მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"სად ვართ ჩვენ და სად არის დანარჩენი სამყარო" - მსოფლიოში პანდემიის დასასრულს 2022 წლის გაზაფხულზე ვარაუდობენ, რა ელის საქართველოს?
10:35 / 29-09-2021
მსოფლიოს წამყვანი სპეციალისტები პანდემიის დასრულების მოახლოებაზე ალაპარაკდნენ. კოვიდის წინააღმდეგ ბრძოლაში ჩართულმა არაერთმა გავლენიანმა პირმა განაცხადა, რომ მსოფლიო ცხოვრების ჩვეულ რიტმს, დიდი ალბათობით, გაზაფხულიდან დაუბრუნდება.
"კოვიდ-19“-ის საწინააღმდეგო ვაქცინის შემქმნელი კომპანია "ფაიზერის“ ხელმძღვანელმა ალბერტ ბურლამ განაცხადა, რომ პროგრესი მთლიანად დამოკიდებულია ვაქცინების ათვისებასა და ჯოგური იმუნიტეტის ზომაზე. ბურლას განცხადებით, ამიერიდან ნორმად დაწესდება ყოველწლიური ვაქცინაცია და შეიქმნება ვაქცინები, რომელთა მოქმედება სულ მცირე ერთი წლის განმავლობაში გაგრძელდება.
რამდენიმე დღის წინ მსგავსი პროგნოზი გააკეთა აშშ-ის მთავარმა ინფექციონისტმა ანტონი ფაუჩიმაც. მისი ვარაუდით, პანდემია გაზაფხულისთვის დასრულდება, თუმცა დასძინა, რომ ახალ-ახალი შტამების გამოჩენის გამო ამის აბსოლუტური გარანტია არ არსებობს. ახალი შტამების გაჩენის საფუძვლის მაქსიმალური შემცირება კი მხოლოდ და მხოლოდ კორონავირუსის გავრცელების შემცირების შემთხვევაშია შესაძლებელი. თუ ვირუსის გავრცელების მასშტაბი იქნება ისევ ფართო, მაშინ ახალი შტამების საფრთხეც დიდი იქნება და პანდემიის დასასრულის პროგნოზირებაც გაჭირდება...
- რა ხდება საქართველოში და რას ამბობენ ქართველი სპეციალისტები?
ალერგოლოგ-იმუნოლოგ ბიძინა კულუმბეგოვის განცხადებით, მსოფლიო პანდემიაზე გამარჯვებას 2022 წლის გაზაფხულზე შეძლებს, რაც შეეხება საქართველოს, მისი თქმით, ჩვენთან, ალბათ, ეს თარიღი გადაიწევს.
"თუ ვაქცინაციის მაქსიმალურ მაჩვენებელს მივაღწევთ, კლინიკებში არ მოვხვდებით და მძიმე დაავადების განვითარების რისკებს შევიმცირებთ, ეს ნიშნავს რომ პანდემია დასრულებულია. მსოფლიოს განვითარებული სამყარო ამას 2022 წლის გაზაფხულზე მიაღწევს და სამწუხაროდ, ჩვენ დაგვიგვიანდება თუ ფეხს ვერ ავუბამთ ამ ყველაფერს".
ექსპერტი ჯანდაცვის საკითხებში სერგო ჩიხლაძე კი ამბობს, რომ გაზაფხულამდე ჯერ წინ ზამთარი და მეხუთე ტალღაა, რომელიც, მისი ვარაუდით, საქართველოსთვის ისეთივე მძიმე იქნება, როგორიც იყო მეოთხე. იგი ამის მიზეზად ვაქცინაციის ტემპის ვარდნას ასახელებენ.
"არაერთ ქვეყანაში, მაგალითად, დანიაში, გერმანიაში, ბრიტანეთსა და საფრანგეთში რეგულაციები კარგა ხანია მოხსნილია, ისინი უკვე უბრუნდებიან ცხოვრების პანდემიამდელ რიტმს. მსგავსი ვითარების მოლოდინშია მთელი მსოფლიო, რადგან გარდა ვაქცინებისა, მუშავდება კოვიდის საწინააღმდეგო სპეციალური მედიკამენტებიც, რაც მნიშვნელოვან წვლილს შეიტანს პანდემიის დასრულებაში. წესით, პანდემია 2022 წელს უნდა დასრულდეს, მაგრამ ვინ უფრო მალე და წარმატებულად დაამარცხებს მას, ეს დამოკიდებულია ეპიდემიის მართვის ეფექტიანობასა და მოსახლეობის პასუხისმგებლობის დონეზე. სამწუხაროდ, საქართველო მოწინავეთა რიგებში ვერ იქნება. რადგანაც მეოთხე ტალღის პირობებში, როდესაც ქვეყნები რეგულაციებს ხსნიან, ჩვენ გავხდით პირველები როგორც სიკვდილიანობის, ისე გავრცელების მხრივ. ეს არის მკაფიო მაგალითი იმისა, თუ სად ვართ ჩვენ და სად არის დანარჩენი სამყარო", - აცხადებს ჩიხლაძე.
ვაქცინაციის ეროვნული გეგმის მიხედვით, რომელიც წლის დასაწყისში შეადგა, სრულყოფილად უნდა აცრილიყო მოზრდილი მოსახლეობის 60%, ანუ მილიონ შვიდასი ათასი ადამიანი. თუმცა დელტა შტამის გავრცელების გამო ამ ნიშნულმა 70%-მდე აიწია. ამ ფონზე, სრულად აცრილთა სტატისტიკური მონაცემები ოპტიმიზმის საფუძველს ნამდვილად არ იძლევა. დღევანდელი მდგომარეობით, ორივე დოზით აცრილია მოზრდილი მოახლეობის მხოლოდ 27. 5%. აღნიშნული მაჩვენებელი ინფექციონისტთა თქმით, საგანგაშოა.
ეპიდემიოლოგი მაია ბუწაშვილი ambebi.ge-ს ეუბნება, რომ ვაქცინაციის ტემპი მომდევნო თვეებში კიდევ უფრო დაიკლებს.
"თავიდან ინტენსიურად აიცრა ის ხალხი, რომლებსაც მაღალი მოტივაცია ჰქონდა, ვინც ელოდებოდა ვაქცინებს და აცრისთვის აგიტაცია არ სჭირდებოდა. ახლა კი ის სეგმენტია დარჩენილი, 50 წელს ზემოთ მოსახლეობა, რომელთანაც ყველაზე მეტი მუშაობაა საჭირო. ამიტომ ძნელია იმის პროგნოზირება თუ რა დრო დაგვჭირდება იმისთვის, რომ 70 %-ს მივაღწიოთ. არადა, სწორედ ამაზეა დამოკიდებული, თუ როდის შევძლებთ თავისუფლად ცხოვრებას. ამ ტემპით ჯერჯერობით იმის მოლოდინი, რომ საქართველო ცხოვრების ჩვეულ რიტმს რამდენიმე თვეში დაუბრუნდება, ვერ გვექნება. იმედია, რომ ზოგადად 2022 წელი იქნება სტაბილიზაციის წელი და დავუბრუნდებით ნორმალურ ცხოვრებას . " - ამბობს მაია ბუწაშვილი.
მკითხველის კომენტარები /
18 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მსოფლიო არ ვიცი,და ჩვენ ყოველმხვრივ 90-იან წლებში,რომ ვართ,ეს ფაქტია.
მარტის ბოლომდე ამ ტემპითაც რო გაგრძელდეს აცრა ყველა განგარიშებით საქართველოშიც დასრულდება პანდემია თქვენ თუ არ იცით ჩართეთ მათემატიკოსები და გეტყვიან . .