მნიშვნელოვანი ინფორმაცია
14
აპრილიდღის ზოგადი ასტროლოგიური პროგნოზი
ორშაბათი, მთვარის მეჩვიდმეტე დღე დაიწყება 22:48-ზე, მთვარე მორიელშია
კარგი დღეა ფინანსური საკითხების მოსაგვარებლად, ახალი საქმეების დასაწყებად. ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ითხოვა საპირფარეშოში გასვლა, მშვიდი მოძრაობით დაშორდა მაგიდას, შემდეგ გაიქცა და აივნიდან გადახტა..." - რა განცხადებას ავრცელებს სახელმწიფო ინსპექტორის სამსახური
16:46 / 09-07-2021
დიდუბე-ჩუღურეთის მთავარი სამმართველოს შენობიდან მამაკაცის გადმოხტომის ფაქტთან დაკავშირებით, რომელიც გასულ თვეს მოხდა, სახელმწიფო ინსპექტორის სამსახური განცხადებას ავრცელებს.
როგორც განცხადებაშია აღნიშნული, ინსპექტორის აპარატი აღნიშნულ საქმესთან დაკავშირებით მოკვლევას ამ დრომდე აწარმოებს.
მათივე ინფორმაციით, გამოძიების მიმდინარეობის შესახებ ინფორმაციის მიწოდების მიზნით, გარდაცვლილის ოჯახის წევრები არ გამოხატავდნენ გამოძიებასთან კომუნიკაციის სურვილს და არ ცხადდებოდნენ საგამოძიებო ორგანოში.
უწყების ცნობით, ექსპერტიზის დასკვნები ამ ეტაპზე მიღებული არ არის.
„2021 წლის 16 ივნისს შინაგან საქმეთა სამინისტროდან შემოსული შეტყობინების საფუძველზე, რომელიც შეეხებოდა თბილისის პოლიციის დეპარტამენტის დიდუბე-ჩუღურეთის მთავარი სამმართველოს შენობიდან ლ.გ.-ს გადმოხტომის ფაქტს, სახელმწიფო ინსპექტორის სამსახურის საგამოძიებო დეპარტამენტის აღმოსავლეთის სამმართველომ დაუყოვნებლივ დაიწყო გამოძიება საქართველოს სისხლის სამართლის კოდექსის 342-ე მუხლის მე-2 ნაწილით გათვალისწინებული დანაშაულის ნიშნებით - შინაგან საქმეთა სამინისტროს ცალკეულ თანამშრომელთა მხრიდან განხორციელებული სამსახურებრივი გულგრილობის შესაძლო ფაქტზე, რამაც მძიმე შედეგი გამოიწვია.
გამოძიების დაწყებიდან დღემდე, სახელმწიფო ინსპექტორის სამსახურის საგამოძიებო დეპარტამენტის მიერ ჩატარდა ათობით საგამოძიებო და საპროცესო მოქმედება: დაუყოვნებლივ დათვალიერდა შემთხვევის ადგილი და ადგილმდებარეობა; ამოღებული იქნა ნივთიერი მტკიცებულებები; მოწმის სახით გამოიკითხა საქმესთან შემხებლობაში მყოფი ყველა პირი, მათ შორის, ფაქტის შემსწრე პოლიციის თანამშრომლები; გამოთხოვილი და დათვალიერებული იქნა დიდუბე-ჩუღურეთის პოლიციის შენობის შიდა და გარე პერიმეტრზე განთავსებული ვიდეოკამერების ჩანაწერები, რომლებზეც სრულად არის აღბეჭდილი პოლიციის შენობაში განვითარებული მოვლენები; შემთხვევის ადგილიდან ამოღებულ ნივთებსა და ობიექტებზე დაინიშნა კომპლექსური (გენეტიკური, ბიოლოგიური, ქიმიური და ტრასოლოგიური) ექსპერტიზა. ექსპერტიზის დასკვნები ამ ეტაპზე მიღებული არ არის.
გამოძიების მიერ სისხლის სამართლის საქმეზე ამ ეტაპზე მოპოვებული მტკიცებულებებით დადგენილია, რომ 2021 წლის 16 ივნისს თბილისის პოლიციის დეპარტამენტის დიდუბე-ჩუღურეთის მთავარი სამმართველოს შენობაში ლ.გ. იმყოფებოდა ყოფილ მეუღლესთან ერთად. პოლიციის შენობის მესამე სართულზე, საერთო სივრცეში, პოლიციის მუშაკების მიერ, დგებოდა შესაბამისი დოკუმენტაცია ლ.გ.-სა და მისი ყოფილი მეუღლის მონაწილეობით. პოლიციის თანამშრომლების მხრიდან შესაბამისი დოკუმენტების შევსების პროცესში, დაახლოებით, 20:50 საათზე, ლ.გ.-მ ითხოვა ნებართვა საპირფარეშოში გასასვლელად. ლ.გ. მშვიდი მოძრაობით დაშორდა მაგიდას, ხოლო რამდენიმე ნაბიჯის გადადგმის შემდეგ, გაიქცა აივნის მიმართულებით და გადახტა აივნიდან.
აღნიშნული დასტურდება თბილისის პოლიციის დეპარტამენტის დიდუბე-ჩუღურეთის მთავარი სამმართველოს შენობის შიდა და გარე პერიმეტრზე განთავსებული ვიდეოკამერების ჩანაწერებით, რომლებზეც სრულადაა აღბეჭდილი ლ.გ.-ს პოლიციის დაწესებულებაში გადაადგილება. ჩანაწერებში აღბეჭდილი სურათი თანხვედრაშია პოლიციის დაწესებულებაში მყოფი მოწმეების ჩვენებებთან.
აღსანიშნავია, რომ სახელმწიფო ინსპექტორის სამსახურისთვის ერთ-ერთი მნიშვნელოვანი პრინციპია გამოძიების მიმდინარეობს დროს სავარაუდო მსხვერპლთან, მისი ოჯახის წევრებთან კომუნიკაცია და მათთვის გამოძიების მიმდინარეობის შესახებ ინფორმაციის მიწოდება. სახელმწიფო ინსპექტორის სამსახურის საგამოძიებო დეპარტამენტის გამომძიებელმა, გამოძიების დაწყებიდან დღემდე, არაერთხელ სცადა კომუნიკაცია ლ.გ.-ს ოჯახის წევრებთან გამოძიების მიმდინარეობის შესახებ ინფორმაციის მიწოდების მიზნით, თუმცა ისინი დაუდგენელი მიზეზით არ გამოხატავდნენ გამოძიებასთან კომუნიკაციის სურვილს და არ ცხადდებოდნენ საგამოძიებო ორგანოში.
სახელმწიფო ინსპექტორის სამსახური ეფექტიანი გამოძიების უზრუნველყოფის მიზნით, ჩაატარებს ყველა საჭირო საგამოძიებო და საპროცესო მოქმედებას. ექსპერტიზის დასკვნების მიღებისა და შემხვედრი საგამოძიებო და საპროცესო მოქმედებების ჩატარების შემდგომ, სისხლის სამართლის საქმეზე დადგება შემაჯამებელი გადაწყვეტილების მიღების საკითხი“, - ნათქვამია ინსპექტორის აპარატის განცხადებაში.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ადრე დაძაბულ დაკითხვებს ჩაკეტილ, გისოსებიან ოთახში ატარებდნენ.