23
აპრილიდღის ზოგადი ასტროლოგიური პროგნოზი
ინფექციონისტი მაია ბუწაშვილი ქვეყანაში შექმნილ ეპიდემიოლოგიურ მდგომარეობას "ფეისბუქის" პირად გვერდზე ეხმაურება და წერს:
"სანამ ჯერ კიდევ დროა, გავათავისუფლოთ სტაციონარები "წამოწოლილი" პაციენტებისგან! ზოგიერთები კი მაკრიტიკებენ, პაციენტი არ უნახავს და აზრზე არ არის, ვინ უნდა დააწვინონ და ვინ - არაო, მაგრამ სრული პასუხისმგებლობით ვაცხადებ, უამრავი ჩემი ამბულატორიული პაციენტი (ახლობლებზე აღარაფერს ვამბობ), ვისთანაც სიტუაცია ზუსტად ვიცი, რომ სტაციონარში მოთავსებას საერთოდ არ საჭიროებდა, სრულიად გაუგებრად მოხვდა საავადმყოფოში ან პაციენტისვე დაჟინებული მოთხოვნით ან ოჯახის ექიმის გადაწყვეტილებით. მათ შორის, არასაჭირო ჰოსპიტალიზაცია უტარდება ბევრ ბავშვს!
თუ ოდესმე გვეღირსება და მხოლოდ ათგვერდიანი პასკვილების მაგივრად, დასაბუთებულ სტატისტიკურ მონაცემებსაც ვნახავთ ჰოსპიტალიზებული პაციენტების მკურნალობის და გამოსავლების შესახებ, ეს ყველაფერი აშკარა გახდება, მაგრამ ახლა ამის გარჩევის დროც არ არის. მთავარია, დროულად გავათავისუფლოთ სტაციონარები (ანუ დროულად გავწეროთ პაციენტები) და ასევე შევწყვიტოთ არასაჭირო ჰოსპიტალიზაციები, თორემ თუ ტემპი ასე გაგრძელდა, მივიღებთ ისევ იგივე სურათს, ისტერიულად რომ იწყებოდა თავისუფალი საწოლების ძებნა კლინიკებში და მართლა მძიმე პაციენტების ჰოსპიტალიზაცია ძალიან ხშირად ყოვნდებოდა.
და კიდევ, რემდესევირი რომ არ მუშაობს, მტკიცებულება კიდევ ერთხელ გამოქვეყნდა და თუ ჩვენთან სხვა მონაცემებია, იქნებ ესეც გვაჩვენონ. ნუღარ ვაწვალებთ ჰოსპიტალიზებული პაციენტების პატრონებს ამ უსარგებლო წამლის გამოყენების ნებართვის აღებაზე“,- წერს მაია ბუწაშვილი.
მართლაც ასეა.ჩემ სანაცნობოშიც ვიცი ორი ასეთი შემთხვევა,რომ ძალიან სუსტი სიმპტომები ჰქონდათ,მხოლოდ დაბალი ტემპერატურა ორი დღე და მეტი არაფერი.და ოჯახის ახლობელი ქირურგის დახმარებით დააწვინეს საავადმყოფოში 14 დღე.ასეთი არის ძალიან ბევრი
გაწერის კრიტერიუმებია შესაცვლელი ისევ,იქ თუ მოხვდი,მერე თავის დაღწევა ასე იოლი არ არის ,სექტემბერში გამოგვკეტეს ჩვენ სტაციონარში და მე-19 დღეს ძლივს დავიხსენით თავი იქედან,კოვიდი თითქმის უსიმპტომოდ გვქონდა მე და ჩემს მეუღლეს და ფსიქოზი კი დაგვმართეს იქ გამოკეტვით.