მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"საუბარია არა პერსონალიებზე, არამედ ინსტიტუციის გაძლიერებაზე" - გურამ მაჭარაშვილი სახელმწიფო ინსპექტორის სამსახურის გაუქმებაზე
12:31 / 27-12-2021
"საუბარია არა პერსონალიებზე, არამედ ინსტიტუციის გაძლიერებაზე" - ასე ხსნის უმრავლესობის დეპუტატი გურამ მაჭარაშვილი სახელმწიფო ინსპექტორის თანამდებობისა და სახელმწიფო ინსპექტორის სამსახურის გაუქმების თაობაზე მიღებულ გადაწყვეტილებას.
როგორც მაჭარაშვილმა ამ კონტექსტში ჟურნალისტებთან საუბრისას განაცხადა, თავის დროზე, როდესაც პერსონალურ მონაცემთა დაცვის ინსპექტორის სამსახურს საგამოძიებო ფუნქციები დაემატა არასამთავრობო ორგანიზაციების რეკომენდაციაა, რომ სპეციალური საგამოძიებო სამსახური ცალკე, დამოუკიდებლად ყოფილიყო. მაჭარაშვილის თქმით, პრაქტიკამ დაადასტურა, რომ ორი ფუნქციის დამოუკიდებლად შესრულება გაცილებით უფრო ეფექტური იქნება და ორი სამსახური ინსტიტუცირად უფრო განვითარდება.
“სწორედ ამ სურათის დანახვის შემდეგომ მომზადდა საკანონმდებლო ცვლილებები. ორივე სამსახურში ის ძირითადი პრინციპები ნარჩუნდება, რაც არის: დამოუკიდებლობის ხარისხი, ხელმძღვანელობის დანიშვნის პროცედურა და გამჭვირვალობა. რაც შეეხება თანამშრომლებს, იქნება 2-თვიანი გარდამავალი პერიოდი, ვიდრე ახალი სამსახურები შეიქმნება და 1-ელ მარტამდე ჩამოყალიბდება. ამის შემდეგ ხელმძღვანელების შერჩევა და თანამშრომლების აყვანა მოხდება“, - განაცხადა გურამ მაჭარაშვილმა.
კითხვაზე, განიხილება თუ არა ჯერ კიდევ მოქმედი სახელმწიფო ინსპექტორის ლონდა თოლორაიას კანდიდატურა რომელიმე ახალი სამსახურის ხელმძღვანელის პოსტზე, მაჭარაშვილმა აღნიშნა, რომ როდესაც ორ ახალ სამსახურთან დაკავშირებით კონკურსი გამოცხადდება, ნებისმიერ პირს საკუთარი კანდიდატურის წარდგენა შეეძლება - თუ ლონდა თოლორაია საჭიროდ ჩათვლის, განაცხადს ისიც შეიტანს.
საკანონმდებლო პაკეტი, რომლის საფუძველზეც სახელმწიფო ინსპექტორის თანამდებობა და სახელმწიფო ინსპექტორის სამსახური უქმდება, პარლამენტის ბიუროს დღეს წარედგინება. პროექტის გათვალისწინებით, სახელმწიფო ინსპექტორის სამსახურის ნაცვლად, ორი უწყება - სპეციალური საგამოძიებო სამსახური და პერსონალურ მონაცემთა დაცვის სამსახური იქმნება. სპეციალურ საგამოძიებო სამსახურს სამოხელეო დანაშაულთა გამოძიების ფუნქცია ექნება.
რაც შეეხება პერსონალურ მონაცემთა დაცვის სამსახურს, მას პერსონალურ მონაცემთა დამუშავების კანონიერების კონტროლის და ყველა ფარული საგამოძიებო მოქმედებებისა და ელექტრონული კომუნიკაციის მაიდენტიფიცირებელ მონაცემთა ცენტრალურ ბანკში განხორციელებული აქტივობების კონტროლის ფუნქცია ენიჭება.
ცვლილებების პროექტი უმრავლესობის დეპუტატებმა: რატი იონათამიშვილმა, გივი მიქანაძემ, გიორგი ამილახვარმა, ანრი ოხანაშვილმა, დავით მათიკაშვილმა, ალუდა ღუდუშაურმა და გურამ მაჭარაშვილმა მოამზადეს. მათ მიერ მოთხოვნილია საკანონმდებლო ინიციატივის დაჩქარებული წესით განხილვა, რაზეც გადაწყვეტილება ბიურომ უნდა მიიღოს.
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ერთის ნაცვლად, ორი სამსახური იქმნება... "ნაც-ოპოზიცია" და "მეგრანტეები" კი, გაუქმებაზე ლაპარაკობენ. მათ დემაგოგიას ზღვარი არ აქვს. მიისწრაფვის უსასსრულობისაკენ... მოდი, და ნუ გაგეღიმება.
კაია, ქოცები რო წავლენ, მაგათაც ვერავინ დაიცავს. ეს სადმე რუსთავის კოლონიაში დარჩება რამდენიმე წელი.