"ბოდიშს ვიხდი მეგობარო, ძმაო, მაპატიე, შემეშალა - მე არ ვყოფილვარ ასეთი ადამიანი, ასეთ სიტუაციაში აღმოვჩნდი" - მკვლელობაში მსჯავრდებულის მიმართვა შანაი ბრუკის ძმას
"ბოდიშს ვიხდი მეგობარო, ძმაო, მაპატიე, მე არ ვყოფილვარ ასეთი ადამიანი და ასეთ სიტუაციაში აღმოვჩნდი" - ამ სიტყვებით ავსტრალიის მოქალაქის, შანაი ბრუკი ედვარდსის მკვლელობაში ბრალდებულმა რაფაელ მურსაკულოვმა მოკლულის ძმას, ტაისონ ედვარდს სასამართლო პროცესზე მიმართა.
როგორც ბრალდებულმა აღნიშნა, ის „ასეთი ადამიანი არ არის".
"მართლა მიჭირს ლაპარაკი, ჩემთვის მარტივი არ არის ფეხზე დგომა. მე არ ვყოფილვარ ასეთი ადამიანი. შემეშალა, მაპატიეთ, ბოდიშს ვიხდი, ცუდად ვარ, მესმის თქვენი ოჯახის დანაკარგი, ვიცი ახლობელი ადამიანის დაკარგვა რას ნიშნავს. ვიცი, ჩემი ბოდიში თქვენთვის არაფერს ნიშნავს, უბრალოდ გულწრფელად ბოდიშს გიხდით, მაპატიეთ.
ბოდიშს ვიხდი მეგობარო, ძმაო, მაპატიე, მე არ ვყოფილვარ ასეთი ადამიანი და ასეთ სიტუაციაში აღმოვჩნდი. მე ძალიან მრცხვენია, შემეშალა, ძალიან ცუდად შემეშალა, მაპატიეთ, ბოდიშს ვიხდი",- განაცხადა მურსაკულოვმა.