!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
გაქცევა ისრაელის ყველაზე დაცული ციხიდან - როგორ მოახერხა ექვსმა პალესტინელმა გვირაბის გათხრა და რას ამბობენ სამართალდამცველები გაქცეულებზე?
15:45 / 06-09-2021
ისრაელის ერთ-ერთი ყველაზე დაცული და მკაცრი რეჟიმის, გილბოას ციხიდან ექვსი პატიმარი გაიქცა. ისრაელის სამართალდამცველთა ინფორმაციით, პატიმრებმა ციხიდან კედლების გარე პერიმეტრამდე გვირაბი გაიყვანეს და სწორედ მისი საშუალებით გაიქცნენ.
მათივე ცნობით, სავარაუდოდ, გვირაბი პატიმრებს რამდენიმე თვის განმავლობაში გაჰყავდათ.
სამართალდამცველებს ციხესთან არსებულ მინდვრებში მომუშავე ფერმერებმა შეატყობინეს, რომ შენიშნეს, თუ როგორ გარბოდა ველებში მამაკაცთა ჯგუფი. ამის შემდეგ, გილბოას ციხეში განგაში გამოცხადდა. გამთენიის ოთხ საათზე კი ციხის თანამშრომლებმა აღმოაჩინეს, რომ იქ ექვსი პატიმარი აღარ იყო.
BBC-ის ცნობით, გაქცეულთა შორის არიან შეიარაღებულ დაჯგუფება Al-Aqsa Martyrs-ის ყოფილი ლიდერი, ზაქარია ზუბეიდი და ისლამური ჯიჰადის ხუთი წევრი.
- ისრაელის ციხის სამსახურის წარმომადგენლები ამ ფაქტს უსაფრთხოებისა და სადაზვერვო სამსახურის მთავარ წარუმატებლობას უწოდებენ, ხოლო პალესტინის შეიარაღებული დაჯგუფებების ლიდერები ამბობენ, რომ გაქცეულებმა "გმირული მოქმედება აჩვენეს."
ოფიციალური პირები ამბობენ, რომ გვირაბის გათხრა პატიმრებმა აბაზანის ხვრელიდან დაიწყეს და ის ციხის გარე ტერიტორიამდე გაიყვანეს.
გავრცელებულ ფოტოებსა და ვიდეომასალებში ჩანს, თუ როგორ ამოწმებენ სამართალდამცველები ნიჟარის ქვეშ არსებულ პატარა ხვრელს და ასევე ციხის კედელთან არსებულ ხვრელს. გვირაბი საკმაოდ ვიწროა, თუმცა ოფიციალური პირების შეფასებით, სრულად შესაძლებელია მასში ადამიანის გაძრომა.
וכך זה נראה מתוך תא 2 אגף חמש בכלא גלבוע.
— Josh Breiner (@JoshBreiner) September 6, 2021
פיר מנהרה בשירותים שהוביל אל מחוץ לחומות הכלא pic.twitter.com/IsKfG8B56R
მათივე თქმით, პატიმრებმა გვირაბის გასათხრელად სავარაუდოდ, გამოიყენეს ჟანგიანი კოვზი, რომელიც ციხის თანამშრომლებმა საკანში აღმოაჩინეს, სხვა ხელსაწყოს შესახებ ამ ეტაპზე ინფორმაცია არ ვრცელდება. ისრაელის უსაფრთხოების სამსახურში სჯერათ, რომ პატიმრებს ჰქონდათ საიდუმლო მობილური ტელეფონი, რომლის საშუალებითაც ისინი თანამოაზრეებს ციხის გარეთ ეკონტაქტებოდნენ, ციხიდან გაღწევის შემდეგ კი მანქანით წაიყვანეს.
The Times of Israel-ის ცნობით, გაქცეულებს უვადო პატიმრობა ჰქონდათ მისჯილი, მათ შორის ხუთს, ისრაელზე განხორციელებული სხვადასხვა შეტევის გამო, ხოლო მეექვსეს, Al-Aqsa Martyrs-ის ყოფილ ლიდერს ათობით სხვადასხვა დანაშაულისთვის.
ისრაელის სასაზღვრო პოლიციამ და არმიამ შექმნეს ბლოკპოსტები გაქცეულთა დასაკავებლად, თუმცა ამ დრომდე ისინი არ უპოვიათ. ისრაელის პრემიერ-მინისტრის, ნაფტალი ბენეტის თქმით, მომხდარი არის უმძიმესი ინციდენტი და უსაფრთხოების ძალების ყოვლისმომცველ ძალისხმევას მოითხოვს გაქცეულთა დასაკავებლად.
წყარო: BBC.com
მკითხველის კომენტარები /
16 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რაღაცას მაიმუნობენ. მასე რო იპარებოდნენ ისრაელის ციხებიდან.
გურამ აბსნაძესავით თმებიც ხომ არ შეიღებეს გაპარვისას