ბელგიელი მეცნიერები - „კოვიდ-19-ის გადატანის შემდეგ სპერმის სიცოცხლისუნარიანობა კლებულობს, თუმცა რამდენიმე თვეში აღდგება“

რამდენიმე დღის წინ გამოქვეყნებული კვლევის მიხედვით, რომელიც ბელგიაში ჩატარდა, კორონავირუსი უარყოფითად აისახება მამაკაცის ნაყოფიერებაზე. კვლევებში 150-მდე მამაკაცი მონაწილეობდა.

სპერმის ნიმუშების კვლევით დადგინდა, რომ მისი სიცოცხლისუნარიანობა ინფექციის გადატანიდან 1 თვის შემდეგაც კი 60%-ით იყო შემცირებული. „Fertility and Sterility Journal“- ში გამოქვეყნებული სამეცნიერო სტატიის მიხედვით, მეცნიერებმა 150-მდე მამაკაცი გამოიკვლიეს, რის შედეგადაც დადგინდა, რომ სპერმა სრულად აღდგა და მისი სიცოცხლისუნარიანობა კვლავ ამაღლდა მხოლოდ 51-ე დღეს.

იმავე კვლევით ასევე დადგინდა, რომ, ინფექციის გადატანიდან ორი თვის თავზეც კი, სპერმის მობილობა 37%-ით იყო შემცირებული, ხოლო რაოდენობრივად - 29%-ით. კვლევის ფარგლებში დამტკიცდა ისიც, რომ „კოვიდ-19“-ის გადასვლა შეუძლებელია დაუცველი სქესობრივი კავშირის დროს.

ბელგიელი მეცნიერების თქმით, სპერმის ხარისხის, მობილობისა და სიცოცხლისუნარიანობის სრულად აღდგენა - „კოვიდ-19“-ის ინფექციის გადატანიდან 3 თვის შემდეგ ხდება.

NS