!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
პარასკევი, მთვარის ოცდამეშვიდე დღე დაიწყება 05:13-ზე, მთვარე 11:20-ზე ესტუმრება ვერძს
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"პირი, რომელსაც ორხევის დასახლებაში უკანონო ნაგებობა დაუნგრიეს, ვაკეში ორ ბინას ფლობს" - რას წერს თბილისის საკრებულოს თავმჯდომარის მოადგილე?
21:31 / 28-01-2022
თბილისის საკრებულოს თავმჯდომარის პირველი მოადგილის თინათინ ნიბლოშვილის ინფორმაციით, კახა ილურიძე, რომელსაც თბილისის მერიამ, ორხევის დასახლებაში უკანონო ნაგებობა დაუნგრია, ვაკის რაიონში ორ ბინას ფლობს.
ამის შესახებ ნიბლოშვილი სოციალურ ქსელში წერს.
"პირი, რომელსაც თბილისის მერიამ, ორხევის დასახლებაში უკანონო ნაგებობა დაუნგრია, 13 ივნისის სტიქიით დაზარალებულია.
სახელმწიფომ კომპენსაციის სახით, 2015 წელს, 356 274 ლარი გადაუხადა.
საჯარო რეესტრის მონაცემებით, აღნიშნული პიროვნება ფლობს ორ ბინას ვაკის რაიონში" - წერს ნიბლოშვილი.
ცნობისთვის, დღეს, დილიდან ე.წ. ვარკეთილის მეურნეობის დასახლებაში, პოლიცია და თბილისის მერიის მუნიციპალური ინსპექციის თანამშრომლები იყვნენ მობილიზებული და იქ არსებულ ნაგებობებს ანგრევდნენ, რომლებიც, მათი თქმით, უკანონოდ იყო აშენებული. ამ ნაგებობების პატრონების განცხადებით კი, მათ ღამის გასათევი სხვაგან არ აქვთ, ამიტომაც ცდილობდნენ წინააღმდეგობის გაწევას.
ერთ-ერთი მოქალაქე კახა ილურიძე, რომლის სახლიც დაინგრა, ამბობს, რომ, დაახლოებით, 14 ნაგებობის დემონტაჟი მოხდა, მათი ნაწილი მშენებარე იყო.
"ვერეს ხეობაში მომხდარი სტიქიის შემდეგ ვცხოვრობ ამ დასახლებაში, 2013 წლის შემდეგ. ვაკეში, ბანკი "ქართუს“ უკან მქონდა სახლი, ხევში, რომელიც წყალმა წაიღო. მეტროდან რომ ამოჰყვეთ, ასეთი 700 ოჯახია დასახლებული ამ ტერიტორიაზე. სახლი არ მქონდა გაფორმებული. კომპენსაცია მომცეს და არ ვკიდებდი ხელს, 135 ათასი მომცეს. ვაკეში 135 000 ღირს 1000 კვადრატი?
არ ვაწერდი ხელს და სიტყვიერად მითხრეს, სადაც გინდა, იქ აიღე ნაკვეთი, სახლი ააშენე, ხელს არ შეგიშლითო. ამ დილას მოაყენეს ბულდოზერები და სახლი დამინგრიეს. მარტო სახურავი 5000 ლარი დამიჯდა. აქ მარტო ვცხოვრობდი. არ ვამბობ, რომ ბინა არ მაქვს, 2 ბინა მაქვს ვაკეში, მაგრამ ყველაფერი ბანკში მაქვს ჩადებული. იმიტომ, რომ თვითონ მთავრობამ მითხრა, - ნაკვეთი მონახე, ბინა ბანკში ჩადე და ამ ფულით ააშენე სახლიო. მერე გადამიკეტეს მისასვლელი გზა, ტელეფონიც გამითიშეს, აღარავინ მეკონტაქტებოდა.
თავიდან მითხრეს, რადგან ორი შვილი გყავს, ტერიტორიას მოგცემთ და ააშენე ბინაო. აღარ მომცეს ნაკვეთი, მოგვატყუეს. მერე მითხრეს, შენ მოძებნე ნაკვეთი, სადაც გინდა და იქ აიშენე, ჩვენ მოგეხმარებით, პრობლემა არ შეგექმნებაო. ახლა თქვენც ხედავთ, რაც ხდება. მაგათ შემიყვანეს შეცდომაში, თორემ რა ვიცოდი, რა იყო და სად იყო ვარკეთილის მეურნეობა?!
მოვითხოვ, კალაძეს შემახვედრონ და მე თუ ვარ მტყუანი, ყველა ტელევიზიით ბოდიშს მოვუხდი ამ მთავრობას.... ჯერ კაციშვილი არ მოსულა. აქვე ზემოთ ხის ქოხებიც კი დაუნგრიეს ხალხს, 14-მდე სახლი დაანგრიეს.
მე 60 კვადრატული მქონდა. მარტო ჩონჩხი რომ ყოფილიყო, გული არ დამწყდებოდა. მართალია, ევრორემონტი არ მქონია, მაგრამ მაინც გაკეთებული მქონდა. ახლა გარეთ ვარ, ქუჩაში, გარეთ ვჭამ და ვსვამ. კაციშვილი არ მოსულა, რომ დამლაპარაკებოდა" - უთხრა კახა ილურიძემ AMBEBI.GE-ს.
მკითხველის კომენტარები /
69 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
წადი ბიძია იმ შენ ვაკის ბინაში,ან და რომ ამბობ ცოტა მომცესო,ძალიან კარგად ვიცი მაგ ადგილზე რა ღირს მიწა.ეს არის წყნეთის ქუჩის დაბლა,ამიტომ ძაანაც ნუ გაახურებ.ეგეც ჭავჭავაძე არ იყოს რააააა.
,,სახელმწიფომ კომპენსაციის სახით, 2015 წელს, 356 274 ლარი გადაუხადა'' ეს ტანხა 116 811 დოლარია ანუ ჩემი 10 წლის ხელფასი, ამ ტანხის დღევანდელი ექვივალენტი 2,5 3-ჯერ მეტია იმისი რაც ამ ადამიანმა 2015 წელს მიიღო და რატომ, რის საფუძველზე რა კრიტერიუმებზე დაყრდნობით გადაუხადეს მას კომპენსაციის სახით?