მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მაფიქრებს დროში 2 დამთხვევა... შორს ვარ იმ აზრისგან, რომ ამას პრეზიდენტი სპეციალურად ამთხვევს" - რა წერია სააკაშვილის გზავნილში ეროვნულ თანხმობაზე?
18:40 / 11-02-2022
თანხმობა უნდა ეფუძნებოდეს 3 მთავარ რამეს: წარსული წყენის დავიწყებას და უკან მოტოვებას; დღეიდან ახალი თამაშის წესებზე შეთანხმებას; მომავლის საერთო ხედვის შემუშავებას. დასაკარგი დრო და სალონური საუბრების ფუფუნება არ გვაქვს, - ამის შესახებ ნათქვამია საქართველოს ყოფილი პრეზიდენტის, მიხეილ სააკაშვილის მორიგ გზავნილში, რომელიც პრეზიდენტ სალომე ზურაბიშვილის მიერ ინიცირებულ დისკუსიებს ეხება.
სააკაშვილის თქმით, მან სალომე ზურაბიშვილის ინიციატივას ეროვნული თანხმობის შესახებ მხარი თავიდანვე დაუჭირა, თუმცა როგორც თავად განმარტავს, აფიქრებს ის ფაქტორი, რომ პრეზიდენტის მხრიდან ამ თემაზე საუბრის გააქტიურება ქვეყანაში აქციების სულისკვეთების ზრდას ემთხვევა.
„მე თავიდანვე მხარი დავუჭირე სალომე ზურაბიშვილის ინიციატივას ეროვნულ თანხმობაზე და ახლაც მომწონს ზოგადი იდეა. რა თქმა უნდა, საეჭვოა, რომ პროცესმა ვერ მიგვიყვანა წარსულის ერთნაირ შეფასებებზე. ასეთი ერთნაირი შეფასება მსოფლიოს უმეტეს ნაწილებში არ არსებობს და იქ რაღაცნაირად ცხოვრობს ხალხი და პოულობს საერთო ენას.
მაგალითად, სალომე ზურაბიშვილი მიიჩნევს, რომ ჩვენი "9 წელი" ძალიან უარყოფითი იყო. გამოკითხვებში ჩვენი ხალხის 70%-ს იმ წლებთან დადებითი ასოციაციები აკავშირებს. ამიტომ მგონია, რომ თანხმობა უნდა ეფუძნებოდეს 3 მთავარ რამეს:
- წარსული წყენის დავიწყებას და უკან მოტოვებას;
- დღეიდან ახალი თამაშის წესებზე შეთანხმებას;
- მომავლის საერთო ხედვის შემუშავებას.
თუ ეს ყველაფერი აქეთ წავა, მე მხოლოდ ბედნიერი ვიქნები. უბრალოდ მაფიქრებს დროში 2 დამთხვევა. ჯერ ერთი, შარშან ეს პროცესი დაიწყო როცა ქუჩა დუღდა და გაჩენილმა მოლოდინებმა საპროტესტო ტემპერატურის დაწევას გარკვეულწილად ხელი შეუწყო. იანვარში იყო შესვენება და ახლა, როცა პოლიტიკური პროცესები, მათ შორის საპროტესტო მუხტი ისევ სწრაფად დაიძრა, ხელახლა ჩაირთო პარალელურად "თანხმობის პროცესი".
მე შორს ვარ იმ აზრისგან, რომ ამას პრეზიდენტი სპეციალურად ამთხვევს, მაგრამ არ მინდა ნამდვილი პოლიტიკური პროცესი ჩანაცვლდეს იმიტაციით და მულიაჟით. მზად ვართ ყველანი, დავეხმაროთ პრეზიდენტს პროცესის შინაარსით შევსებაში და გულწრფელად ვგულშემატკივრობ მას ამაში, მაგრამ ამასთანავე სხვა საქმესაც მივხედოთ ყველამ ერთად, საქმეს!
გვახსოვდეს, რომ დასაკარგი დრო და სალონური საუბრების ფუფუნება არ გვაქვს. ყველანი უნდა გავერთიანდეთ, უნდა დავდგეთ არსებული მდგომარეობის წინააღმდეგ, რიგგარეშე არჩევნების მისაღწევად და ქვეყნის გადასარჩენად,“- განაცხადა სააკაშვილმა.
მკითხველის კომენტარები /
27 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს კაცი დროსა და სივრცეშია დაკარგული,როდის დუღდა,სად გადმოდიოდა.რაებს ბოდავს.
ქართული პოლიტიკა შენთვის დასრულებულია! სასჯელს მოიხდი და დაგაბრუნებენ "მშობლიურ" უკრაინაში. ასე რომ ჯობია უკრაინის ჰიმნზე იმუშაო, იქნებ შეძლო მისი დამახსოვრება, თორე ამ რთულ პერიოდშიც კი შეძელი უკრაინელების გამხიარულება ამობრუნებული დროშითა და დამახინჯებული ჰიმნით)))