ზუგდიდში  „გორგიას“ ახალი ფილიალი გაიხსნა

ზუგდიდის მაცხოვრებლებს „გორგიამ“ სასიამოვნო სიახლე შესთავაზა. 26 მაისს, ზუგდიდში საქართველოს დამოუკიდებლობის დღეზე, ჰიპერმარკეტის საზეიმო გახსნის ცერემონიალი გაიმართა. ჰიპერმარკეტი მომხმარებელს „გორგიას“ სრული პროდუქციით, მუდმივი საჩუქრებითა და აქციებით უმასპინძლებს.

ზუგდიდის ფილიალი სავაჭრო მოლის ტიპის კონცეფციით იქნება წარმოდგენილი, რაც ძალიან მოსახერხებელია მომხმარებლებისთვის. სარემონტო-სამშენებლო ჰიპერმარკეტების ქსელი „გორგია“ ცნობილია იმით, რომ მომხმარებელს 50 000-ზე მეტი დასახელების სამშენებლო-სარემონტო და საყოფაცხოვრებო პროდუქტს საქართველოში ყველაზე დაბალ ფასად სთავაზობს.

„გორგიაში“ ყველაფერი ერთ სივრცეშია თავმოყრილი, რაც ყიდვის პროცესსაც აადვილებს.

„გორგიას“ ჰიპერმარკეტი საქართველოს 6 ქალაქში, 8 ფილიალითაა წარმოდგენილი.

„მოხარული ვართ, რომ ქვეყანაში შექმნილი პანდემიური ვითარების მიუხედავად, ვაგრძელებთ გაფართოებას, ახალი ფილიალების გახსნას, ინვესტირებას, ადამიანების დასაქმებას. ჩვენთვის მნიშვნელოვანია, რომ ახალი ფილიალი ჩვენი ქვეყნისთვის ყველაზე მნიშვნელოვან დღეს, 26 მაისს სწორედ სამეგრელოში გაიხსნა. გვინდა, ახლო მომავალში სწორედ ეს სივრცე ვაქციოთ რეგიონში ყველაზე დიდ სავაჭრო ცენტრად, სადაც 100 000 კვადრატულ მეტრ ტერიტორიაზე წარმოდგენილი იქნება არა მხოლოდ „გორგია“, არამედ მოსახლეობისთვის საინტერესო ყველა პროფილის სავაჭრო ზონა“. - განაცხადეს „გორგიას“ წარმომადგენლებმა.

გახსნის ცერემონიალს ესწრებოდნენ ზუგდიდის მერის მოვალეობის შემსრულებელი კონსტანტინე კაკავა, ზუგდიდის მუნიციპალიტეტის საკრებულოს თავჯდომარე მამუკა წოწერია, სამეგრელო-ზემო სვანეთის რწმუნებული მალხაზ თორია, ასევე ქართველი ბიზნესმენები და მეწარმეები.

„მიხარია, რომ დღეს 26 მაისს ჩვენ ზუგდიდში ვხსნით ობიექტს, სადაც 100 ადგილობრივი საქმდება და ჩადებული ინვესტიცია ხუთ მილიონ ლარზე მეტია. მე მინდა მადლობა ვუთხრა „გორგიას“ მენეჯმენტს განხორციელებული სამუშაოებისთვის. კიდევ ერთხელ გილოცავთ და წარმატებებს გისურვებთ“. - მალხაზ თორია (სამეგრელო-ზვენო სვანეთის რწმუნებული).

„დღეს ჩვენს მუნიციპალიტეტში ძალიან წარმატებული ბრენდის, „გორგიას“ ფილიალის გახსნა ეკონომიკური სიძლიერისკენ გადადგმული კიდევ ერთი ნაბიჯია. მინდა „გორგიას“ დამფუძნებლებს და მის მენეჯმენტს მადლობა გადავუხადო ჩვენი მუნიციპალიტეტის მიმართ გამოხატული ინტერესისთვის. გისურვებთ წარმატებებს და კმაყოფილ მომხმარებლებს“. - მამუკა წოწერია (ზუგდიდის საკრებულოს თავჯდომარე).

„გორგიას“ ახალი ფილიალი ზუგდიდში, ჯანაშიას #1-ში მდებარეობს.

R