!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
22 წლის ბლოგერის გაუჩინარების იდუმალი საქმე - რას აცხადებენ FBI-ში და რატომ გაქრა ბლოგერის საქმროც: გაბი პეტიტოს ამბავი, რომელმაც სოციალური ქსელები "ააფეთქა"
10:53 / 22-09-2021
სოციალურ ქსელებში და მსოფლიო მედიაში ბოლო კვირების ერთ-ერთი ყველაზე რეზონანსული თემა 22 წლის ბლოგერის, გაბი პეტიტოს საქმეა - გოგონას პოლიციელები სექტემბრის დასაწყისიდან ეძებდნენ. გასულ კვირას Wyoming-ის ეროვნულ პარკში ცხედარი იპოვეს. დღეს კი FBI-მ ოფიციალურად დაადასტურა, რომ ის დაკარგული ბლოგერი, გაბი პეტიტოა.
გამოძიების ფედერალური ბიუროს ინფორმაციით(FBI), საქმე ეხება მკვლელობას, თუმცა ამ ეტაპზე არ საუბრობენ, თუ რა ვითარებაში და როგორ გარდაიცვალა გოგონა.
- ვინ იყო გაბი პეტიტო?
22 წლის გაბი სოციალურ ქსელებში ცნობილი იყო თავისი ვლოგებით მოგზაურობის შესახებ. ის საქმროსთან, 23 წლის ბრაიან ლონდრისთან ერთად ხშირად მოგზაურობდა. წყვილი 2020 წელს დაინიშნა. საშუალო სკოლიდან შეყვარებულები იყვნენ და როგორც თავადვე ამბობდნენ, მოსწონდათ "მომთაბარე ცხოვრება."
გაბი და ბრაიანი ოთხთვიან მოგზაურობას გეგმავდენენ. ივლისის მიწურულს მართლაც წავიდნენ სამოგზაუროდ, თუმცა ბრაიანი პირველ სექტემბერს ფლორიდაში, საკუთარ სახლში მარტო დაბრუნდა, თეთრი ფურგონით. ის არ დაკავშირებია პოლიციას, არც საცოლის ოჯახს და არ შეუტყობინებია მათთვის დაბრუნების შესახებ. ათი დღის შემდეგ კი გაბის ოჯახმა პოლიციას მიმართა და ძებნა გამოცხადდა.
პოლიცია ახლა ეძებს ლონდრის და მისი ადგილსამყოფელი ჯერჯერობით უცნობია. სამართალდამცველები ამ ეტაპზე მას ბრალს არ უყენებენ, თუმცა აცხადებენ, რომ ამ საქმეში ის "საინტერესო ფიგურაა.“
- ზარი პოლიციაში პეტიტოს გაუჩინარებამდე
როგორც ცნობილია, წყვილმა პოლიცია გამოიძახა სავარაუდო ოჯახური ძალდობის გამო. პოლიციის მოხსენებაში ნათქვამია, რომ პეტიტომ საქმროს დაარტყა.გოგონასთვის ბრალდება არ წაუყენებიათ, პოლიციის ოფიცრებმა წყვილს მისცეს რეკომენდაცია, ღამე ცალ-ცალკე გაეტარებინათ. რა მოხდა მას შემდეგ, უცნობია.
ამასთან, არსებობს ვიდეო კადრები სადაც ჩანს, რომ პეტიტო ტირის და საუბრობს ფსიქიკური ჯანმრთელობის პრობლემაზე.
- სად გაქრა გაბის საქმრო?
ბრაიანის ოჯახის განცხადებით, მამაკაცი უკვე რამდენიმე დღეა არ გამოჩენილა. მათი ინფორმაციით, ის 14 სექტემბერს ლაშქრობაში გაემგზავრა, საიდანაც არ დაბრუნებულა. აღსანიშნავია, რომ გაუჩინარებამდე უარი თქვა გამომძიებლებთან საუბარზე.
მის მოსაძებნად ჩართულები არიან ვერტმფრენები, ძაღლები. პოლიციელების თქმით, ადგილი, სადაც სავარაუდოდ შეიძლება ბრაიანი იყოს, ჭაობიანი რელიეფით გამოირჩევა და ძებნა რთულდება.
აღნიშნულმა საქმემ საზოგადოების უდიდესი ყურადღება მიიპყრო და სოციალურ ქსელებში დიდი გამოხმაურება მოჰყვა. განსაკუთრებით კი "ტიკტოკზე", "ინსტაგრამსა" და "ტვიტერზე". Associated Press-ის ცნობით, მხოლოდ "ტიკტოკზე" ჰეშთეგს #GabbyPetito 650 მილიონი ნახვა ჰქონდა.
წყარო: BBC
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვერაფერი გავიგე, აგერ აქ, თბილისში, დმანისში რა ხდება და თქვენ კი რეებსა ჰყვებით!? როცა დავიწყე კითხვა, მეთქი კიროვის პარკში დაიკარგა საცოლე თუ საქმარო! ეს რა , ვითომ უკვე ნატოში ვართ!?
მეტსაც გეტყვით !!! ნიუ იორკის პოლიციის დეპარტამენტის მონროს სამმართველოს მე-3 განყოფილებაში აღძრულია სისხლის სამართლის საქმე რ.ჯ მკვლელობის ფაქტზე