მნიშვნელოვანი ინფორმაცია
13
აპრილიდღის ზოგადი ასტროლოგიური პროგნოზი
კვირა, მთვარის მეთექვსმეტე დღე დაიწყება 21:28-ზე, მთვარე 17:54-ზე გადაბრძანდება მორიელში
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას; ცხარე და ცხიმიან საკვებს; ცხოველური საკვების მიღებას. ნებადართულია თევზი და სოკო. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"სროლის შემდეგ ყოფილ ცოლს მანქანით გადაუარა... ნასვამი ყოფილა" - ყურბან-ბაირამის დღესასწაულზე მომხდარი საზარელი მკვლელობის დეტალები
11:11 / 21-07-2021
ზემო სარალში მომხდარი საზარელი მკვლელობის შესახებ ახალი ფაქტები გახდა ცნობილი. მეზობლები ყვებიან, რომ 28 წლის მამაკაცს 26 წლის მეუღლე ორი თვის წინ დაშორდა, რადგან მათ კონფლიქტური ურთიერთობა ჰქონდათ.
"ქალმა ქმართან დაშორების გადაწყვეტილება მიიღო და სამ შვილთან ერთად მშობლებთან გადავიდა საცხოვრებლად. ცეცხლსასროლი იარაღის ტარების უფლება 28 წლის მამაკაცმა გუშინ მიიღო და იმავე ღამეს ყოფილი მეუღლის სახლში შეიჭრა.
სროლის შემდეგ მან ყოფილ მეუღლეს მანქანით გადაუარა, მიზანმიმართული გასროლა განახორციელა ყოფილი სიმამრის მიმართ, რომელიც 26 წლის შვილთან ერთად გარდაიცვალა. დაჭრილები არიან ამავე ოჯახის კიდევ ორი წევრი, კერძოდ დანაშაულში ეჭვმიტანილი მამაკაცის ყოფილი სიდედრი და ცოლისძმა, რომელთა მისამართითაც მან ასევე პისტოლეტიდან მიზანმიმართული გასროლა განახორციელა" - უყვებიან AMBEBI.GE-ს მეზობლები.
ცნობისთვის, შემთხვევა წუხელ, ყურბან-ბაირამის დღესასწაულის დღეს მოხდა, ასევე წინასწარი ინფორმაციით, მამაკაცი ნასვამ მდგომარეობაში იმყოფებოდა, ის თავდაპირველად შემთხვევის ადგილიდან მიიმალა, თუმცა მოგვიანებით პოლიციას თავადვე ჩაბარდა.
მომხდართან დაკავშირებით შინაგან საქმეთა სამინისტრომ განცხადება გაავრცელა. უწყების ინფორმაციით" 1992 წელს დაბადებული ე.ა-ს ოჯახის ორი ან მეტი წევრის მიმართ დამამძიმებელ გარემოებაში ჩადენილ განზრახ მკვლელობასა და ოჯახის ორი ან მეტი წევრის მიმართ დამამძიმებელ გარემოებაში ჩადენილ განზრახ მკვლელობის მცდელობაში ედება ბრალი.
დანაშაული 16-დან 20 წლამდე ან უვადო თავისუფლების აღკვეთას ითვალისწინებს.
"გამოძიებით დადგინდა, რომ ბრალდებულმა მიმდინარე წლის 21 ივლისს, ღამით, მარნეულის მუნიციპალიტეტში, წარსულში არსებული კონფლიქტის ნიადაგზე, ყოფილი მეუღლე - 1994 წელს დაბადებული გ.პ. და მამამისი - 1969 წელს დაბადებული ი.პ. მათსავე საცხოვრებელ სახლში ცეცხლსასროლი იარაღიდან გასროლით მოკლა, ხოლო იქვე მყოფი გ.პ.-ის დედის - 1974 წელს დაბადებულ ს.ა. -ს და ყოფილი მეუღლის ძმის - 1996 წელს დაბადებული ა.პ. - ს ცეცხლსასროლი იარაღიდან გასროლით მოკვლას შეეცადა, რის შემდეგაც შემთხვევის ადგილიდან მიიმალა.
დაჭრილი ს.ა. და ა.პ. სამედიცინო დაწესებულებაში გადაიყვანეს, სადაც შესაბამისი სამედიცინო დახმარება დაეწიათ. მათ სიცოცხლეს საფრთხე არ ემუქრება.
სამართალდამცველებმა ბრალდებული ცხელ კვალზე, მომხდარიდან რამდენიმე საათში დააკავეს. პოლიციამ დანაშაულის ჩადენის იარაღი - ცეცხლსასროლი პისტოლეტი ნივთმტკიცების სახით ამოიღო.
ოჯახის ორი ან მეტი წევრის მიმართ დამამძიმებელ გარემოებაში ჩადენილი განზრახ მკვლელობის და ოჯახის ორი ან მეტი წევრის მიმართ დამამძიმებელ გარემოებაში ჩადენილი განზრახ მკვლელობის მცდელობის ფაქტებზე გამოძიება საქართველოს სსკ-ის 11 პრიმა-109-ე მუხლის მე-2 ნაწილის „ვ“ ქვეპუნქტით და
მე-3 ნაწილის „ა“ ქვეპუნქტით, ასევე, 11 პრიმა-19-109-ე მუხლის მე-2 ნაწილის „ვ“ ქვეპუნქტით და მე-3 ნაწილის „ა“ ქვეპუნქტით მიმდინარეობს“, - აცხადებენ შსს-ში.
ავტორი: მარი ვარდოშვილი
00:00 / 00:00
მკითხველის კომენტარები /
39 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
იარაღის ტარების უფლებას რატომ აძლევენ ამისთანა გაუწონასწორებლებს?
რა დონეზე გაამწარა ეს ბიჭი მეუღლემ რა ჩაადენინა? ისე ბაია პატარაიასნირი ან თინიკო ბოკუჩავასნაირი თუ გყავს სახლში ბევრად უარესს ჩაგადენინებენ....