.JPG)
მნიშვნელოვანი ინფორმაცია
10
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცამეტე დღე დაიწყება 18:38-ზე, მთვარე ქალწულშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას. მოერიდეთ მგზავრობას, მოგზაურობის დაწყებას; საქმის, საქმიანობის შეცვლას. ნუ იშიმშილებთ, მაგრამ ნურც კუჭს გადატვირთავთ. მოერიდეთ რთულად გადასამუშავებელი საკვების მიღებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
აპოკალიპსისი უნდა იკითხებოდეს არა მგზნებარე მღელვარებით, არამედ გონივრული სიფრთხილით
18:03 / 16-08-2021
16 აგვისტოდან გაზეთ „კვირის პალიტრის“ მკითხველი ბიბლიის ბოლო წიგნის - „აპოკალიპსისის“ განმარტებებს შეიძენს გაზეთთან ერთად. ჩვენი საიტის მკითხველს, „აპოკალიპსისის განმარტებების“ შესახებ პროექტის ავტორი და მთავარი რედაქტორი, თამარ მამაცაშვილი უამბობს:
გასრულდა პროექტი „ბიბლია განმარტებებით“ და ამჯერად ბიბლიის ბოლო წიგნის - „იოანე ღვთისმეტყველის გამოცხადების“ განმარტებებს (I ნაწილს) ვთავაზობთ მკითველს. ასე ნაცნობი, მაგრამ ამოუცნობი აპოკალიპსისის ტექსტის განმარტებანი ქართულ ენაზე - ეს არის მართლაც უნიკალური გამოცემა, რომელსაც ათასობით მკითხველი სულმოუთქმელად ელის.
გთავაზობთ ორ ამონარიდს წიგნის შესავლიდან:
მთვარეპისკოპოსი ამბერკი (ტაუშევი):
„ეკლესიის ყველა ძველი მამა, რომლებიც განმარტავდნენ ახალი აღთქმის წმინდა წიგნებს, ერთსულოვნად განიხილავენ აპოკალიპსისს, როგორც წინასწარმეტყველურ სურათს ბოლო ჟამის სამყაროსა და მოვლენებზე, რომლებიც მოხდება დედამიწაზე ქრისტეს მეორედ მოსვლის წინ. მიუხედავად ბუნდოვანებისა, რომლის ქვეშაც დაფარულია ამ წიგნის საიდუმლო აზრი და რის შედეგადაც ბევრი ურწმუნო ყოველნაირად ცდილობდა მისი სახელის გატეხას, ღრმად განსწავლული მამები და ეკლესიის ღვთივგანბრძნობილი მოძღვრები ყოველთვის დიდი კრძალულებით ეკიდებოდნენ მას. წმინდა დიონისე ალექსანდრიელი წერს: „ამ წიგნის ბუნდოვანება არ ეწინააღმდეგება მისით გაოცებას და, თუ მე მასში ყველაფერს ვერ ვიგებ, ეს მხოლოდ ჩემი უუნარობის გამოა. მე არ შემიძლია ვიყო მასში ჩადებული ჭეშმარიტების მოსამართლე. ასევე, - გავზომო ისინი ჩემი მწირი გონებრივი შესაძლებლობით; ვხელმძღვანელობ რა უფრო რწმენით, ვიდრე გონებით, ვპოულობ მათში მხოლოდ ჩემი შემეცნებისათვის აღმატებულს“. ამგვარადვე გამოხატავს აპოკალიპსისის შესახებ აზრს ნეტარი იერონიმე: „მასში იმდენივე საიდუმლოა, რამდენიც სიტყვაა. მაგრამ მე რას ვამბობ? - ამ წიგნის ნებისმიერი შექება მის ღირსებაზე დაბლა იდგება“.
ღვთისმსახურებაზე აპოკალიპსისი არ იკითხებოდა და არც ახლა იკითხება. უნდა ვივარაუდოთ, რომ ძველად ღვთისმსახურებაზე წმინდა წერილების კითხვას ყოველთვის თან ახლდა მათი განმარტება, ხოლო აპოკალიპსისი განსამარტავად მეტად რთულია“.
მღვდელმონაზონი სერაფიმე (როუზი):
„აპოკალიპსისი ქრისტიანების ყურადღებას ყოველთვის იზიდავდა, განსაკუთრებით იმ დროს, როცა გარეგანმა დევნამ და შინაგანმა ცდუნებამ განსაკუთრებული ძალით იწყეს მორწმუნეთა შეშფოთება, რომელთაც ყოველი მხრიდან სხვადასხვაგვარი საშიშროებით ემუქრებოდნენ. ბუნებრივია, ასეთ პერიოდებში მორწმუნეები ნუგეშისა და გასამხნევებლად ამ წიგნს მიმართავდნენ და ცდილობდნენ, მისი მეშვეობით ამოეხსნათ მიმდინარე მოვლენათა აზრი და მნიშვნელობა. სხვათა შორის, ეს წიგნი გასაგებად ძალიან ძნელი ხდება, ამიტომ სიფრთხილეს მოკლებული განმმარტებლისთვის ყოველთვის არსებობს იმის საშიშროება, რომ ჭეშმარიტების საზღვრებს არ გასცდეს. ასე მაგალითად, ამ წიგნის სახეთა პირდაპირი გაგება იძლეოდა მიზეზს (და ახლაც გრძელდება) ე. წ. „ქილიაზმისათვის“ (დედამიწაზე ქრისტეს ათასწლიანი მეფობა). გასული 19 საუკუნის განმავლობაში გამოჩნდა აპოკალიპსისის მრავალი სხვადასხვაგვარი განმარტება, რომლებიც შეიძლება ოთხგვარად დაიყოს. ერთნი აპოკალიპსისის ყველა ხილვასა და სიმბოლოს მიაკუთვნებენ „ბოლო ჟამს“ _ ქვეყნის დასასრულს, ანტიქრისტეს გამოცხადებასა და ქრისტეს მეორედ მოსვლას, სხვები კი მას აძლევენ სუფთა ისტორიულ მნიშვნელობას, რომლშიც ყველა ხილვას განუკუთვნებენ პირველი საუკუნის ისტორიულ მოვლენებს, ქრისტიანების დევნის დროს, ეკლესიაზე წარმართი იმპერატორების მიერ აღმართულ ხელს. მესამენი ცდილობენ, აპოკალიპსისის წინასწარმეტყველების განხორციელება გვიანდელი დროის ისტორიულ მოვლენებში აღმოაჩინონ. მეოთხენი კი უფრო სწორ განმარტებად აღიარებენ იმას, რაც ყველა ამ მიმართულებას აერთიანებს, თანაც, მხედველობიდან არ უნდათ გაუშვან, - როგორც ამას მკაფიოდ ასწავლიდნენ ძველი განმმარტებლები და ეკლესიის მამები, - რომ აპოკალიპსისის შინაარსი თავისი მიმართულებით ეხება სამყაროს საბოლოო ხვედრს... სამართლიანია ერთი განმმარტებლის შენიშვნა, რომ აპოკალიპსისის შინაარსი მხოლოდ თანდათანობით ხდება გასაგები მომხდარი მოვლენებისა და მასში გადმოცემულ წინასწარმეტყველებათა ასრულების მიხედვით. აპოკალიპსისის სწორ გაგებას, რა თქმა უნდა, ხელს უშლის ადამიანების განდგომა რწმენისა და ჭეშმარიტი ქრისტიანული ცხოვრებისაგან, რასაც სულიერი ხედვის სრულ დაკარგვამდე მივყავართ... თანამედროვე განმმარტებლებს სურთ, ამ წიგნში დაინახონ მხოლოდ ალეგორია და ქრისტეს მეორედ მოსვლაც ალეგორიულად გაიგონ. ისტორიული მოვლენები და აწმყოში მიმდინარე პროცესები სამართლიანად გვარწმუნებენ იმაში, რომ ამ წიგნში არ დავინახოთ მხოლოდ ალეგორია, რადგან, წინააღმდეგ შემთხვევაში, ეს სულიერი სიბრმავის ტოლფასი იქნებოდა. იმდენად, რამდენადაც ყველაფერი, რაც დღეს სამყაროში ხდება, აპოკალიპსისის საშინელ სახეებსა და ხილვებს გვახსენებს“.
***
აპოკალიპსისი უნდა იკითხებოდეს არა მგზნებარე მღელვარებით, არამედ გონივრული სიფრთხილით. ჩვენი პირველი ამოცანა უნდა იყოს მართლმადიდებლური მოძღვრებისა და მსოფლმხედევლობის შეცნობა; ჩვენ არ უნდა ვიჩქაროთ საკუთარი დასკვნების გამოტანა და არ უნდა გაგვიტაცოს საკუთარმა მოსაზრებამ და ფანტაზიამ.
აპოკალიპსისი არის საიდუმლოების წიგნი, რომელიც ღრმად არის დაკავშირებული ყოველივე არსებულის დასაწყისთან და დასასრულთან, სამყაროსა და კაცობრიობის დასასრულთან, მარადიული ცათა სასუფევლის გახსნასთან, ამიტომ ჩვენ ის უნდა წავიკითოთ ღვთისმოშიშებით და მორჩილებით, არ უნდა ვენდოთ საკუთარ სიბრძნეს.
სწორედ ასეთი დამოკიდებულებით, ასეთი სიფრთხილითა და ღვთისმოშიშებით მომზადდა ორტომეული „აპოკალიპსისის განმარტებებისა“.
მაშ ასე! პირველი წიგნი თქვენ წინაშეა! არ გამოგრჩეთ - 16 აგვისტოდან, გაზეთ „კვირის პალიტრასთან“ ერთად.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
