მნიშვნელოვანი ინფორმაცია
13
აპრილიდღის ზოგადი ასტროლოგიური პროგნოზი
კვირა, მთვარის მეთექვსმეტე დღე დაიწყება 21:28-ზე, მთვარე 17:54-ზე გადაბრძანდება მორიელში
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას; ცხარე და ცხიმიან საკვებს; ცხოველური საკვების მიღებას. ნებადართულია თევზი და სოკო. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სამხრეთ კორეის პრეზიდენტი მოსახლეობას სთხოვს, რომ ძაღლის ხორცის ჭამის აკრძალვაზე იმსჯელონ, მაგრამ კორეელების ნაწილი ამის წინააღმდეგია - "ეს ჩვენი ტრადიციაა"
10:15 / 29-09-2021
სამხრეთ კორეის პრეზიდენტმა მუნ ჯეინმა მოსახლეობას წინადადებით მიმართა, რომ ძაღლის ხორცის ჭამის აკრძალვაზე იფიქრონ, ანუ კვების რაციონიდან იმ ტრადიციული დელიკატესის ამოღებაზე, რომელიც ბოლო დროს თავის ოდესღაც არსებულ პოპულარობას ისედაც კარგავს. ამასთანავე, იმის მიუხედავად, რომ ძაღლის ხორცს კორეელი ახალგაზრდები უკვე აღარ მიირთმევენ, ქვეყნის ტერიტორიაზე ამ დელიკატესს მაინც ჰყავს თავისი გურმანები და შესაბამისად, ყოველწლიურად მილიონობით ძაღლი იკვლება ხორცის წარმოების მიზნით.
"მას შემდეგ, რაც სამხრეთ კორეის პრემიერ-მინისტრი პრეზიდენტს შეხვდა (მუნ ჯეინი ცნობილია იმით, რომ მას ძაღლები ძალიან უყვარს) და ადამიანის ოთხფეხა მეგობრების დაცვის პროგრამა გააცნო, რაც მაწანწალა ძაღლების სავალდებულო რეგისტრაციასაც გულისხმობს, პრეზიდენტმა წინადადება წამოაყენა "ძაღლის ხორცის ჭამის აკრძალვაზე იფიქრონ“, - განაცხადა ჟურნალისტებთან სამხრეთ კორეელი ლიდერის პრესმდივანმა.
"იქნებ მოვიდა დრო, რომ გონივრული თვალსაზრისით ვიფიქროთ ჩვენი კვების რაციონიდან ძაღლის ხორცის ამოღებაზე?“, - იმეორებს პრეზიდენტის სიტყვებს გაზეთი Korean Tribune და პრესდივნის განცხადებას ციტირებას ახდენს.
კაცმა რომ თქვას, დღეისათვის ძაღლის ხორცი საშუალო სტატისტიკური კორეელის კვების რაციონში იშვიათად თუ შედის, მაგრამ ადამიანის ოთხფეხა მეგობრის ხორცი და მისგან დამზადებული საჭმელები დიდი მოწონება-პოპულარობით სარგებლობს ხანშიშესულ, მოხუც კორეელებს შორის, რომლებიც მას ჯანმრთელობისთვის სასარგებლო პროდუქტად მიიჩნევენ. გარდა ამისა, ძაღლის ხორცით ფართოდ სარგებლობენ კორეული ტრადიციული რესტორნებიც, ამ პროდუქტის შეძენა შეიძლება სპეციალიზებულ ბაზრებშიც.
დღემდე სამხრეთ კორეის ხელისუფლებას არასოდეს დაუყენებია საკითხი ძაღლის ხორცის გამოყენების სრულ აკრძალვაზე, თუმცა საპრეზიდენტო არჩევნების მოახლოების კვალობაზე, რომელიც 2022 წლის მარტში უნდა გაიმართოს, ბევრი პოლიტიკოსი, მათ შორის სახელმწიფოს მოქმედი მეთაურიც, ცდილობს საკუთარი პოპულარობა ცხოველებზე ზრუნვის ხარჯზე აიმაღლოს. თუმცა ობიექტურად თუ ვიტყვით, მუნ ჯეინი ადრეც ძაღლების მოყვარულად იყო ცნობილი - მას რამდენიმე ცუგა ჰყავს, მათ შორის ეზოს ძაღლიც, რომელიც ადრე მაწანწალობდა და იგი პატრონმა უკვე პრეზიდენტად არჩევის შემდეგ შეიფარა.
ძაღლები სამხრეთ კორეაში ბოლო დროს მართლაც ბევრ მცხოვრებს ჰყავს, მაგრამ საჭმელად კი არ უნდათ, არამედ მათზე ზრუნავენ. სხვათა შორის, აღსანიშნავია, რომ ცხოველთა უფლებების დამცველთა ზეწოლით დაიხურა რამდენიმე მსხვილი ბაზარი და ძაღლების მოშენების ფერმა, სადაც ძაღლებს დასაკლავად ზრდიდნენ და შემდეგ ჰყიდდნენ.
თუმცა სამხრეთ კორეაში ძაღლის ხორცის დამამზადებელი მაინც ბევრი ფერმა მუშაობს: ამერიკული ორგანიზაციის Humane Society International-ის მონაცემებით, დღეისათვის ფერმებში 2,5 მილიონი ძაღლი ჰყავთ, რომელთაგან დაახლოებით მილიონს საჭმელში გამოსაყენებლად კლავენ, დანარჩენებს კი გასამრავლებლად იყენებენ.
- რას ფიქრობენ ამ საკითხზე თვითონ კორეელები?
გამოკითხვის თანახმად, რომელიც სექტემბრის თვის დასაწყისში ჩატარდა ცხოველთა დამცველების ჯგუფის Aware-ს წევრების დაკვეთით, რესპოდენტთა 78%-მა განაცხადა, რომ ქვეყანაში ძაღლებისა და კატების ხორცის წარმოება და გაყიდვა უნდა აიკრძალოს, 49%-მა კი მხარი დაუჭირა ხორცის კვების მიზნით გამოყენებას. მაგრამ სხვა გამოკითხვით, რომელიც კვლევითმა ორგანიზაციამ Realmeter-მა ჩაატარა, გაირკვა, რომ საზოგადოებაში ძაღლის ხორციით კვების საკითხის მიმართ ჯერჯერობით კონსენსუსი არ არის: 41% თვლის, რომ ეს ყოველი კორეელისათვის პირადი საკითხია, ხოლო 59%-მა მხარი დაუჭირა ძაღლების დაკვლისა და მათი ხორცის საკვებად გამოყენების აკრძალვას, საკანონმდებლო დონეზე.
ასევე დაიყო პრეზიდენტობის კანდიდატთა თვალსაზრისებიც: ქვეყნის ყველაზე მჭიდროდ დასახლებული რეგიონის - კიონგიდოს გუბერნატორმა ლი ჯემენმა (იგი ამჟამინდელი პრეზიდენტის პარტიის წევრია) განაცხადა, რომ შეეცდება ძაღლის ხორცის გამოყენების აკრძალვას (საზოგადოებასთან შეთანხმების საფუძველზე), ხოლო მისმა კონკურენტმა, ოპოზიციის ლიდერმა იუნ სოკიოლმა აღნიშნა, რომ "ძაღლის ხორცის ჭამა თუ მასზე უარის თქმა თითოეული მოქალაქის პირადი საქმეა“.
თავის მხრივ, BBC - ს კორეულმა სამსახურმა ჰკითხა რამდენიმე კორეელს, თუ რას ფიქრობენ ისინი ძაღლის ხორცის ჭამის ტრადიციაზე. აი, რას ამბობენ ისინი:
"ახალგაზრდა თაობა მიიჩნევს, რომ ძაღლები მხოლოდ შინაური ცხოველები არიან და მათი ხორცი საჭმელად არ უნდა გამოიყენებოდეს, მაგრამ კორეელები ძაღლებს უხსოვარი დროიდან საკვებად ზრდიდნენ და იყენებდნენ, ისევე, როგორც, ვთქვათ, ბოცვრებს. ეს ჩვენი კულტურის ნაწილი იყო. ბევრი მოხუცი კორეელი ჩვენი საზოგადოების წევრია და მათ სურვილს ძაღლის ხორცის ჭამის თაობაზე, პატივი უნდა ვცეთ“, - აღნიშნავს ერთ-ერთი ჩვენი მოსაუბრე.
"დღეს ის ადამიანები, რომლებიც ძაღლის ხორცის აკრძალვის მოწოდებით გამოდიან, ჩემი აზრით, ამას დასავლეთის გავლენით აკეთებენ. მოხუც კორეელებს სწყინთ, რომ ახალგაზრდები მათ ბარბაროსებად მიიჩნევენ. საერთოდ, არავის არ უყვარს ის ადამიანი, რომელიც მეორეს რაღაც ტრადიციულ წესს უკრძალავს“, - ამბობს კიდევ ერთი კორეელი.
"პროტეინის შემცველი ხორცის უამრავი სახეობა არსებობს - ქათმისა და იხვის ხორცი, საქონლის ხორცი, ღორის ხორცი... არჩევანი ძალიან დიდია. მაშ, რატომ უნდა ჭამონ კორეელებმა ძაღლის ხორცი და რატომ უნდა ჩათვალონ მისი აკრძალვა მიუღებლად?" - უკვირს მესამე მოსაუბრეს.
ცხოველთა დამცველების პროტესტს იწვევს არამარტო ძაღლების დაკვლა, არამედ ის მეთოდებიც, რომლებსაც "ოთხფეხა მეგობრების“ დასაკლავად აზიის სხვა ქვეყნებში იყენებენ. სამხრეთ კორეაში დღეს ძაღლებს ელექტროდენით კლავენ, სხვა სახელმწიფოებში კი, იქაური ხალხის ტრადიციის შესაბამისად, უფრო ულმობელი წესებით სარგებლობენ - ძაღლებს ცემით კლავენ, თოკით ახრჩობენ ან ზოგჯერ ცოცხლად ხარშავენ.
მთლიანობაში, როგორც Humane Society International-ის წევრები მიიჩნევენ, აზიაში (მათ შორის ჩინეთში, სამხრეთ კორეაში, ინდონეზიასა და ვიეტნამში) ყოველწლიურად ადამიანის კვებისათვის დაახლოებით 30 მილიონი ძაღლი და 10 მილიონი კატა იკვლება. ამასთანავე, ძაღლის ხორცის მოხმარება აკრძალულია ჰონკონგში, ტაილანდში, ფილიპინებსა და ტაივანზე. როგორც ჩანს, ძაღლის ხორცის ჭამა მალე აიკრძალება ინდონეზიაშიც. წყარო
მოამზადა სიმონ კილაძემ
მკითხველის კომენტარები /
18 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საინტერესოა ჩვენი ტრადიციების ნაწილშიც. როცა აზიაში ძაღლების, კატების და მწერების ჭამა დაიწყეს შიმშილობა იყო და შემდეგ მიიღო ტრადიციის ფორმა. არც სასარგებლოა და არც გემრიელი. ჩვენც ალბათ ჩვენს ტრადიციებში უნდა ვიფიქროთ რა არის გადასახედი, რა გადაფასდა და რა არ გვჭირდება. განსაკუთრებით ის "ტრადიციებია" საზიზღარი რაც საბჭოეთმა შემოგვტენა ვითომ ქართულ ტრადიციებად და საზოგადოების დიდ ნაწილს ქართული გონია
ძაღლების დაკვლის მეთოდი მართლა შემზარავი აქვთ. საქართველოში ისეთ უგუნურ (ვგულისხმობ იმას რომ მიუხვედრებელი ცხოველია) ცხოველსაც კი როგორიც ცხვარია სწრაფი მეთოდით კლავენ და წარმოიდგინეთ საკმაოდ გონიერ ცხოველს - ძაღლს ჩინეთის ბაზრებში, ცოცხლად უწყებენ გატყავებას