მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"გეგმა არის ერთადერთი! ივანიშვილო, თუ 30 ოქტომბერს გაიმეორებ იმას, რაც გააკეთე 2 ოქტომბერს, მთელი საქართველო შევიკრიბებით" - ნიკა მელია
21:40 / 14-10-2021
ბიძინა ივანიშვილო, ძვირფასი საზოგადოების სახელით გეტყვი, რომ თუ შენ 30 ოქტომბერს გაიმეორებ იმას, რაც გააკეთე 2 ოქტომბერს, ჩვენ, მთელი საქართველო შევიკრიბებით თავისუფლების მოედანზე, რუსთაველის გამზირზე და შენზე იქნება დამოკიდებული ჩვენ ვიზეიმებთ გამარჯვებას, რომლის მოპოვებაშიც მანკიერად ხელი არ უნდა შეგვიშალო, თუ დავიცავთ ამ ქვეყნის აწმყოს და მომავალს, - ამის შესახებ „ერთიანი ნაციონალური მოძრაობის“ თავმჯდომარემ და თბილისის მერობის კანდიდატმა, ნიკა მელიამ თავისუფლების მოედანზე მიმდინარე აქციას, სიტყვით გამოსვლისას განაცხადა.
მისივე თქმით, მიხეილ სააკაშვილის თხოვნაა, რომ არ იყოს ჭირისუფლობა და მწუხრი.
„მიხეილ სააკაშვილის თხოვნა იყო, რომ არ გვინდა ჭირისუფლობა, არ გვინდა მწუხრი, ბრძოლის ყიჟინა გვინდა ცივილიზებული ფორმით. სიმღერაც იყოს, დროშაც ფრიალებდეს, ღიმილიც იყოს, ბედნიერებაც იყოს, იმიტომ, რომ ჩვენ ხელისგაწვდენის მანძილზე გამარჯვება გველოდება, რომელსაც არ გავატანთ ბიძინა ივანიშვილს.
თუ ბიძინა ივანიშვილი 30 ოქტომბერს გაბედავს და იგივეს იკადრებს, რაც 2 ოქტომბერს იკადრა და გვაკადრა ხალხს, იკადრებს ძალადობას, მოსყიდვას, მუქარას, ფიზიკურ ანგარიშსწორებას და ათას მანკიერებას, რომელიც არ აღმოჩნდა საკმარისი მისთვის გამარჯვების მოპოვებისთვის, არავისთვის სიურპრიზი არ უნდა იყოს, რომ კიდევ უფრო მეტნი გამოვალთ, კიდევ უფრო მკაფიო ხმას გავაგონებთ, არა უბრალოდ ხმას ხალხო! თავისუფლად შემიძლია ვთქვა, რომ ჩვენი ძალა არის სიმრავლეში! ბიძინა ივანიშვილო, თავს უფლებას მივცემ და ძვირფასი საზოგადოების სახელით გეტყვი, რომ თუ შენ 30 ოქტომბერს გაიმეორებ იმას, რაც გააკეთე 2 ოქტომბერს, ჩვენ მთელი საქართველო შევიკრიბებით თავისუფლების მოედანზე, რუსთაველის გამზირზე და შენზე იქნება დამოკიდებული ჩვენ, ხალხი, ვიზეიმებთ გამარჯვებას, რომლის მოპოვებაშიც მანკიერად ხელი არ უნდა შეგვიშალო, თუ დავიცავთ ამ ქვეყნის აწმყოს და მომავალს, რაც მთავარია ღირსებას. ეს არ არის ხუმრობა. არცერთ ჩვენგანს არ გვიღირს ღირსების შელახვა“, - აღნიშნავს მელია.
როგორც მელია აღნიშნავს, ერთადერთი გეგმა გამარჯვებაა, საარჩევნო უბნებზე „უნდა აღვმართოთ მშვიდობიანი, ცოცხალი კედელი“.
„გეგმა არის ერთადერთი, მეორე ვერ და არ იქნება. ეს გეგმა არის გამარჯვება! გამარჯვება! არაფერი მეტი სხვა! ჩემი თხოვნა იქნება საარჩევნო უბნებზე დამკვირვებლებად და წამომადგენლებად გადავნაწილდეთ. არ დავიზაროთ, იქ უნდა აღვმართოთ მშვიდობიანი, ცოცხალი კედელი, რომ პარაზიტებმა ვერ მოიპარონ ამ ქვეყნის მომავალი. გამადიდებელი შუშით შევხედავთ ბიძინა ივანიშვილის წარმომადგენლებს“,- აღნიშნავს მელია.
მისივე თქმით, მათი თვითმიზანი არასდროს ყოფილა ძალადობა და თავდასხმა.
„შესაძლებელია, დღეს მავანნი ელოდებოდა, რომ ამ აურაცხელი ადამიანის შეკრების შემდეგ აგრესიული ნაბიჯები გადაიდგმებოდა ჩვენს მიერ. სადღაც ცოტა ადამიანმა რამდენიმე პოლიტიკოსმა თქვა, რომ იცით რა, ჩვენ არ მივალთ იქ, სადაც არ ვიცით რა ორგანიზაციული საკითხებია, როგორც გადაწყდა, ამიტომ შორიდან დავაკვირდებითო. რატომ ჰქონდა ვინმეს მოლოდინი, რომ ჩვენი თვითმიზანი ძალადობაა?! ჩვენი თვითმიზანი ძალადობა არასდროს ყოფილა. ჩვენი თვითმიზანი ვინმეზე თავდასხმა არასდროს ყოფილა. ჩვენი თვითმიზანი იქნება საკუთარი თავების, ოჯახების, სახელმწიფოს და ხმების დაცვა“,- აღნიშნავს მელია.
მკითხველის კომენტარები /
25 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ra gaaketa ?
2 ოქტომბერი იქნება ისტორიული და თქვენი დასაწყისის დასასრული.