მარია ანტუანეტას ბრილიანტის სამაჯურები აუქციონზე 8 მილიონ დოლარად გაიყიდა

ბრილიანტის ორი სამაჯური, რომელიც საფრანგეთის დედოფალს, მარია ანტუანეტას ეკუთვნოდა, შვეიცარიაში აუქციონზე 8 მილიონ დოლარად გაიყიდა. ისინი ანონიმურმა პიროვნებამ შეიძინა, რომელიც ტელეფონით ჩაერთო აუქციონზე.

ბრილიანტებით გაწყობილი სამაჯურები 2-ჯერ მეტ ფასად გაიყიდა, ვიდრე ელოდნენ.

მარია ანტუანეტა ავსტრიაში დაიბადა, 1755 წელს და ჯერ კიდევ ბავშვი იყო, როცა საფრანგეთში გაგზავნეს და მომავალ მეფეს, ლუი XVI-ს მიათხოვეს.

მარია 1793 წელს გილიოტინაზე სიკვდილით დასაჯეს. დააბრალეს, რომ მეფეზე "საშიშ გავლენას" ახდენდა.

სიკვდილამდე, ციხეში ყოფნისას, მარია ანტუანეტამ წერილი დაწერა, სადაც თავისი სამკაულების ზარდახშის უსაფრთხო ადგილას შენახვას ითხოვდა. "როცა მისი გადარჩენილი ქალიშვილი - მარია ტერეზა ავსტრიაში ჩავიდა, სამკაულების ზარდახშა მას გადაეცა“, - ასე გადმოსცემს კრისტის აუქციონის სახლი ბრილიანტის სამაჯურების იტორიას.

წყარო

მოამზადა ანა სიბოშვილმა