მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჩემმა ცოლმა ძალიან ბევრი რამ გააკეთა... თინის გარეშე არაფერი გამოვიდოდა" - რას ჰყვება აჩი არველაძე ოჯახზე, პოკერით გატაცებასა და პოლიტიკაზე?
10:20 / 29-10-2021
აჩი არველაძე "საზოგადოებრივ მაუწყებელზე“ დავით გორგილაძის გადაცემას "გორგილაძის აუტანელი სიმსუბუქე“ სტუმრობდა. სპორტსმენმა გულახდილად ისაუბრა იმაზე, თუ როგორ ცხოვრობს ფეხბურთიდან წასვლის შემდეგ, რატომ თქვა პოლიტიკაში მოსვლაზე უარი და ვინ არის ადამიანი, რომელმაც მის თორმეტწლიან საფეხბურთო კარიერაში მნიშვნელოვანი როლი შეასრულა.
პოლიტიკაზე...
- როგორც კი მე პოლიტიკურ მოედანზე შევალ, მარტივად რომ ვთქვათ, ხაზს ვუსვამ 50%-ს იმ ადამიანების, ვისაც ჩემი პოლიტიკური ხედვა არ მოეწონება. მე ვერ გავცვლი ამას პოლიტიკაზე, ღმერთმა არ დამაჭირვოს და გამაჭირვოს, რომ წავიდე პოლიტიკაში. მქონია შემოთავაზება, რომ მაჟორიტარი დეპუტატი ვყოფილიყავი, ჩემს წინააღმდეგ უნდა ყოფილიყო თინა ხიდაშელი, მინდა, მას ჯანმრთელობა ვუსურვო. ისეთი პარტიიდან მქონდა შემოთავაზება, რომ უპრობლემოდ მოვიგებდი. პირველივე შეგრძნება რაც მქონდა, ის იყო, რომ თინა ათასი კილომეტრით მჯობია იმ ყველაფერში, რაშიც ვეჯიბრებოდი. და იმის გამო, რომ საშუალება მქონდა საარჩევნოდ პარტიას შევეფუთე და ვიტრინაში გამოვეჩინე, ამაზე არ უნდა წავსულიყავი... ამიტომაც არ დავთანხმდი.
ლექსები
- მიყვარხარ, ვგიჟდები, გამოხატვის ასეთი მიმართვები არ მაქვს. ჩვენ დროს წერილებს ვწერდით შეყვარებულებს. იმ ერთი წერილის წაკითხვა რამდენ რამეს ნიშნავდა. რამდენჯერ დავწერდი, გადავშლიდი, ჩავასწორებდი. მერე შოთის წავაკითხებდი, რეზის, ისევ ჩავასწორებდი. ლექსებსაც ვწერდი, ისეთი ლექსები მაქვს დაწერილი, გაგიჟდებით. ჩემ მეუღლეს თინის დღემდე შენახული აქვს.
პოკერზე
- ცოტა კარგი მამაც შემიძლია ვიყო, ცოტა კარგი მეუღლეც, უფრო ყურადღებიანიც. ყველაფერი ვარ ცოტ-ცოტა, აზარტულიც ვარ, კარტის თამაშიც მიყვარს და კაზინოშიც მითამაშია ძალიან ხშირად. განსაკუთრებულად როცა ფეხბურთს თავი დავანებე, ძალიან მიჭირდა ტვინის გათიშვა, ადრენალინი მაკლდა. ძალიან გადავერთე პოკერის თამაშზე. თინი, ჩემი მეუღლე სულ მელაპარაკებოდა, მაგრამ ხვდებოდა, რომ რაღაც ნაწილის გათიშვა მინდოდა ჩემი პრობლემების. არასოდეს ვყოფილვარ ძალიან დამოკიდებული. მე თუ წავედი კაზინოში სათამაშოდ, იმას არ ნიშნავს, რომ მთელ ქონებას წავაგებ. რესტორანში წასვლასავით არის. ეს ჩემ ცოლთან ერთადაც ხდება და ჩემ მეგობრებთან ერთადაც. ჩემი გადამკიდე და ჩემი ჯანმრთელობის, ჩემმა ცოლმა ძალიან ბევრი რამ გააკეთა იმისთვის, რომ ის 12 წელი ჩემი ტრამვირებული ფეხით მეთამაშა. არაფერი არ მეხებოდა, გარდა იმისა, ადექი, წამალი დალიე, მერე ყინულში ჩაწექი ორი საათი. ბავშვი, სწავლა, საყოფაცხოვრებო პრობლემები არ მეხებოდა. დღესაც მეუბნება, - ძალიან კარგად მოირგე ეს როლიო. თინის გარეშე არაფერი გამოვიდოდა.
ფილმი არველაძეებზე...
- ალბათ, მაინც ემირ კუსტურიცას გადავაღებინებდი არველაძეებზე ფილმს. მას აქვს თავისი დეგენერატობები, მაგრამ სახასიათო ფილმი ასეთ ტიპს უფრო მოუხდება. ვატოს (რეზი არველაძის შვილი) ვათამაშებდი რეზის ან შოთის როლს, ფეხბურთელია. შოთის შვილიც ჩემ შვილთან შედარებით უკეთ თამაშობს, მაგრამ ვატოსთან შედარებით - ვერა. შოთის ორი ბიჭი ჰყავს, მაგრამ ნიკა არ თამაშობს. ჩემი უფროსი შვილი ამერიკაში სწავლობს, ექვსი წლის წინ წავიდა, დენისონის უნივერსიტეტში კინოპროდიუსინგს ამთავრებს, ლოს - ანჯელესში ცხოვრობს. ქალიშვილი მადრიდშია და პატარა, ლიზა თბილისშია. მას უნდა ფეხბურთის თამაში, მაგრამ მე ვცდილობ, რომ არ ითამაშოს.
მკითხველის კომენტარები /
24 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მიყვარს აჩის მოსმენა,გულახდილია.
გაიხარე წარმატებები. შენ კი იცი რო პოლიტიკაში მოუმზადებელი არ უნდა წახვიდე, მიუხედავად იმისა ბევრ შენ ყოფილ კოლეგაზე უკვეთესად გამოგივა მაგრამ ბევრმა არ იცის ეგ და გადაყვა მოზღვავებულ ამბიციას