რა ვითარებაა მთაწმინდის პარკთან, სადაც მედიის წარმომადგენლები აქციას მართავენ

მთაწმინდის პარკისკენ მიმავალ გზაზე ჟურნალისტები აქციას მართავენ. ისინი ადგილზე „ტვ პირველის“ ოპერატორის ლექსო ლაშქარავას გარდაცვალებასთან დაკავშირებით არიან შეკრებილები.

მედიის წარმომადგენლები 5 ივლისს თბილისში განვითარებულ მოვლენებთან დაკავშირებით დამნაშავეების დასჯას ითხოვენ.

აქციის მონაწილეებმა სპეციალური ბანერები გაშალეს წარწერით - "აიღეთ პოლიტიკური პასუხისმგებლობა" ; "როდის გადადგებით ბატონო ირაკლი"; "დაისაჯონ დამნაშავეები".

ადგილზე მობილიზებული არიან სამართალდამცველები.

მთაწმინდის პარკში "ქართული ოცნება" დედაქალაქის მერობის კანდიდატს 20:00 საათზე წარადგენს.