­რა­ი­ნა მო­წყვი­ტოს შავ ზღვას, მის­თვის სტრა­ტე­გი­უ­ლი უფრო შავი ზღვაა და იქი­დან შე­ეც­დე­ბა დარ­ტყმის გან­ხორ­ცი­ე­ლე­ბას. რუ­სე­ბი კი­ევს ვერ აი­ღე­ბენ, ეს გა­მო­რი­ცხუ­ლია - ამ შე­ი­ა­რა­ღე­ბუ­ლი ძა­ლე­ბით, ამ რა­ო­დე­ნო­ბით, ამ რე­სურ­სე­ბით ფან­ტას­ტი­კის სფე­როა აიღო ქა­ლა­ქი ისე­თი ინფრას­ტრუქ­ტუ­რით, რო­გო­რიც კი­ე­ვია. ამი­ტომ ახლა რუ­სე­თი შე­ეც­დე­ბა, რაც შე­იძ­ლე­ბა მეტი ტე­რი­ტო­რია ჩა­იგ­დოს ხელ­ში. ისი­ნი დარ­წმუ­ნე­ბულ­ნი არი­ან, რომ შემ­დეგ მო­ლა­პა­რა­კე­ბის მა­გი­დას­თან ამით ივაჭ­რე­ბენ. ჩემი პროგ­ნო­ზი თუ გა­ინ­ტე­რე­სებთ, ისი­ნი მო­ლა­პა­რა­კე­ბის მა­გი­დას­თან ტე­რი­ტო­რი­ე­ბით ვე­ღარ ივაჭ­რე­ბენ, უკვე გა­მო­რი­ცხუ­ლია, მათ ერთი გოჯი მიწა შე­ი­ნარ­ჩუ­ნონ უკ­რა­ი­ნა­ში.

- მა­შინ რაზე შე­იძ­ლე­ბა შე­თან­ხმდნენ?

- ამ წუთ­ში ისი­ნი ვე­ღა­რა­ფერ­ზე ივაჭ­რე­ბენ. რო­დე­საც ომი მიმ­დი­ნა­რე­ობს და საქ­მე შე­ე­ხე­ბა მო­ლა­პა­რა­კე­ბას, ნე­ბის­მი­ე­რი მხა­რე რა­ღა­ცას ცდი­ლობს. რუ­სე­თი ცდი­ლობს, რომ დრო მო­ი­გოს, შე­ივ­სოს და­ნა­კარ­გი. რე­ზერ­ვებ­ზე თუ ვი­სა­უბ­რებთ, მათ დიდი პრობ­ლე­მა აქვთ რე­ზერ­ვებ­ში. ჩვენ ვნა­ხეთ, რომ ნე­ბის­მი­ერ ად­გი­ლას, სა­დაც კი ე.წ. ბრძო­ლი­სუ­ნა­რი­ა­ნი ჯარი გა­აჩ­ნდა, ყვე­ლა უკ­რა­ი­ნა­ში გა­და­ის­რო­ლა - გარ­კვე­უ­ლი ტექ­ნი­კა გა­იყ­ვა­ნეს აფხა­ზე­თის, სამ­ხრეთ ოსე­თის ტე­რი­ტო­რი­ი­დან, ასე­ვე გა­მო­იყ­ვა­ნეს სამ­შვი­დო­ბო­ე­ბი ლა­ჩი­ნის კო­რი­დო­რი­დან, რო­მე­ლიც აზრბა­ი­ჯა­ნის სამ­ხრე­თით ჰყავ­დათ. ანუ ესე­ნი ცდი­ლო­ბენ, რაც შე­იძ­ლე­ბა მეტ შე­ი­ა­რა­ღე­ბას მო­უ­ყა­რონ თავი იმი­ტომ, რომ და­ნა­კარ­გი ყო­ველ დღე ეზ­რდე­ბათ. მათ­მა გა­დას­რო­ლამ შე­იძ­ლე­ბა გა­ა­ჭი­ა­ნუ­როს ომი, თო­რემ გარ­და­ტე­ხას ვერ შე­ი­ტა­ნენ. ამ წუ­თას ომში გარ­და­ტე­ხა უკ­რა­ი­ნის მხა­რე­საა. მას, რა თქმა უნდა, დიდი მსხვერ­პლის ფა­სად უჯ­დე­ბა ეს ყვე­ლა­ფე­რი, მაგ­რამ უკ­რა­ი­ნე­ლე­ბი ამ ბრძო­ლა­ში გა­მარ­ჯვე­ბუ­ლე­ბი გა­მოვ­ლენ.

- სამ­ხედ­რო ექ­სპერ­ტე­ბის ვა­რა­უ­დით, უკ­რა­ი­ნის წარ­მა­ტე­ბა გა­რან­ტი­რე­ბუ­ლი იქ­ნე­ბა მას შემ­დეგ, რაც ის თავ­დაც­ვი­თი რე­ჟი­მი­დან კონ­ტრშე­ტე­ვა­ზე გა­და­ვა...

- რა­ღაც მო­მენ­ტის შემ­დეგ უკ­რა­ი­ნის შე­ი­ა­რა­ღე­ბუ­ლი ძა­ლე­ბი გა­დავ­ლენ შე­ტე­ვა­ზე და ისი­ნი და­ი­წყე­ბენ რუ­სუ­ლი შე­ი­ა­რა­ღე­ბუ­ლი ძა­ლე­ბის გა­ნად­გუ­რე­ბას. ტაქ­ტი­კის დე­ტა­ლებ­ში ნუ შე­ვალთ, იმი­ტომ, რომ ამ ინ­ფორ­მა­ცი­ას ორი­ვე მხა­რე კი­თხუ­ლობს. დარ­წმუ­ნე­ბუ­ლი ვარ, რომ უკ­რა­ი­ნე­ლებს, ერ­თა­დერ­თი, რაც არ უნდა შე­ე­შა­ლოთ, ეს არის კონ­ტრშე­ტე­ვა­ზე გა­დას­ვლის დრო. ამას დიდი მნიშ­ვნე­ლო­ბა ექ­ნე­ბა, მაგ­რამ მალე ბუ­ნებ­რი­ვი პი­რო­ბე­ბი შე­იც­ვლე­ბა, ტყეც გამ­წვან­დე­ბა, ბრძო­ლის ველ­ზე და იქ, სა­დაც კი რუ­სე­ბი შე­იძ­ლე­ბა დღეს გზი­დან გა­და­სუ­ლიყ­ვნენ და თა­ვი­სი ძა­ლე­ბი გა­ე­შა­ლათ, ამა­საც ვერ გა­ა­კე­თე­ბენ. ჩავ­თვა­ლოთ, რომ ისი­ნი აღ­მოჩ­ნდე­ბი­ან იმ ნა­დი­რის პო­ზი­ცი­ა­ში, რომ­ლის მო­ნა­დი­რე­ბაც ნე­ბის­მი­ერ კუ­თხე­ში იქ­ნე­ბა შე­საძ­ლე­ბე­ლი.

- თქვენც გა­ჭი­ა­ნუ­რე­ბუ­ლი ომის პერ­სპექ­ტი­ვას ხე­დავთ?

- თა­ვი­დან­ვე ვამ­ბობ­დი, რომ ეს ომი საკ­მა­ოდ ხან­გრძლი­ვი იქ­ნე­ბა, მი­ნი­მუმ 1 წელი გაგ­რძელ­დე­ბა. რუ­სე­თის ყვე­ლა­ზე დიდი ამო­ცა­ნა ამ წუ­თას რაც არის ( ამას ამე­რი­კე­ლი სამ­ხედ­რო ექ­სპერ­ტე­ბიც ამ­ბო­ბენ), ისი­ნი ცდი­ლო­ბენ კონ­ფლიქ­ტი რო­გორ­მე გა­ყინ­ვამ­დე მი­იყ­ვა­ნონ, რაც ისე­თი მდგო­მა­რე­ო­ბაა, სა­დაც ისი­ნი რო­გორც თევ­ზი წყალ­ში, ისე იგ­რძნო­ბენ თავს, მაგ­რამ არა მგო­ნია, ამას მი­აღ­წი­ონ.

იხი­ლეთ ასე­ვე:

• უკ­რა­ი­ნის ცის ნა­წი­ლობ­რივ ჩა­კეტვის ყვე­ლა­ზე სწრა­ფი სა­შუ­ა­ლე­ბა - "სტინ­გე­რე­ბი" აშშ-დან და "სამ­თა­ვი­ა­ნი“ სა­ზე­ნი­ტო რა­კე­ტე­ბი დიდი ბრი­ტა­ნე­თი­დან
• რა ახა­ლი სა­რა­კე­ტო სის­ტე­მა გა­მო­ი­ყე­ნა რუ­სეთ­მა უკ­რა­ი­ნის წი­ნა­აღ­მდეგ და არ­სე­ბობს თუ არა მათი ჩა­მო­საგ­დე­ბი ეფექ­ტი­ა­ნი სა­შუ­ა­ლე­ბა
• "რუ­სეთს ცო­ცხა­ლი ძალა არ ჰყოფ­ნის, სი­რი­ე­ლი "მებ­რძო­ლე­ბი" სა­ხორ­ცე მა­სა­ლაა, კა­დი­რო­ვი "კუკ­ლაა", არ არის მებ­რძო­ლი" - გენშტა­ბის ყო­ფი­ლი უფ­რო­სი