!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"პროტესტი გასაგებია, მაგრამ მან არ უნდა მიიღოს რევოლუციური განზომილება - ეს უპერსპექტივოა" - გია ხუხაშვილი
12:23 / 01-11-2021
როგორც პოლიტოლოგმა გია ხუხაშვილმა "ინტერპრესნიუსს“ განუცხადა, სჯობს ოპოზიციამ აირჩიოს უფრო გრძელვადიანი, უფრო ნაკლებად კომფორტული, უფრო დამღლელი, მაგრამ სახელმწიფოებრივად სწორი გზა და არა რევოლუციური გზით, არამედ ნაბიჯ- ნაბიჯ შეიქმნას ხელისუფლების საარჩევნო გზით მშვიდობიანი გადაბარების პირობები.
ამასთან, როგორც ხუხაშვილი აცხადებს, დღეს რევოლუციური სიტუაცია ქვეყანაში არაა, შესაბამისად ეს არის ომი, რომელშიც ოპოზიცია გამარჯვებული მაინც ვერ გამოვა და არც არასდროს გამოსულა.
"აქციები, პროტესტი გასაგები და კანონზომიერია, გარკვეულწილად ლოგიკურიც, იმიტომ, რომ მართლა ჰქონდა ადგილი რესურსის ბოროტად გამოყენებას, ყველამ ვიხილეთ. შესაბამისად, ამას როგორც პოლიტიკური ელიტა, ისე საზოგადოება უნდა აპროტესტებდეს. ეს პროტესტი არის ლოგიკური, თუმცა, მე არ მგონია, რომ ამ პროტესტმა უნდა მიიღოს რევოლუციური განზომილება. ოპოზიციის მუდმივი ჟინი, რომ საკითხი გადაწყდეს სწრაფად ანუ დილას დავიწყოთ და საღამოს დავამთავროთ, გავაფორმოთ ხელისუფლების დელეგიტიმაცია, ვაიძულოთ ნორმალური საარჩევნო პროცესის მიღმა მოხდეს სისტემის ჩამოშლა და რიგგარეშე პროცესები დაიწყოს, ჯერ ერთი, რომ უპერსპექტივოა და გარდა ამისა, საკმაოდ ბუნდოვან განვითარებას გულისხმობს, რაც მაღალი სახელმწიფოებრივი რისკების შემცველიცაა. დავუშვათ, ხელისუფლებამ დანიშნა დღეს რიგგარეშე არჩევნები, თუ ჩვენ ეს მანკიერებები, რაც არჩევნებს ახასიათებს, მათ შორის, კანონმდებლობაში, არ მოვაგვარეთ და რეალური არჩევნები კონკურენტული არ გავხადეთ, ასეთ რიგგარეშე არჩევნებს რა აზრი აქვს?! შესაბამისად, მინიმუმ ეს გზა გასავლელი გვაქვს. ჩემთვის გასაგებია, რომ ოპოზიცია ამას აპროტესტებს, თავის ამომრჩეველს ხარკს უხდის, რომელიც იმედგაცრუებულია და ორიენტირებულია სწრაფ შედეგზე, თუმცა, მეორე მხრივ, ამას არ უნდა მიეცეს სისტემური ხასიათი ანუ არ უნდა გადაიზარდოს სახელმწიფოებრივი რყევების ფაზაში. ეს საზიანოა და ასევე, ხელისუფლება ასეთ ბრძოლებში, როგორც წესი, გამარჯვებულია და ის იმედგაცრუება, რაც საზოგადოებას აქვს, საბოლოო ჯამში, კიდევ უფრო მძიმე ფორმებს შეიძენს. ეს არის ომი, რომელშიც ოპოზიცია გამარჯვებული მაინც ვერ გამოვა და არც არასდროს გამოსულა. არ არის რევოლუციური სიტუაცია ქვეყანაში. პროტესტი გასაგებია, უნდა გააპროტესტონ, უნდა შეეცადონ, რომ სახელმწიფომ აქედან მაქსიმუმი მიიღოს, მაგრამ არაუმეტეს ამისა,“- განაცხადა გია ხუხაშვილმა.
მისივე თქმით, რიგგარეშე არჩევნების ჩატარებას აზრი აქვს მხოლოდ მაშინ, თუ კონკურენტული არჩევნების შესაბამისი ბაზა შეიქმნება.
"ასე რომ, ოპოზიციაში უნდა მიყვნენ პროცესს. ნუ იქნებიან ორიენტირებული რევოლუციურ განვითარებაზე. დღეს არის ვითარება, როცა ხელისუფლების დელეგიტიმაციამ შეიძლება სახელმწიფოს დელეგიტიმაცია გამოიწვიოს. ხელისუფლება არაფერს დათმობს, ამიტომ არის პროტესტი კარგი. უნდა იყოს პროტესტი რა თქმა უნდა, მაგრამ ეს პროტესტი არ უნდა იყოს მყისიერ შედეგზე ორიენტირებული. სააკაშვილის თემა და მოცემულობა, მისი გათავისუფლების მოთხოვნა გასაგებია, მაგრამ ის, რომ მოდი, ახლა ჩვენ დავიწყოთ და ხელისუფლება დავამთავროთ, ამის შედეგებზე უნდა დავფიქრდეთ. ვთქვათ გავყარეთ ხელისუფლება, მერე რა ხდება? ასე რომ, ყველას ვურჩევდი, როცა პოლიტიკურ პროცესზე ზრუნავენ, თუნდაც, სამართლიანად, აუცილებლად გაითვალისწინონ რისკები. ულტიმატუმის სახით ხელისუფლების გადადგომის და სრული დელეგიტიმაციის გზას არ ვემხრობი. სჯობს რომ ნაბიჯ- ნაბიჯ შეიქმნას ხელისუფლების საარჩევნო გზით მშვიდობიანი გადაბარების პირობები და არა რევოლუციური გზით. არის ძალიან მაღალი ალბათობა იმის, რომ შეიქმნება რიგგარეშე არჩევნების პირობები. თვითონ ხელისუფლება შეიძლება გახდეს იძულებული, მაგრამ არა დღეს და არა მეყსეულად. ამას სჭირდება შესაბამისი საფუძველი. დღეს ეს განწყობა საზოგადოებაში, რომ დავამთავროთ ხელისუფლება და მოდი და დღესვე დავნიშნოთ რიგგარეშე არჩევნები, არ არსებობს. საზოგადოება მინიმუმ ორად არის გაყოფილი და ამ გზას ბევრი არ ეთანხმება. ხელისუფლებასაც აქვს საზოგადოებაში საყრდენი. მოდი ვიპოვოთ, შეიძლება უფრო გრძელვადიანი, უფრო ნაკლებად კომფორტული, უფრო დამღლელი, მაგრამ სახელმწიფოებრივად სწორი გზა“, - განაცხადა ხუხაშვილმა.
ცნობისთვის, ოპოზიცია თვითმმართველობის არჩევნების შედეგების გასაპროტესტებლად რეგიონებში აქციებს გეგმავს, თბილისში კი მასშტაბური აქცია 6 ნოემბერსაა დაანონსებული.
მკითხველის კომენტარები /
15 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რუსული მთავრობა არასოდეს მიდის არჩევნების გზით. ისინი მხოლოდ მაშინ გარბიან ქვეყნიდან რუსეთში როცა მათ ხალხი დააპანღურეს. ვისაც იმის ილუზია აქვს რომ ესეთი მშვიდობიანი გზით წავლენ მას არაფერში ესაქმება არც პოლიტიკაში და არც ექსპერტობაში
ვინმეს სჯერა რომ თუნდაც სამი წლის თავზე კობახიძე, ღარიბაშვილი თუ მდინარაძე ჩაატარებენ ნორმალურ არჩევნებს და გვერძე გადგებიან?
ეს კომკავშირული შემართების ახალგაზრდობა გაჟღენთილი არის მხოლოდ ძალაუფლებით ,კორუპციით და მხოლოდ ერთი პიროვნების დაცვით.არც კი იფიქროთ რომ მათ რაიმე სხვა პრობლემა აწუხებთ.იდეალში ფიქრობენ რომ სიბერემდე ასე გაატარებენ ქვეყანას გაჭირვებაში,ვალებში და უპერსპექტივობაში.ამათ ვერც წარმოუდგენიათ რომ სხვა ქვეყანაში იცხოვრონ.
პრემიერის ფუნქციის შემსრულებელი საერთოდ ფიგურაა რომელსაც ფეხებით წინ თუ გამოიტანენ კაბინეტიდან( თუ ბიძინა არ შეატყობინებს ტვ იმედის მეშვეობით)
წარმოგიდგენიათ ვინმეს კიდე სამი წელი ასეთ მარაზმია და სტაგნაციაში ცხოვრება? საგარეო ვალები შეგვჭამს მარტო.