მნიშვნელოვანი ინფორმაცია
13
აპრილიდღის ზოგადი ასტროლოგიური პროგნოზი
კვირა, მთვარის მეთექვსმეტე დღე დაიწყება 21:28-ზე, მთვარე 17:54-ზე გადაბრძანდება მორიელში
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას; ცხარე და ცხიმიან საკვებს; ცხოველური საკვების მიღებას. ნებადართულია თევზი და სოკო. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"გოგა გულისხმიერი ადამიანი და მამაცი ჯარისკაცი იყო" - გმირი ექიმი, რომლის სახელსაც გორის სამხედრო ჰოსპიტალი ატარებს, სააკაშვილის ხელისუფლების დროს ჯარიდან გაუშვეს
11:10 / 24-11-2021
გორის თავდაცვის სამინისტროს სამხედრო ჰოსპიტალი, სადაც ექსპრეზიდენტი მიხეილ სააკაშვილი მკურნალობს, 2008 წლის აგვისტოს ომის დროს დაღუპული ექიმის გიორგი აბრამიშვილის სახელს ატარებს. მრავალპროფილური სტაციონარული სამედიცინო დაწესებულება ემსახურება როგორც სამხედრო, ისე სამოქალაქო პირებს და აღჭურვილია უახლესი სამედიცინო აპარატურით. ჰოსპიტალს გმირი ექიმის სახელი 2013 წელს მიენიჭა.
- ვინ იყო გიორგი (გოგა) აბრამიშვილი
გიორგი აბრამიშვილი სიღნაღში დაიბადა და გაიზარდა. ის ქუჩა, სადაც ის ცხოვრობდა, დღეს მის სახელს ატარებს.
2008 წლის 11 აგვისტოს ექიმი გიორგი აბრამიშვილი არ დაემორჩილა ევაკუაციის ბრძანებას - სასწრაფოდ დაეტოვებინა გორის სამხედრო ჰოსპიტალი. საავადმყოფო იყო პირველი, იმ ობიექტების სიაში, რომელიც რუსული ავიაციის სამიზნე უნდა გამხდარიყო. ეს ყველაფერი ექიმს უთხრეს, მაგრამ ის მაინც დარჩა საავადმყოფოში... ის ჰოსპიტლის ეზოში მტრის გახსნილ ცეცხლს ემსხვერპლა.
- "გოგა სამშობლოსთვის იბრძოდა და მისთვის სუნთქავდა“
"გოგა 2007 წელს გადავიდა გორის სამხედრო ჰოსპიტალში. ომი რომ დაიწყო, ის ჰოსპიტალში თავისი სპეციალობით - ქირურგად მუშაობდა. იმჟამად მე ტყვიავში, საველე ჰოსპიტალის უფროსი მეთაური ვიყავი. 11 აგვისტოს ჩავედი გორში, ჰოსპიტალი ოკუპირებული იყო, მხოლოდ გოგა და რამდენიმე ექიმიღა შემორჩა იქაურობას, ანუ ადგილზე ექიმების ის რაოდენობა იყო, ჰოსპიტალი რომ ვერ იფუნქციონირებდა. გოგა ევაკუაციას არ დაემორჩილა, მითხრა, - ვერ წავალ, ვინმე მოროდიორი არ შემოვარდეს, ტექნიკა მისახედიაო და დარჩა. რას წარმოვიდგენდი, რომ ბოლო ნახვა იყო“ - იხსენებს ასევე სამხედრო ექიმი, თადარიგის ვიცე-პოლკოვნიკი ლაშა ქოიავა.
მისი თქმით, 2006 წლის დასაწყისში "ნაციონალური მოძრაობის" ხელისუფლების პირობებში გიორგი აბრამიშვილი სამხედრო სამსახურიდან გაუშვეს.
ლაშა ქოიავა:
- მე და გოგა ერთად ვსწავლობდით სამედიცინო ინსტიტუტში, სამკურნალო ფაკულტეტზე, ის ჩემზე ერთი კურსით დაბლა იყო. მერე შევხვდით აფხაზეთის ომში, გოგა "თეთრი გიორგის“ ბატალიონში იყო, მე - პირველი ბრიგადის სამედიცინო სამსახურის უფროსი ვიყავი. ომი ერთად მოვიარეთ, შემდეგ გოგა შეიარაღებული ძალების საველე ჰოსპიტალში მსახურობდა. მან ქირურგის კვალიფიკაცია მიიღო და, სხვათა შორის, შესანიშნავ ქირურგად ჩამოყალიბდა.
ჩვენ ერთად ვიყავით სწავლებაზე - "კახეთი - 2002“, გემახსოვრებათ, პუტინს დესანტის გადმოსხმა რომ უნდოდა, იმ პერიოდში. იმჟამად დავით თევზაძემ ჯარი გაგვიშვა და პანკისის მიმართულებაზე დაგვაყენა. გოგა იქ სამ თვეს იყო გაუსვლელად, ჩვენი ჯარის და იქაური მოსახლეობის ჯანმრთელობის სადარაჯოზე იდგა, ბევრს კურნავდა, ძალზე გულისხმიერი ექიმი იყო, დაუზარელი და დიდი პიროვნება.
როგორც კი "ნაციონალები“ მოვიდნენ ხელისუფლებაში, ჯარში რაღაც ექსპერიმენტები დაიწყეს, ნაომარ ხალხს ჯარიდან ყრიდნენ. ირაკლი ოქრუაშვილმა იმხანად 2000 სამხედრო მოსამსახურე გაუშვა, 2 თვეში ჯარი დაშალა და აბსოლუტურ ნულზე დაიყვანა. დავით თევზაძემ მინისტრობისას უამრავი ადამიანი გააგზავნა სასწავლებლად სხვადასხვა ქვეყანაში - ბიჭები, რომლებმაც აფხაზეთის ომი გამოიარეს და არანაირი სამხედრო განათლება არ ჰქონდათ, ზოგი უკრაინაში გაუშვა, ზოგი - საფრანგეთში, გერმანიაში, იტალიაში, ინგლისა და თურქეთში. მაინც ფილოსოფოსი კაცია და ჯარისკაცების განათლებაზეც ზრუნავდა, აპირებდა თანამედროვე ჯარის ქართული სკოლა ჩამოეყალიბებინა.
მოვიდნენ "ნაციონალები" და ყველა გაყარეს.
"სააკაშვილის ხელისუფლების დროს ჯარიდან გოგაც გაუშვეს, რის შემდეგაც ეუთო - ში დაიწყო მუშაობა ( 2005-ში მე, მომდევნო წლის დასაწყისში კი გოგა გამოუშვეს). 2007 წელს გადავიდა გოგა გორის სამხედრო ჰოსპიტალში. ომი როცა დაიწყო, ის ჰოსპიტალში თავისი სპეციალობით - ქირურგად მუშაობდა.
იმჟამად მისი გარდაცვალების ორი ვერსია ვრცელდებოდა. იყო ლაპარაკი, რომ გოგა ვერტმფრენის ტყვიამფრქვევის ტყვიით დაიღუპა, მეორე ინფორმაციით, ვერტმფრენის ტყვიამფრქვევის ჯერმა გადატეხა ხე და ეს ხე დაეცა გოგას. ის ჰოსპიტალის ეზოში იპოვეს. რომელია ზუსტი ინფორმაცია, არ ვიცი, ნებისმიერ შემთხვევაში, გოგა ომს და ვერტმფრენიდან გახსნილ ცეცხლს შეეწირა. რუსებმა იცოდნენ, რომ იქ ჰოსპიტალი იყო და წესით, არავითარ შემთხვევაში ცეცხლი არ უნდა გაეხსნათ... გაურკვეველია, რატომ ესროლა ვერტმფრენმა ჰოსპიტალის ტერიტორიას. მერე, დაჭრილების მიღების მთელი სიმძიმე ჩვენმა, ტყვიავის საველე ჰოსპიტალმა აიღო..
გოგა გულისხმიერი ადამიანი, პროფესიონალი ექიმი და მამაცი ჯარისკაცი იყო, როგორებიც არიან ომში კახელები - მამაცი, გულადი, საიმედო... ჩვენ კარგი მეგობრები და თანამებრძოლები ვიყავით. ის ასევე, მოსიყვარულე მამა და მეუღლე იყო, პასუხისმგებლიანი პიროვნება. ყველა ღირსებასთან ერთად, მას სასწაული იუმორის გრძნობა ჰქონდა, ქიზიყელი კაცი იყო, სამშობლოს ემსახურებოდა, მისთვის იბრძოდა და მისთვის სუნთქავდა.
გორის ჰოსპიტალს გოგას სახელი 2013 წლიდან მიენიჭა. მგონი, ცინიკურია ის ამბავი, რომ მიხეილ სააკაშვილს გოგა აბრამიშვილის სახელობის კლინიკაში მკურნალობენ.
მკითხველის კომენტარები /
37 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ტანია ❤
ანუ რა გამოდის ქოიავას მოყოლილიდან, რომ ევაკუაცია გამოცხადდა , გიორგი არ დაემორჩილა და მოროდიორებისგან ტექნიკა რომ დაეცვა , იმიტომ დარჩა კლინიკაში? ანუ საავადმყოფო ევაკუირებული იყო ექიმიან-პაციენტიანად და ექიმი დარჩა კლინიკის ტექნიკის გამო?