10
აპრილიდღის ზოგადი ასტროლოგიური პროგნოზი
რამდენიმე დღის წინ სხვადასხვა მედიასაშუალებები წერდნენ ახალ რეკორდზე, რომელიც სამხრეთ აფრიკელმა ქალმა, გოშამე თამარა სითოულმა 10 ტყუპის გაჩენით დაამყარა. ახლა კი BBC-ი წერს, რომ სინამდვილეში ყველაფერი ტყუილი აღმოჩნდა. სამხრეთ აფრიკის არცერთ კლინიკაში არ არის მონაცემები გოშამე სითოულის მშობიარობის შესახებ.
უფრო მეტიც, გამოცემის ცნობით, სამედიცინო ექსპერტიზა აჩვენებს, რომ ის ორსულად საერთოდ არ ყოფილა.
37 წლის ქალი ამჟამად ექიმების მეთვალყურეობის ქვეშაა და აკვირდებიან თუ რამდენად ჯანსაღია ის ფსიქოლოგიური თვალსაზრისით. ჯერჯერობით, გადაჭრით ვერ საუბრობენ, თუ რატომ მოიგონა ქალმა 10 ტყუპის გაჩენა.
- აღსანიშნავია, რომ როდესაც საზოგადოებამ გაიგო 10 ტყუპის დაბადების შესახებ, ოჯახისთვის შემოწირულობების შეგროვება დაიწყეს და საბოლოოდ, 70 000 დოლარი შეგროვდა.
საყურადღებოა, რომ თავდაპირველად ინფორმაცია მედიასაშუალება Pretoria News-მა გაავრცელა, რომლის რედაქტორსაც ახლა ქალის თანამზრახველობაში და ყალბი ინფორმაციის გავრცელებაში სდებენ ბრალს. ცნობა 10 ტყუპის დაბადების შესახებ ადგილობრივი ხელისუფლების წარმომადგენელმაც დაუდასტურა მსოფლიოს სხვადასხვა მედიაგამოცემას. მოგვიანებით გაირკვა, რომ ხელისუფლების წარმომადგენლებს ინფორმაცია ქალის მეუღლისგან ჰქონდათ, რომელიც თავის მხრივ, მშობიარობას არ დასწრებია.
არსებული ინფორმაციით, თავად მამაკაცმაც არ იცოდა, რომ მისი ცოლი რეალურად ფეხმძიმედ არ იყო.
ცნობისთვის, გოსიამე სითოლის მშობიარობისა და 10 ტყუპის გაჩენის ამბავზე BBC-ი 9 ივნისს წერდა. სტატიაში აღნიშნული იყო, რომ ქალს 7 ვაჟი და 3 გოგონა შეეძინა.
ხედავთ, ჩვენზე მატყუარა მედიაც ყოფილა სადღაც, თუნდაც აფრიკაში....
კი, მაგრამ ეს 10 ბავშვი თუ არავის უნახია და ქმარსაც არ უნახავს, ისე ჰაერზე ლაპარაკობდნენ?