!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
პარასკევი, მთვარის ოცდამეშვიდე დღე დაიწყება 05:13-ზე, მთვარე 11:20-ზე ესტუმრება ვერძს
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"იმედგაცრუებულები ვიყავით, რომ 19 აპრილის შეთანხმებაში ყველა არ ჩაერთო და მთავრობამ გადაწყვიტა, ამ შეთანხმებიდან გამოსულიყო... გთავაზობთ დახმარებას" - სვენ მიქსერი
13:24 / 03-02-2022
საქართველოს საკითხზე ევროპარლამენტის მომხსენებლის, სვენ მიქსერის განცხადებით, ევროპარლამენტი იმედგაცრუებულია, რომ "მიშელის დოკუმენტში“ ყველა პოლიტიკური მხარე არ ჩაერთო და ხელისუფლება შეთანხმებიდან გავიდა.
როგორც მიქსერმა საქართველოს პარლამენტის ევროპასთან ინტეგრაციისა და საგარეო ურთიერთობათა კომიტეტების გაერთიანებულ სხდომაზე დეპუტატების კითხვების საპასუხოდ განაცხადა, ევროპარლამენტს აქვს მოლოდინი, რომ დოკუმენტით გათვალისწინებული პირობები შესრულდება.
"ჩვენ ძალიან იმედგაცრუებულები ვიყავით, რომ ყველა არ ჩაერთო ამ შეთანხმებაში და მთავრობამ გადაწყვიტა, რომ ამ შეთანხმებიდან გამოსულიყო. ჩვენ აქ გამოვხატეთ ჩვენი რეალური მხარდაჭერა მედიატორობით. ველოდებით, რომ მხარეები შეასრულებენ დადებულ პირობებს და ხელშეკრულებით გათვალისწინებულ საკითხებს, რომელიც ეხება სასამართლო რეფორმასა და სხვა ელემენტებს, რომელსაც ეს შეთანხმება მოიცავდა“, - განაცხადა სვენ მიქსერმა.
ამასთან, მიქსერის განცხადებით, მხარეებს შორის კონსენსუსი ყოველთვის შესაძლებელია და ევროპარლამენტს კომპრომისის მოლოდინი აქვს.
"კონსენსუსი ყოველთვისაა შესაძლებელი. მსოფლიოში არ არსებობს პარლამენტი, რომელიც მხოლოდ კონსენსუსზე დაფუძნებით მუშაობს. ხშირად კონსენსუსის მიღწევა შეუძლებელიც კია. ცხოვრება გვაჩვენებს, რომ რაღაცნაირად უნდა ვიმოქმედოთ იმ საკითხებთან დაკავშირებით, რაზეც კონსენსუსი არ არის. კომპრომისი არის ის, რისი მოლოდინიც გვაქვს და იმედია, ამას უკეთ ვნახავთ. რაც შეეხება ევროპარლამენტს, გთავაზობთ დახმარებას დიალოგის მხრივ, რომელიც ღია რჩება ხოლმე სხვადასხვა საკითხთან დაკავშირებით. პრეზიდენტმა ასევე წამოიწყო ინიციატივა მეტი დიალოგისთვის, რაც, ჩემი აზრით, მნიშვნელოვანი ინიციატივაა“, - განაცხადა სვენ მიქსერმა.
გარდა ამისა, ევროპარლამენტარმა ასოცირების შეთანხმებასა და მისი განხორციელების პროცესში ხელშეწყობის მნიშვნელობაზე ისაუბრა. როგორც მან აღნიშნა, კომპრომისზე წასვლა სიძლიერის ნიშანია, თუმცა ეს ქართველებს საპირისპიროდ ესმით.
"რა თქმა უნდა, ძალიან მნიშვნელოვანია, რომ გადავწყვიტოთ ის გამოწვევები, რომლებიც არსებობს საქართველოში და მნიშვნელოვანია, რომ ჩვენ დავეხმაროთ საქართველოს. სწორედ ამიტომ, ჩვენი დელეგაცია ცდილობს, რომ საკითხებზე შევთანხმდეთ. ასევე, ამაში ჩართულია ევროსაბჭოს პრეზიდენტი. ჩვენ შევთავაზეთ ევროპულ პარლამენტს ინსტრუმენტი, რომელიც ხელთ გვაქვს და რა თქმა უნდა, ეს შეთავაზება გრძელდება.
ასოცირების შეთანხმება ფოკუსირებულია ადამიანებზე. სოციალური კეთილდღეობა, დასაქმება - ეს ის საკითხებია, რა მიმართულებითაც არსებული სიტუაციის გაუმჯობესებას უწყობს ხელს ეს შეთანხმება. ამ ყველაფრის განხორციელება და გატარება მნიშვნელოვანია. არის მნიშვნელოვანი პროგრესი სხვადასხვა მიმართულებით, თუმცა ზოგიერთი მიმართულებით ბევრი რამ უნდა გაკეთდეს და უმთავრესად ეს არის აღმასრულებელი ხელისუფლების პასუხისმგებლობა.
ევროკავშირი და ევროპარლამენტი ასოცირების შეთანხმების განხორციელების პროცესს მხარს უჭერს არამხოლოდ მორალურად, არამედ ხელშესახები გზებით. ეს რეფორმები ჩვენთვის ძალიან მნიშვნელოვანია. რა თქმა უნდა, გამოწვევები არის მრავალწახნაგოვანი, რაც შესასრულებელია და ეს მხოლოდ ტექნიკური სამუშაო არ არის. სხვადასხვა მნიშვნელოვანი პრინციპია. ( არსებობს) პირობა და სტანდარტი, რომელიც უნდა შესრულდეს იმისათვის, რომ ქვეყანა ევროპულ ინსტიტუციებთან ინტეგრაციის შემდეგი ნაბიჯებისთვის კვალიფიციური იყოს. მათ შორის არის სტანდარტები, რომლებიც დაკავშირებულია კანონის უზენაესობასთან, ინსტიტუციების დამოუკიდებლობასთან, რომლებიც ასევე დაკავშირებულია აღმასრულებელი ხელისუფლების მიერ გატარებულ სხვადასხვა ღონისძიებასთან.
მოლაპარაკებები იმის შესახებ, რომ საქართველო უფრო დაუკავშირდეს ევროპას, თითქოს სპორტულ გუნდში გაწევრიანებას ჰგავს, იმიტომ, რომ სტანდარტები სპორტულ გუნდშიც არსებობს ხოლმე და მას პატივი უნდა სცეს გაწევრიანების მსურველმა. როცა ევროკავშირთან ჩვენს მოლაპარაკებებზე ვსაუბრობთ, მე ძალიან კარგად მესმის, რომ ეს მოლაპარაკებები არ გახლავთ რაღაც შუალედური სტანდარტების მოძებნა ევროპულ სტანდარტებსა და ქვეყნის სტანდარტებს შორის. რა თქმა უნდა,ზოგადად მიზანი არის, რომ ქვეყანამ დააკმაყოფილოს ევროპული სტანდარტები. ევროპარლამენტი არის ინსტიტუცია, რომელიც ორიენტირებულია კომპრომისზე და შეიძლება უფრო მეტადაც, ვიდრე ჩემი ეროვნული პარლამენტი იყო. მე ვხედავ, რომ ევროპის დიდი ნაწილი, პოლიტიკური პარტიები მზად არიან, რომ რაღაცნაირად გამონახონ საერთო ენა, წავიდნენ საერთო კომპრომისებზე და ეს არის რეალურად სიძლიერის ჩვენება და არა, პირიქით. ეს არ გახლავთ სისუსტე, როდესაც რომელიმე მხარე დათმობებზე მიდის. მესმის, ქართველებს მიაჩნიათ, თითქოსდა დათმობა არის სისუსტე. ჩემი აზრით, ძალიან მნიშვნელოვანია, რომ გადავლახოთ ეს მიდგომა. თითოეულ ეტაპზე, როდესაც ჩვენ გვინდა, რომ რაღაც საერთო ვიპოვოთ, დათმობა არის საერთო ნიადაგის პოვნა. დათმობაზე წასვლა რეალურად ნიშნავს, რომ არის ჩამოყალიბებული ადამიანი, ზრდასრული ჩემი აზრით, ეს ერთ-ერთი მნიშვნელოვანი საკითხია. სწორედ ამიტომ, ჩვენი საერთო სტრატეგიული მიზნები არ უნდა დაგვავიწყდეს.
ძალიან მიხარია, რომ დღეს თქვენ გხვდებით, ხვდები აღმასრულებელი შტოს წარმომადგენლებს და ასევე კომიტეტის სხვა წევრებს. ძალიან მიხარია, რომ აქ კოლეგებთან ერთად ვარ. საპარლამენტო დემოკრატიის წევრები ვართ ყველა და ეს ქვეყნის მიმართულებისთვის მნიშვნელოვანია. მინდა გამოვხატო ჩემი სიხარული იმის შესახებ, რომ უკვე ვხედავთ, პოლიტიკა პარლამენტს გარკვეულწილად უბრუნდება. მესმის, რომ ეს რთულია, მაგრამ ჩემი აზრით, ასე უნდა გაგრძელდეს“, - განაცხადა მიქსერმა.
მკითხველის კომენტარები /
9 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მე ვიცი და მალე გაიგებთ ყველა სინამდვილეში რისთვისაც ჩამოვიდა ბატონი მიქსერი! მან ჩამოიტანა უშუალო მითითებები ლგბტ ტენდენციების გაძლიერებაზე, მითითებები, რომ ეკლესიაზე გაძლიერდეს სახელისუფლებო და მედია ზეწოლა, რათა ეკლესია გახდეს ცოდვის, გარყვნილების შემწყნარებელი და ა.შ.
პაპუაშვილი არ დაანახონ თორე აღარ ჩამოვა აქ.