მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ოთხშაბათი, მთვარის ოცდამეხუთე დღე დაიწყება 04:59-ზე, მთვარე 09:03-ზე გადავა თევზების ზოდიაქოში
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. ამ დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. არ გირჩევთ ოპერაციის ჩატარებას ღვიძლზე, ფეხებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მწვანე პასპორტები“ წინგადადგმული ნაბიჯია, თუმცა როგორც ექიმს, მაქვს კითხვა..." - ალექსანდრე გოგინავა
15:34 / 09-11-2021
ინფექციონისტი ალექსანდრე გოგინავას განცხადებით, კორონავირუსგადატანილი ადამიანებისთვის "მწვანე პასპორტს“ 6 თვიდან 12 თვემდე უნდა ჰქონდეს ვალიდურობა, შემდეგ კი უნდა გადაიხედოს.
როგორც ალექსანდრე გოგინავამ, მედიაჰოლდინგ "კვირაში“ გამართულ პრესკონფერენციაზე განაცხადა, თუ კორონავირუსგადატანილი პაციენტებისთვის "მწვანე პასპორტი“ მუდმივი იქნება, ისინი COVID-19-ის საწინააღმდეგო ვაქცინით აღარ აიცრებიან, რაც ვაქცინაციის პროცესს კიდევ უფრო შეამცირებს.
"მწვანე პასპორტები“ ჩემი აზრით, წინგადადგმული ნაბიჯია და ეპიდსიტუაციაზე კარგად უნდა აისახოს, თუმცა როგორც ექიმს მაქვს კითხვა, რომელზე პასუხიც ბოლომდე ჯერჯერობით არ მაქვს. როგორც ვიცით, დაავადების გადატანის შემდეგ არ ყალიბდება სრულფასოვანი იმუნიტეტი, ბოლო პერიოდში ჩატარებულ კვლევებში აღნიშნულია, რომ ვირუსის გადატანიდან 16-17 თვის შემდეგ იმუნიტეტი და ანტისხეულების რაოდენობა შესაძლოა, მკვეთრად დაქვეითდეს და რეინფექციის რისკები გაიზარდოს. ამიტომ ძალიან მნიშვნელოვანია, რომ "მწვანე პასპორტს“ ჰქონდეს ვალიდურობა და კორონავირუსის გადატანიდან 6 თვიდან 12 თვემდე ჰქონდეს ადამიანს "მწვანე პასპორტი“, სხვა შემთხვევაში შეიძლება ამას უკურეაქცია მოყვეს და ხელი შევუშალოთ ვაქცინაციის პროცესსაც. პროტოკოლით მოცემულია, რომ ვირუსის გადატანიდან, 6 თვის შემდეგ ადამიანმა უნდა ჩაიტაროს ვაქცინაცია, თუკი ჩვენ მას მივცემთ მუდმივ "მწვანე პასპორტს“ იფიქრებს, რომ რადგან მწვანე პასპორტი აქვს, დაინფიცირების რისკს აღარ წარმოადგენს, არც სხვა ადამიანებისთვის არის საშიში და ამიტომ აღარ უნდა ჩაიტაროს ვაქცინაცია. ჩემი აზრით, "მწვანე პასპორტს“ კორონავირუსის გადატანიდან 6 თვიდან 12 თვემდე უნდა ჰქონდეს ვალიდურობა, შემდეგ კი უნდა გადაიხედოს“, - განაცხადა ინფექციონისტმა.
მისი თქმით, ეპიდსიტუაციის კუთხით საკმაოდ მძიმე მდგომარეობაა და ამაზე მიუთითებს ბოლო 2-3 კვირის მონაცემები.
"ეს ეპიდსიტუაცია მოსალოდნელი იყო იქიდან გამომდინარე, რომ ვაქცინაციის ტემპი ქვეყანაში არის ძალიან დაბალი. ისეთ ქვეყნებში, სადაც ვაქცინაცია ასეთი ცუდი და ნელი ტემპით მიმდინარეობს, ხშირია ხოლმე ეპიდსიტუაციის გაუარესება, რასაც მოჰყვება მძიმე პაციენტების რაოდენობის ზრდა, ჰოსპიტლების გადავსება და იზრდება გარდაცვალების მაჩვენებელიც. როდესაც ეპიდსიტუცია უარესდება, 2-3 კვირაში ამას მოჰყვება სიკვდილიანობის ზრდა. ამიტომ, თუ ჩვენ არ მივაღწევთ სტაბილურ ეპიდემიოლოგიურ სიტუაციას, ყოველთვის გვექნება მსგავსი პრობლემები, როგორიც არის გადავსებული საავადმყოფოები, ბევრი მძიმე პაციენტი და შესაბამისად, გაზრდილი სიკვდილიანობა. ყველაზე მნიშვნელოვანი გრძელვადიან პერსპექტივაში ეპიდსიტუაციას სტაბილიზაციის არის ვაქცინაცია და ამის კარგი მაგალითებიც გვაქვს სხვა ქვეყნებში. რა თქმა უნდა, ასეთ ქვეყნებშიც ფიქსირდება ეპიდსიტუაციის გაუარესება, მაგრამ ამას არ მოჰყვება სიკვდილიანობის ზრდა.
უნდა გავითვალისწინოთ, რომ თუ გვინდა გრძელვადიან პერსპექტივაში ეპიდსიტუაცია დავასტაბილუროთ და დავამარცხოთ კორონავირუსული პანდემია აქტიურად უნდა ჩავატაროთ ვაქცინაცია“, - განაცხადა გოგინავამ.
მკითხველის კომენტარები /
14 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ნიურბერგის 1947 კოდექსის მიხედვით ნებისმიერი სამედიცინო ჩარევა ნებაყოფლობითია მთელ მსოფლიოში. არცერთ სახელმწიფო ან კერძო ორგანიზაციას არ აქვს უფლება აიძულოს მოქალაქეები რაიმე სახის სამედიცინო მომსახურება! ეს არის აკრძალული!
ყველგან ერთი და იმავეს წერა რატომ უნდა მიწევდეს. როცა არამზადობენ და არაფერს ამბობენ: 1. იმაზე, რომ ვაქცინებს ავტორიზაცია ,,გადაუდებელი აუცილებლობის'' მიზეზით მიენიჭათ. 2. სტატისტიკის ბოროტად გამოყენებაზე (სადაც არ არის ნაჩვენები მონაცემები ორი დოზით ვაქცინირებულ პირთა ინფიცირების შესახებ და ასევე რე-ინფიცირების შესახებ, გარდაცვლილთა შორის ორი დოზით ვაქვინირებულ პირთა შესახებ და ა.შ). 3. ვაქცინაციისკენ შლეგურ მოწოდებაზე და იმის ართქმაზე, რომ საჭიროა ანალიზების გაკეთება, რათა დარწმუნდე, მიიღებს თუ არა გართულებების გარეშე შენი სხეული აცრას (ცხონებული მედდის შემთხვევა). 4. ე.წ. ,,ექიმების'' ლობისტურ დამოკიდებულებაზე ვაქცინების და კონკრეტული მედიკამენტების მიმართ (,,რონაპრევი'', ,,მოლნუპრავირი") და გარკვეული წამლების სრულ და მიზანმიმართულ იგნორირებაზე (,,ივერმექტინი'', ,,კამელინი'', EXO CD24). ამას დამატებული, როცა დებატებს უაზრო მიზეზებით გაურბიან და ყველა შეკითხვაზე პასუხად ,,აცრა გამოსავალიას'' გპასუხობენ, სწორედ ეს ქმნის პრობლემას. ახლა გაიგე? მეჩიპე ანტი-ვაქსერებს თავისი გასჭირვებიათ, მაგრამ თქვენ, პრო-ვაქსერ ზომბები და თქვენი ე.წ. ,,ექიმები'' სანამ ვინმესკენ ხელს გაიშვერთ, ჯერ საკუთარ თავს მოჰკითხეთ. ამას დამატებული ვაქცინასაც 6 თვიანი მოქმედების ხანგრძლივობა აქვს და ამის შემდეგ საჭიროა ახალი დოზის მიღება, რასაც ეს ,,ექიმი'' არ ახსენებს ისევე, როგორც იმას, რომ ვაქცინირებულებსაც ემართებათ ვირუსი და გადამტანები არიან. და კიდევ, დანიაში, სადაც ბოლო მონაცემებით, 12 წელს ზემოთ მოსახლეობის 85.9% ორი დოზით არის ვაქცინირებული, ბოლო დღეების მანძილზე კორონავირუსით დაინფიცირების შემთხვევების ზრდის გამო „კოვიდ-საშვები“ ხელახლა დაწესდება. ეს როგორ გავიგოთ, დანიაშიც ქორწილებში და ქელეხებში უკონტროლო სიტუაციაა?!