"თელმიკო" განმარტავს, რატომ მიუვიდათ მომხმარებლებს ორი ქვითარი

ელექტროენერგიის გადახდის ვადების ცვლილებასთან დაკავშირებით დეკემბერში მომხმარებელმა “თელმიკოს” ორი ქვითარი მიიღო, რაზე კომპანიაში აცხადებენ, რომ ერთი ქვითრი მოსახლეობამ ჩვეულ დროს მიიღო, ხოლო მეორე ქვითრის გაგზავნა მოხდა, იმის შემდეგ, რაც კომპანია “თელასმა” დეკემბრის ბოლო დღეებში, კიდევ ერთხელ აიღო ჩვენება.

“თელმიკოს” განცხადებით, შესაბამისად მეორე ქვითარი დეკემბრის დარჩენილი დღეების ხარჯს ასახავდა.

მაგალითად, თუ პირველ ქვითარში ასახული იყო ელექტროენერგიის ხარჯი 20 დეკემბრის ჩათვლით, ხოლო მეორე ჩვენება 30 დეკემბერს აიღეს, შესაბამისად მეორე ქვითარი ასახავდა 20 დეკემბრიდან 30 დეკემბრამდე დახარჯული ელექტროენერგიის ხარჯს.

კამპანიის ცნობით, ჯამში ორივე ქვითარი დეკემბრის სრულ ხარჯს ასახავს. მეორე ქვითრის გადახდის ვადა, სემეკის მეირ დადგენილი ახალი წესების მიხედვით, არის 15 კალენდარული დღე.

ამასთან, დეკემბრის თვეში ორი ქვითრის დაგზავნის აუცილებლობა დადგა, თვის სრულად დახურვის საჭიროებით, ვინაიდან იანვრიდან ქვითრები თბილისის მოსახლეობას სტანდარტულად თვეში ერთხელ, ყოველი თვის დასაწყისში მიუვა.