!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
პარასკევი, მთვარის ოცდამეშვიდე დღე დაიწყება 05:13-ზე, მთვარე 11:20-ზე ესტუმრება ვერძს
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"დღეში ერთხელ ჭამენ, სძინავთ მაგიდებსა და იატაკზე" - ატომური ელექტროსადგურის თანამშრომლები რუსული ოკუპაციის ქვეშ: რა ხდება ჩერნობილში ახლა?
11:04 / 10-03-2022
უკრაინაში რუსული სამხედრო ძალის შეჭრის შემდეგ, ჩერნობილის ატომური ელექტროსადგური და იქ განვითარებული მოვლენები, მთელი მსოფლიოს ყურადღების ცენტრშია, გაჩნდა არაერთი კითხვა არა მხოლოდ უკრაინის არამედ, მთელი მსოფლიოს უსაფრთხოებასთან დაკავშირებით.
ამ დროისთვის ჩერნობილის ატომურ ელექტროსადგურს რუსი სამხედროები აკონტროლებენ, თუმცა იქ ჩარჩენილია ელექტროსადგურის 100-ზე მეტი თანამშრომელი და ბოლო ინფორმაციით, მათ ურთულეს პირობებში უწევთ მუშაობა. როგორც BBC-ი წერს, ასევე, ჩარჩენილია 200-მდე უკრაინელი მცველი, რომლებიც უსაფრთხოებაზე იყვნენ პასუხისმგებელნი.
გამოცემის ცნობით, ელექტროსადგურის თანამშრომლები, აგრძელებენ თავიანთი მოვალეობის შესრულებას.
- BBC-ი წერს, რომ შიგნით რთული პირობებია, შეზღუდულია საკვები და მედიკამენტები, ექსპერტები იმის გამოც შფოთავენ, რომ იმ სტრესმა, რომელშიც ამ ადამიანებს უწევთ მუშაობა და ელექტროსადგურის უსაფრთხოებაზე ზრუნვა, შეიძლება გავლენა მოახდინოს მათ უნარზე, უსაფრთხოდ შეასრულონ თავიანთი მოვალეობები ბირთვულ ობიექტზე.
არსებული ინფორმაციით, ჩერნობილის ატომური ელექტროსადგურის თანამშრომლებს საჭმელი ადგილზე აქვთ, მაგრამ რადგანაც არ იციან, თუ რამდენ ხანს მოუწევთ იქ დარჩენა, ამიტომაც დღეში მხოლოდ ერთხელ ჭამენ. ამბობენ, რომ საკვები ძირითადად არის პური და ფაფა.
აღსანიშნავია, რომ გასულ კვირას რუსებმა მათ საკვები შესთავაზეს, მაგრამ ჩერნობილში ჩარჩენილმა უკრაინელებმა ის არ მიიღეს და განაცხადეს, რომ ეს იყო "პროპაგანდისტული ტრიუკი."
არ არის მოწყობილი დასაძინებლად ადგილები, ამიტომ შეიქმნა დროებით საცხოვრებლები, ზოგს ბანაკის საწოლებსა და მაგიდებზე სძინავს, ზოგს კი იატაკზე. ზოგიერთს ესაჭიროება მედიკამენტები, რომელიც შეზღუდული რაოდენობით აქვთ.
- რა მოხდა ჩერნობილში ბოლო დღეებში?
უკრაინაში რუსული ძალების შეჭრისა და ბრძოლების შედეგად, ჩერნობილის დახურულ ატომურ ელექტროსადგურზე გუშინ ელექტროენერგია გაითიშა, საზოგადოებაში გაჩნდა შიში, რომ შესაძლოა, ამან გამოწვიოს ბირთვული საწვავის გადახურება.
უკრაინული ელექტროქსელის განცხადებით, ჩერნობილის ყველა სადგურს შეუწყდა ელექტროენერგიით მომარაგება და 48 საათის სამყოფი დიზელი ჰქონდათ გენერატორებისთვის. მათივე ცნობით, ელექტროენერგიის გარეშე "ბირთვული და რადიაციული პარამეტრების კონტროლი“ შეუძლებელია.
უკრაინის საგარეო საქმეთა მინისტრმა, დმიტრი კულებამ მიმართა საერთაშორისო თანამეგობრობას, რომ სასწრაფოდ მოუწოდონ რუსეთს ცეცხლის შეწყვეტისკენ, რათა მიეცეთ შესაძლებლობა ელექტროენერგიის მიწოდების აღდგენის.
"დაზიანებულია ერთადერთი ელექტრო ქსელი, რომელიც ამარაგებს ჩერნობილის ატომურ ელექტროსადგურს და მის ყველა ატომურ ობიექტს, რომელიც რუსული არმიის მიერ არის ოკუპირებული. მოვუწოდებ საერთაშორისო თანამეგობრობას, სასწრაფოდ მოსთხოვოს რუსეთს ცეცხლის შეწყვეტა და სარემონტო განყოფილებებს მიეცეს საშუალება, აღადგინონ ელექტროენერგიის მიწოდება", - წერს კულება "ტვიტერში."
- გარდა ამისა, განცხადება გაავრცელა უკრაინის სახელმწიფო ბირთვულმა კომპანიამაც, რომლის ცნობითაც, არსებობს საფრთხე იმისა, რომ რადიოაქტიური ნივთიერებები გამოიყოს.
"ტელეგრამის" არხზე გამოქვეყნებულ შეტყობინებაში, Energoatom-ი (უკრაინის ატომური ენერგიის მაგენერირებელი ეროვნული კომპანია) აცხადებს, რომ მაღალი ძაბვის ხაზი, რომელიც კვებავს ქარხანას, გათიშულია, მას შემდეგ, რაც რუსები ორი კვირის წინ ამ ტერიტორიაზე შეიჭრნენ.
უკრაინის ენერგეტიკის მინისტრმა, გერმან გალუშჩენკომ განუცხადა BBC-ს, რომ უკრაინას არ აქვს წვდომა სადგურზე მონიტორინგის ინფორმაციაზე და, შესაბამისად, ვერ შეაფასებს, რადიოაქტიური ნივთიერებები გამოიყოფა, თუ არა.
მისი თქმით, კვების წყარო უნდა აღდგეს, მაგრამ დასძინა, რომ არსებობს "ელექტროენერგიის შეწყვეტის შემთხვევაში უსაფრთხოების სპეციალური სისტემა", რომელიც საშუალებას მისცემს ობიექტს, რამდენიმე დღის განმავლობაში იმუშაოს დიზელის გენერატორების გამოყენებით.
- რას ამბობენ საკითხის უცხოელი ექსპერტები?
ექსპერტები ამბობენ, რომ საფრთხე გარდაუვალი არ არის, რადგანაც დრო და ფიზიკა უსაფრთხოების მხარეს არიან. ექსპერტთა შეფასებით, ვინაიდან საქმე გვაქვს დახურულ ატომურ ელექტროსადგურთან, ეს არ არის ის სიტუაცია, რომელიც 2011 წელს ფუკუშიმას ბირთვული კატასტროფის დროს იყო.
ასევე საერთაშორისო ატომური ენერგიის სააგენტოში აცხადებენ, რომ "ვერ ხედავენ კრიტიკულ გავლენას უსაფრთხოებაზე."
ამის შესახებ საუბრობს ბირთვულ უსაფრთხოებაზე მომუშავე მეცნიერთა კავშირის ხელმძღვანელი, ედვინ ლიმანი. მისი შეფასებით, ყველაზე უარესი სცენარის წარმოდგენის შემთხვევაშიც კი ატომური ენერგიის გადახურებას ერთ თვეზე მეტი პერიოდი შეიძლება დასჭირდეს. მისი თქმით, ეს პროცესი ნელა მიმდინარეობს.
"ახლანდელი სცენარი არ ჰგავს 1986 წლის ჩერნობილის კატასტროფას" - ამბობს ფიზიკოსი, პროფესორი პატრიკ რეგანი, ამის მიზეზად კი იმას ასახელებს, რომ საქმე დახურულ ატომურ ელექტროსადგურს ეხება.
- ასევე დაგაინტერესებთ: "რადიაციამ არ იცის, სად არის რუსეთის საზღვრები" - ვოლოდიმირ ზელენსკი რუსეთის მოქალაქეებს
- რა რაოდენობის ბირთვული იარაღის რესურსი აქვთ რუსეთსა და სხვა ქვეყნებს და ოთხი ვითარება, როცა რუსეთი მათ გამოყენებას "გამართლებულად" მიიჩნევს
- "თუკი მესამე მსოფლიო ომი მოხდება, ეს იქნება დამანგრეველი ბირთვული ომი" - სერგეი ლავროვი
მკითხველის კომენტარები /
13 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ზოგი ინფორმაცია უკვე ყველა ნორმალურ დონეს გასცდა, და მხოლოდ სიტუაციის დამძიმებას ემსახურება...
რუსეთი სრულ ბლოკადაშია. ჩინეთის იმედი ქონდათ, მაქედანაც უარი უთხრეს. დარჩა საკუთარი ატომის იმედზე. ვოვა მარცხდება ნელა და საფუძვლიანად.