"მწვანეთვალება ავღანელის" ევაკუაცია სამშობლოდან - როგორ გაექცა ყველასთვის ცნობილ ფოტოზე აღბეჭდილი გოგონა "თალიბანს" იტალიაში

მწვანეთვალება ავღანელი გოგონა, რომელიც 1985 წლის National Geographic-ის ყდაზე გამოჩნდა და დღემდე ყველასთვის ნაცნობ სახედ რჩება, თალიბების ხელისუფლებას იტალიაში გაექცა.

შარბათ გულას ევაკუაციას იტალიის მთავრობამ ორგანიზება მას შემდეგ გაუკეთა, რაც მან ავღანეთის დასატოვებლად შველა ითხოვა. ხუთშაბათს რომიდან პასუხი მიუვიდა, რომ იტალიაში დაბინავებაში დაეხმარებოდნენ.

გულა 1984 წელს, ფოტოგრაფ სტივ მაკქარის ფოტოთი გახდა საქვეყნოდ ცნობილი, როგორც დევნილი გოგონა, თუმცა მისი რეალური ვინაობა 2002 წლამდე უცნობი იყო. ფოტოგრაფი კვლავ დაუბრუნდა რეგიონს და მწვანეთვალება გოგონა ისევ იპოვა.

2014 წელს ის პაკისტანში გამოჩნდა, მაგრამ მიმალვაში იმყოფებოდა, რადგან ხელისუფლება ყალბი პირადობის მოწმობის შეძენაში ადანაშაულებდა და მის დეპორტაციაზეც გაიცა განკარგულება.

შარბათ გულა, მოგვიანებით ქაბულში გადააფრინეს, სადაც პრეზიდენტმა უმასპინძლა და ახალი ბინის გასაღებიც გადასცა.

იტალია ერთ-ერთი იყო იმ დასავლური სახელმწიფოებიდან, რომელმაც ავღანეთიდან ადამიანების გადაყვანას შეუწყო ხელი.

რომმა განაცხადა, რომ გულას იტალიაში გადაფრენა იმ პროგრამის ნაწილია, რითიც დასავლური სახელმწიფოები ავღანეთის მოსახლეობას დაეხმარებიან.

წყარო

მოამზადა ანა სიბოშვილმა