ალა პუგაჩოვა და ქსენია სობჩაკი, სავარაუდოდ, ისრაელში იმყოფებიან - ვრცელდება ინფორმაცია, რომ პუგაჩოვა და გალკინი რუსეთში იმ ფეშენებელურ ვილას ყიდიან, რომელშიც აქამდე ცხოვრობდნენ

რამდენიმე დღის წინ გავრცელდა ინფორმაცია, რომ ცნობილმა რუსმა მომღერალმა ალა პუგაჩოვამ მეუღლესთან - მაქსიმ გალკინთან და შვილებთან ერთად, რუსეთი კერძო თვითმფრინავით დატოვა. ასევე მედიაში წერდნენ, რომ ისინი თითქოს საცხოვრებლად ამერიკის შეერთებულ შტატებში ალას ქალიშვილთან, კრისტინა ორბაკაიტესთან გადავიდნენ. კრისტინა ქმართან და შვილებთან ერთად წლებია ამერიკაში ცხოვრობს.

ჭორი, რომ პუგაჩოვამ რუსეთი დატოვა, დღემდე არ დადასტურებულა. ცნობილ ცოლ-ქმარს განცხადება არ გაუვრცელებია. თუმცა ორი დღის წინ რუსული მედია წერდა, რომ სინამდვილეში ის და გალკინი, შვილებთან ერთად, უბრალოდ, შინ არიან ჩაკეტილები და რეალურად არსად წასულან. ამ ვერსიას კი ერთი ფაქტით ამყარებდნენ, 6 მარტს ალა პუგაჩოვას გულშემატკივრებმა სახლთან ტრადიციულად ყვითელი ვარდები მიართვეს. 18 წლის განმავლობაში ალა პირველად არ შეხვდა გულშემატკივრებს, მაგრამ ცოტა ხანში სახლის დაცვამ ფანებს მადლობა გადასცა.

კიდევ ერთი ვერსია, რომელიც დღეს www.popcornnews.ru-მ გაავრცელა ასეთია, რომ ალა, ოჯახთან ერთად, ისრაელში გადავიდა საცხოვრებლად. მედიის ცნობით, პუგაჩოვამ სამსართულიანი ვილა იქირავა ისრაელის საკურორტო ქალაქ კესარიაში. ეს ცნობილი ტურისტული ქალაქია. როგორც ირკვევა, პუგაჩოვა და გალკინი ამ ქალაქს აქამდეც ხშირად სტუმრობდნენ.

მესამე ვერსიით, წყვილი დიდ ბრიტანეთში იმყოფება. ასევე რუსული გამოცემები წერენ, რომ პუგაჩოვა და გალკინი რუსეთში, სოფელ გრიაზში მდებარე ფეშენებელურ ვილას ყიდიან, სადაც აქამდე შვილებთან ერთად ცხოვრობდნენ. რუსი პროდიუსერი ანდრეი რაზინი აცხადებს, რომ ვილის შეძენა მას გალკინმა შესთავაზა. რაზინის თქმით, მზად არის შეიძინოს სასახლე, თუ მისთვის ხელსაყრელ პირობებს შესთავაზებენ. პროდიუსერი ამბობს, რომ პუგაჩოვასა და გალკინის სახლში ობოლი ბავშვებისთვის მოაწყობს სასწავლებელს, სადაც ისინი IT ტექნოლოგიებს დაეუფლებიან.

ცნობილი ფაქტია, რომ რუსეთი დატოვა ჟურნალისტმა ქსენია სობჩაკმაც. ბოლო ინფორმაციით, ისიც ისრაელში იმყოფება, რადგან შვილთან ერთად თელ-ავივის აეროპორტში ნახეს და გადაიღეს.

სობჩაკსა და პუგაჩოვას რუსეთში მცხოვრები ცნობილი სახეები დაუპირისპირდნენ, ისინი, რომლებიც პუტინის სისხლიან რეჟიმს უჭერენ მხარს. ისინი ქვეყნიდან მათ წასვლას ღალატად და ქვეყნისთვის სილის გაწვნად აფასებენ.

რუსეთში დარჩენილი ცნობილი მსახიობი იანა პოპლავსკაია ამბობს, რომ გაქცეულ ვარსკვლავებს მხოლოდ ბრენდირებული ნივთები, სანქცირებული პროდუქტები და ზოგადად, ლამაზი ცხოვრება აინტერესებთ. "თქვენ არ ფიქრობთ ქვეყანაზე, არც ხალხზე, არამედ იმაზე, თუ როგორ დაზოგოთ ფული და სად შეიძინოთ ახლა Gucci. ამიტომ ყველა გარბის ისრაელისკენ, რათა შემდგომში წარმატებით გადავიდნენ შეერთებულ შტატებში. და იქიდან იყვირონ სამშობლოზე. და ეს არის უმაღლესი ღალატი", - აცხადებს პოპლავსკაია.

იხილეთ ასევე:

• "ჩვენ ნახტომებით მივდივართ პირდაპირ ჯოჯოხეთში!" - ლეონიდ აგუტინი და ანჟელიკა ვარუმი ომის წინააღმდეგ
• რუსეთში დაიწყეს იმ მომღერლების დაბლოკვა, რომლებმაც რუსეთის უკრაინაში შეჭრა გააპროტესტეს - მათ შორის არის ვალერი მელაძეც
• პესკოვის ქალიშვილის პოსტი "ინსტაგრამზე", რომელიც მალევე წაიშალა - როგორ გამოეხმაურა ლიზა პესკოვა უკრაინის მოვლენებს (ფოტოები)