!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
პარასკევი, მთვარის ოცდამეშვიდე დღე დაიწყება 05:13-ზე, მთვარე 11:20-ზე ესტუმრება ვერძს
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მივმართავ შსს-ს, დაუყოვნებლივ მოახდინონ იმ ადამიანების იდენტიფიცირება, ვინც ძალადობდნენ მშვიდობიან მოქალაქეებზე, ჟურნალისტებზე" - სახალხო დამცველი
15:47 / 05-07-2021
სახალხო დამცველი ნინო ლომჯარია მედიაზე თავდასხმას გმობს და შინაგან საქმეთა სამინისტროს დროული და ეფექტიანი გამოძიებისგან მოუწოდებს. როგორც მან განაცხადა, წინა წლებში მსგავსი ძალადობრივი ფაქტების დაუსჯელობამ წაახალისა დღევანდელი აქციის მონაწილეები. ამასთან, ომბუდსმენის შეფასებით, უკიდურესად მიუღებელი იყო საქართველოს პრემიერ-მინისტრის განცხადება, რომლითაც მან პრაქტიკულად, გაათაბრა ძალადობრივი და მშვიდობიანი ჯგუფები უფლებრივად.
"დღეს ჟურნალისტები იყვნენ უფლებადამცველები, რომელთა ადგილზე მართლაც გმირულმა მუშაობამ უზრუნველყო ის, რომ პრევენცია გაუკეთა თუნდაც უარესი მოვლენების განვითარებას და ასევე, ძალიან მნიშვნელოვანი ძალადობრივი მოვლენების დოკუმენტირება მოახდინეს ჟურნალისტებმა. მინდა მივმართო შსს-ს, დაუყოვნებლივ, დღესვე დაიწყონ გავრცელებული ვიდეომასალის გაშიფვრა და მოახდინონ იმ ადამიანების იდენტიფიცირება, ვინც ძალადობდნენ მშვიდობიან მოქალაქეებზე, ჟურნალისტებზე. უახლოეს პერიოდში მოგვაწოდონ ინფორმაცია, თუ რა ღონისძიებები გაატარეს ამ ადამიანების იდენტიფიცირებისთვის და სისხლის სამართლებრივ პასუხისგებაში მიცემისთვის.
ასევე მინდა ვთქვა, რომ წინა წლებში, მსგავს ფაქტებთან დაკავშირებით არ მომხდარა სათანადო სამართლებრივი რეაგირება სამართალდამცავი ორგანოების მხრიდან. ყველა შემთხვევაში, მსგავსი ძალადობრივი, სიძულვილით მოტივირებული ფაქტები დაუსჯელი რჩებოდა. მიმაჩნია, რომ სწორედ ამ დამოკიდებულებამ წაახალისა დღევანდელი ქმედებები. ასევე უკიდურესად მიუღებელი იყო საქართველოს პრემიერ-მინისტრის განცხადება, რომლითაც მან პრაქტიკულად, გაათაბრა ძალადობრივი და მშვიდობიანი ჯგუფები უფლებრივად. ცალსახად მინდა აღვნიშნო, რომ ყველა ადამიანს აქვს უფლება, გამოხატოს საწინააღმდეგო აზრი, მათ შორის "პრაიდის“ ორგანიზებასთან დაკავშირებით და დააფიქსიროს ეს მშვიდიბიანი ფორმით, მაგრამ ცალსახაა, ეს ადამიანები უკვე აანონსებდნენ ძალადობრივ ქმედებებს და დილიდანვე დაიწყეს ძალადობრივი ქმედებები“, - განაცხადა ლომჯარიამ.
ომბუდსმენის შეფასებით, ასევე არასწორი იყო "თბილისი პრაიდის“ გამართვის პოლიტიკურ ჭრილში განხილვა, რამაც კიდევ უფრო დაამძიმა და წაახალისა არსებული ფონი.
მკითხველის კომენტარები /
14 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამ ქალს უფლებამოსილების ვადა აღარ გასდის?
სახალხო დამცველი სიტუაციის დაძაბვას, თავის გამოჩენას არ უნდა ცდილობდეს მას აქვს სრული წვდომა შს სამინისტროს პირველ პირებთან შეუძლია გაარკვიოს დაწყებულია თუ არა ამ პირთა დადგენის პროცედურები და თუ დაინახავს, რომ ასეთზე მუშაობა არ მიდის შემდეგ გააკეთოს მსგავსი პროვოკაციული განცხადება. არ შეიძლება სახალხო დამცველი ამ მძიმე სიტუაციაში პოლიციის დისკრედიტაციისკე მიმართულ ნაბიჯს დგავდეს ამით ის რადიკალურ ჯგუფებს ახალისებს. პოლიციის ხელმძღვანელობამ მსგავსი განცხადებების გასანეიტრალებლად სისტემატიური ინფორმაცია უნდა გაავრცელოს მიმდინარე თუ დაგეგმილ ღონისძიებათა შესახებ ამით ხელს შეუწყობს რადიკალური მუხტის შემცირებას და გაიადვილებს პროცესის მართვას.