მსახიობს, რომელიც კევინ მაკალისტერის ბოროტი ძმის როლს თამაშობდა, შეყვარებულზე ძალადობა და მისი დახრჩობის მცდელობა ედება ბრალად - "ბაზის" რეალური ისტორია
"მარტო სახლშის" კევინის ბოროტ ძმას შეყვარებულზე ძალადობა და მისი დახრჩობის მცდელობა ედება ბრალად
ლეგენდარული საახალწლო ფილმის "მარტო სახლშის“ ვარსკვლავი, დევინ რეტრეი პოლიციამ ძალადობის ბრალდებით დააკავა მას შეყვარებულ გოგონაზე ძალადობასა და დახრჩობის მცდელობაში ედება ბრალი.
როგორც Dailymail-ი იტყობინება, 44 წლის მსახიობი საკუთარი ფეხით მივიდა პოლიციაში და ჩაბარდა. ის, მოგვიანებით, 25 000 დოლარის ოდენობის გირაოს სანაცვლოდ გაათავისუფლეს.
დევინ რეტრეი 13 წლის ასაკში "მარტო სახლშის“ კევინ მაკალისტერის ბოროტი ძმის - ბაზის როლით გახდა პოპულარული.
როგორც ირკვევა, მსახიობი ქალს მას შემდეგ გაუბრაზდა, რაც ბარში დალევის დროს, მათთან ორი ფანი გოგონა მივიდა და მისმა შეყვარებულმა რეტრეის თანხმობის გარეშე შესთავაზა მათ ავტოგრაფები, თანაც უფასოდ.
ჩხუბი წყვილმა ოკლაჰომას სასტუმროს ოთახში განაგრძო, სადაც დევინი აგრესიული გახდა და ქალის მოხრჩობაც კი სცადა. მას შემდეგ, რაც შეყვარებულმა ხელზე უკბინა, რამდენჯერმე დაარტყა კიდეც მას, სანამ საბოლოოდ, ნაცემი ქალი მოძალადე მსახიობს ოთახიდან არ გაექცა.
წყვილი ამ ამბის შემდეგ ერთმანეთს დაშორდა და ქალმა რეტრეის წინააღმდეგ საჩივარიც შეიტანა. მსახიობმა საბოლოოდ მაინც უარყო ბრალდებები და თქვა, რომ მისთვის ხელი საერთოდ არ დაუკარებია.
მოამზადა ანა სიბოშვილმა