მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
საქართველოს ტექნიკური უნივერსიტეტის ადმინისტრაცია სტუდენტებს, პროფესორ-მასწავლებლებსა და თანამშრომლებს ვაქცინაციის კამპანიაში ჩართვისკენ მოუწოდებს
16:41 / 13-07-2021
საქართველოს ტექნიკური უნივერსიტეტის ადმინისტრაცია, ქვეყანაში შექმნილი პანდემიური ვითარებიდან გამომდინარე, მიმართავს სტუდენტებს, აკადემიურ და ადმინისტრაციულ პერსონალს, ასევე, იმ აბიტურიენტებს, რომლებიც საქართველოს ტექნიკურ უნივერსიტეტში სწავლის გაგრძელებას გეგმავენ და მათ ვაქცინაციის კამპანიაში მასობრივად ჩართვისკენ მოუწოდებს. ამის შესახებ ინფორმაციას სტუ-ის საზოგადოებასთან ურთიერთობის დეპარტამენტი ავრცელებს.
"ძვირფასო სტუდენტებო, აბიტურიენტებო, პროფესორ-მასწავლებლებო და თანამშრომლებო, მიუხედავად რეგულაციების დაცვისა, ვხედავთ, რომ პანდემია მაინც მძვინვარებს - ქვეყანაში ახალი შტამების არაერთი შემთხვევა დაფიქსირდა. შექმნილი პანდემიური ვითარებიდან გამომდინარე, მიგვაჩნია, რომ საქართველოს ტექნიკური უნივერსიტეტი მაქსიმალურად დაცული უნდა შეხვდეს ახალ სასწავლო წელს. სტუდენტებისთვის, პროფესორ-მასწავლებლებისა და თანამშრომლებისთვის უნივერსიტეტში მაქსიმალურად უნდა იყოს უზრუნველყოფილი უსაფრთხო სამუშაო და სასწავლო გარემო - ეს ჩვენი უპირველესი საზრუნავია.
ერთადერთი საშუალება, გავუმკლავდეთ პანდემიას და შევძლოთ საუნივერსიტეტო ცხოვრების ნორმალური რიტმის დაბრუნება - ეს ვაქცინაციაა. ამ პროცესის ეფექტურად წარმართვა კი შეუძლებელია ჩვენი სტუდენტების, პროფესორ-მასწავლებლებისა და თანამშრომლების თანადგომის გარეშე.
თითოეული ჩვენგანის მოქალაქეობრივი ვალია, გავუფრთხილდეთ საკუთარ და სხვის ჯანმრთელობას, სიცოცხლეს. ამიტომ, მოგმართავთ თხოვნით, ახალი სასწავლო წლის დაწყებამდე პერიოდი (ივლისი, აგვისტო, სექტემბერი) მაქსიმალურად გამოვიყენოთ სრული ვაქცინაციისთვის იმ მიზნით, რომ დავიცვათ, როგორც საკუთარი, ასევე, ჩვენი სტუდენტებისა და კოლეგების ჯანმრთელობა და შევძლოთ სასწავლო პროცესის სრულფასოვნად წარმართვა.
გარდა ამისა, მომავალ წელს ჩვენს უნივერსიტეტს დაარსებიდან 100 წელი უსრულდება. შესაბამისად, 2022 წელი საიუბილეო ღონისძიებებითა და აქტივობებით იქნება დატვირთული. ამ ღირსშესანიშნავი თარიღისთვის მზადება უკვე დაწყებულია და მასში თითოეული თქვენგანის მონაწილეობა და ჩართულობა უნივერისტეტისთვის მეტად მნიშვნელოვანია.
საქართველოს ტექნიკური უნივერსიტეტის ადმინისტრაციისთვის განსაკუთრებულად ძვირფასია ყოველი თქვენგანის ჯანმრთელობა, ამიტომ გთხოვთ, გამოვიყენოთ საქართველოს მთავრობის მიერ დიდი ძალისხმევით შექმნილი შესაძლებლობა და ახალი სასწავლო წლის დაწყებამდე მასობრივად ჩავერთოთ ვაქცინაციის კამპანიაში“, - აღნიშნულია საქართველოს ტექნიკური უნივერსიტეტის ადმინისტრაციის მიმართვაში.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა თქვენი საქმეა ვისაც უნდა გაიკეთებს და ვისაც უნდა არა. რას აძალებთ ამ ხალხს მაგ შხამს. არ დაბლოკოთ.