!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ქართული ოცნება" უფრო და უფრო ემსგავსება წინა ხელისუფლებას... ეს სწორედ ის არის, რასაც კრემლი ელოდება " - ევროპარლამენტარების მორიგი უმკაცრესი შეფასებები
09:39 / 12-11-2021
მორიგი უმკაცრესი შეფასებები ევროკავშირიდან - ევროპარლამენტარებმა საქართველოში მიმდინარე პოლიტიკური პროცესები კიდევ ერთხელ გააკრიტიკეს.
"ქართული ოცნება" უფრო და უფრო ემსგავსება წინა ხელისუფლებას, საქართველო უკეთესს იმსახურებს," - ამის შესახებ ევროპარლამენტარი ვიოლა ფონ კრამონი "ტვიტერზე“ წერს, რითაც ეხმაურება პენიტენციური სამსახურის მიერ მიხეილ სააკაშვილთან დაკავშირებით გავრცელებულ კადრებს.
ევროპარლამენტარი აღნიშნულს სავალალოს უწოდებს და ამბობს, რომ მიხეილ სააკაშვილის საქმე უფრო და უფრო პოლიტიკური ხდება.
"საქართველო შეძრწუნებულია ციხეში ექსპრეზიდენტ სააკაშვილის მიმართ არასათანადო მოპყრობით. ამ ვიდეოების გავრცელება საქართველოს მთავრობის მიერ სავალალოა. საქმე სულ უფრო პოლიტიკური ხდება და "ქართული ოცნება" უფრო და უფრო ემსგავსება წინა ხელისუფლებას. საქართველო უკეთესს იმსახურებს", - წერს კრამონი.
კრამონი კიდევ ერთ "ტვიტს" აქვეყნებს სააკაშვილთან დაკავშირებით და აღნიშნავს:
"სააკაშვილმა დაუყოვნებლივ უნდა შეწყვიტოს შიმშილობა, მიიღოს სათანადო სამედიცინო დახმარება და მიეცეს უფლება დაესწროს საკუთარ არაპოლიტიზებულ სასამართლო პროცესს. საქართველომ უნდა გადალახოს ეს არეულობა და დაიწყოს რეალური პრობლემების მოგვარება, როგორიცაა რუსული ოკუპაცია, სიღარიბე და დემოკრატიის უკუსვლა", - წერს კრამონი.
კიდევ ერთმა ევროპარლამენტარმა, მიხაელ ზიბერტმა ევრონესტის საპარლამენტო ასამბლეაზე განაცხადა, რომ საქართველო ასოცირების შეთანხმებით გათვალისწინებულ მიმართულებას არ მიჰყვება.
"საქართველო მიემართება ისეთი მიმართულებით, სადაც გვაქვს განცდა, რომ ის სრულად აღარ მიჰყვება იმას, რაც იყო შეთანხმებული ასოცირების შეთანხმებით, რაც იყო მაგალითად 19 აპრილის შეთანხმების საფუძველი და ასევე მრავალწლიანი ფინანსური ჩარჩო შეთანხმების პირობები," - აღნიშნა ზიბერტმა.
მისივე თქმით, საქართველოს მიმართ საჭიროა მკაფიო დამოკიდებულება, თუმცა ამავდროულად სიფრთხილის გამოჩენაც.
"ჩვენ, როგორც ქალბატონმა კრამონმა თქვა, უნდა ვაჩვენოთ "მათრახი და თაფლაკვერი“, მათთან ძალიან მკაფიოები უნდა ვიყოთ. რა არის სასამართლო სისტემის რეფორმის ბირთვი, რა არის გზა ქვეყანაში პოლიტიკური კულტურის ჩამოსაყალიბებლად, რაშიც ვიტყოდი, რომ ოპოზიცია ბევრი თვალსაზრისით ეხმარება, მაგრამ უდიდესი პასუხისმგებლობა მთავრობას ეკისრება, რომ სასამართლო რეფორმის განხორციელებას ხელი შეუწყოს. ამავდროულად უნდა ვიყოთ ფრთხილები, რომ არ გადავაჭარბოთ და "ბავშვი ნაბან წყალს არ გადავაყოლოთ“, რადგან არ გვსურს საქართველოს დაკარგვა ევროინტეგრაციის გზაზე“,- განაცხადა ზიბერტმა.
ევროპარლამენტარმა რასა იუკნევიჩიენემ ევრონესტის საპარლამენტო ასამბლეაზე, სადაც ევროპარლამენტარები აღმოსავლეთ პარტნიორობის ქვეყნების საკითხს განიხილავდნენ, აღნიშნა, რომ საქართველო თანდათან კარგავს ნდობას ევროკავშირის მიმართ, რაც, მისი შეფასებით, "ის არის, რასაც კრემლი ელოდება".
"ევროკავშირის პოლიტიკას განახლება სჭირდება. ჩვენ გვჭირდება გაფართოების პოლიტიკის სტაგნაციიდან გამოსავალი. ეს სტაგნაცია მოდის ევროკავშირის მოუმზადებლობისგან, რომ მიიღოს ახალი წევრები და არ არის დამოკიდებული მხოლოდ პარტნიორი ქვეყნების ევროპული რეფორმების პროგრესზე," - თქვა იუკნევიჩიენემ.
მისი თქმით, წევრობის პერსპექტივაში სიცხადის ნაკლებობა ნიშნავს ერთ რამეს, ქვეყნები, როგორიცაა უკრაინა, მოლდოვა, საქართველო თანდათან კარგავენ ნდობას ევროკავშირის პოლიტიკის მიმართ და ეს სწორედ ის არის, რასაც კრემლი ელოდება.
"აღარ არის საკმარისი ჩვენი პარტნიორი ქვეყნებისთვის, რომლებსაც ევროკავშირში ინტეგრაცია სურთ, იმის თქმა, რომ "განახორციელეთ რეფორმები და შემდეგ ვნახავთ“. წევრობის პერსპექტივაში სიცხადის ნაკლებობა ევროკავშირის მხრიდან ნიშნავს ერთ რამეს, ქვეყნები, როგორიცაა უკრაინა, მოლდოვა, საქართველო თანდათან კარგავენ ნდობას ევროკავშირის პოლიტიკის მიმართ და ეს სწორედ ის არის, რასაც კრემლი ელოდება. დაიკარგოს ნდობა ხალხში. შესაძლოა, ამ ქვეყნებმა რეფორმების კეთების კუთხით მოტივაცია დაკარგონ, ეს კი, გარდაუვალად, მათ უფრო მეტ არასტაბილურობას მოუტანს. სწორედ ამის დასაწყისს ვხედავთ საქართველოში, რაც მე ძალიან მაშფოთებს. როგორც კი ძალა გადაწონის , მისი შემობრუნება რთული იქნება. ასე რომ, უნდა ვიმოქმედოთ ახლა“, – განაცხადა ევროპარლამენტარმა.
მკითხველის კომენტარები /
68 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ესენი არიან ნაცების მიერ მოსყიდულები და ყველაფერს აკეთებენ მაგათ სასარგებლოდ.დაეტიეთ თქვენს ქვეყანაში.
დაახვიეთ რა საქართველოდან და თქვენს ქვეყნებს მიხედეთ ლგრბსსჯ მორევში რომ იხრჩობია. 6 კაციდან რომ 3 ცოლია და 3 ქმარი