"შელაპარაკება მოხდა, ათამდე პირი იყო. ბრალდებული მიიმალა" - ჩხოროწყუში ახალგაზრდა მამაკაცი მოკლეს
ჩხოროწყუს მუნიციპალიტეტში, სოფლების ნაფიჩხოვოსა და ჭოღას მიმდებარედ, ახალგაზრდა მამაკაცი მოკლეს. არსებული ინფორმაციით, მას ჭრილობები ცივი იარაღით აქვს მიყენებული. შემთხვევას წინ ურთიერთშელაპარაკება უძღოდა.
„ახალგაზრდებს შორის შელაპარაკება მოხდა, დაახლოებით ათამდე პირი იყო და სამწუხაროდ, ეს უბედური შემთხვევა მოხდა. დაპირისპირების მონაწილეები პოლიციაში იმყოფებიან გამოკითხვაზე. დანაშაულში ბრალდებული კი ადგილიდან მიიმალა,“ - განუცხადა „ინტერპრესნიუსს“ მერის წარმომადგენელმა ნაფიჩხოუს ადმინისტრაციულ ერთეულში ხვიჩა ლაგვილავამ.
შემთხვევა წუხელ მოხდა.
შსს-ს ინფორმაციით, ფაქტზე მიმდინარეობს საგამოძიებო მოქმედებები.