მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"დიდი სიყვარული ციხის მერე მოვიდა, სხვანაირი ადამიანი იყო" - რას ჰყვება ნანი ბრეგვაძე ოჯახსა და კომპლექსებზე
13:18 / 07-01-2022
2021 წლის 21 ივლისს ქართული სცენის ლეგენდა ნანი ბრეგვაძე 85 წლის გახდა. "რუსთავი 2"-ის გადაცემა "სხვა კითხვებში“ სტუმრობისას, მომღერალმა განაცხადა, რომ 80 წლის შემდეგ ასაკს აღარ მალავს. აქვს ძალიან ბევრი კომპლექსი და გული სწყდება, რომ მისი პლეადის ხალხიდან ძალიან ცოტა ადამიანია ცოცხალი...
ნანი ბრეგვაძემ ჟურნალისტ ნიკა ხაჩიძესთან ინტერვიუში, თავისი ცხოვრების მნიშვნელოვან კითხვებს უპასუხა...
ნანი ბრეგვაძე:
- ასაკს 80 წლამდე ვმალავდი. ეგ კი არა, მახსოვს პარიზში რომ ვიყავი და ოლიმპიაში გამოვდიოდი, დირექტორმა მკითხა, რამდენი წლის ხარო, მაშინ 27 წლის ვიყავი და მეჩვენებოდა, რომ ძალიან დიდი ხნის ვიყავი. ვუთხარი ძალიან ბევრის ვარ-მეთქი და რომ გაიგო ჩემი ასაკი, ბევრი იცინა. 80 წლის შემდეგ ასაკს მნიშვნელობა აღარ აქვს. უფრო აფასებ წლოვანებას და უფრო დიდი სიმპათია დავიმსახურე, რადგან უფრო უკეთესად გამოვიყურები. ძალიან დატვირთული ვარ ამ ასაკთან შედარებით, ვბრაზობ კიდეც, დამანებეთ თავი, აღარ მინდა გამოსვლა, სიმღერა, გასტროლები. ალბათ ასეა საჭირო, ასე უნდა ღმერთს. ყველა წავიდა, ჩემი პლეადის ხალხიდან, ორი-სამიღა დარჩა.
როცა მოვა დრო, მინდა, რომ წავიდე წყნარად. არ მინდა ლოგინად ჩავვარდე, ეტლში ჩავჯდე და ისე მატარებდნენ. ყველაფერს გავაკეთებ, რომ ფორმაში ვიყო. ძალიან ახლოს მოვიდა ეს თემა ჩემთან, სიზმრებიც მაქვს... თავს ვიწყნარებ იმით, რომ ალბათ იქაც რაღაც იქნება...
- დედა გაკონტროლებდათ?
- დიახ, დედა ყოველთვის მაკონტროლებდა. მეტი საქმე არ ჰქონდა... ძალიან დათრგუნული ვიყავი ამით, მაგრამ ძალიან დიდ თავისუფლებას მაძლევდა იმაში, რომ ჩემთან უნდა მოსულიყო ყველა, ვისთანაც ვმეგობრობდი. არ უნდოდა, რომ მე წავსულიყავი სადმე. მე დღესაც სახლში ყოფნა მიყვარს... დედა ისე ხვდებოდა ყველას, რომ მისი გარდაცვალების შემდეგ შეწყდა ჩემთან ძველებური სიარული. შემდეგ მითხრეს, - გვეგონა, შენთან მოდიოდით და თურმე დედაშენთან დავდიოდითო.
- მეუღლეზე რას გვეტყვით...
- მომწონდა ჩემი მეუღლე, მაგრამ არ მიმიწევდა გული, მაგრამ დედამ მითხრა, აბა, რა... იმ დროს სინდისი ყველაზე მაღალი თვისება უნდა ყოფილიყო ადამიანის. მითხრა, შენ სიტყვა მიეცი ამ კაცსო... მეც ვითომ ოჯახი მქონდა, მაგრამ ამას არ ერქვა ოჯახი... თურმე ეჭვიანობდა. დამადგებოდა ხოლმე თავზე გასტროლზე შორეულ აღმოსავლეთში, მაგრამ ისე ვიყავით მე და ის ბიჭები, ვისთანაც ერთადაც ვმღეროდი, როგორც და-ძმები.
დიდი სიყვარული ციხის მერე მოვიდა, სხვანაირი ადამიანი იყო, თურმე ეჭვიანობდა. სულ გაბრაზებული იყო. გასტროლზე რომ მოდიოდა, არაჩვეულებრივი იყო, რბილი, თბილი, ყურადღებიანი. შემდეგ დავაფიქსირე, რომ ჩამოსვლის შემდეგ, დედა, მამა, მეგობრები, ეკა მხვდებოდნენ და ისე ვეღარ ვაქცევდი ყურადღებას. მას უნდოდა რომ სრულად მისი ვყოფილიყავი და ეს არ გამოვიდა.
- გარეგნობის კომპლექსი გქონიათ?
- მთელი ცხოვრება გარეგნობის კომპლექსი მქონდა. იცით, როგორი კომპლექსით სავსე ვარ. მე ვიცი ჩემი ყველა ნაკლი, ძალიან თვითკრიტიკული ვარ და ეს ძალიან მიშლიდა ცხოვრებაში ხელს. როდესაც საერთო კონცერტი იყო, სხვა მომღერლებს რომ ვუყურებდი არასოდეს მიფიქრია, რომ ვინმეზე რაიმეთი მეტი ვარ.
არავის მოვწონდი ალბათ, მარტო ვიყავი ანსამბლში ქალი, ვიდრე ბუბას მეუღლე ირა ქებაძე არ ავიყვანეთ, როგორც მოცეკვავე. ბუბას ძალიან დიდი წარმატება ჰქონდა, მეც და ძალიან, უნდოდათ, რომ ცოლ-ქმარი ვყოფილიყავით. ერთხელ სადღაც ვთქვი არ ვართ მეუღლეები - მეთქი და ძალიან სამწუხაროა თუ არ ხართ ერთადო. შემდეგ რეზო გიგინეიშვილმა რომ ფილმი გადაიღო, იქ მე და ბუბა 50 წლის ცოლ-ქმარი ვიყავით და ამის იუბილეს ვიხდიდით. მაშინ ვუთხარი, ძლივს არ გამოგყევი-მეთქი ცოლად.
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
თქვენ ხართ სიმღერის დეფოფალო და რომანსების მეფე დიდხანს სიცოცხლეს გისურვებთ.❤თქვენს კაბებზე ხომ აღარაფერს ვამბობ,რომელიც უნაკლო გემოვნების სიმბოლოა❤
ქართული სიმღერის დედოფალი